中五學生開家長會,我應該要問老師什麼呢?

jojohuen

來緊既星期日係家長日,其實每次見老師我都無野要問,好快就可以走.而前面的家長每次都超晒鐘都未出來,有乜野咁多問題問呢?我唔係介意要等,只係見中五了下年就考DSE,我係怕有D乜野我應該要知但我又唔識問老師,所以問下大家的意見,面見老師時有乜野要問呢?感謝萬分

Yanamami

其实成績－向穩定係無野好问，问PG囉。

jojohuen

Yanamami 發表於 19-2-21 16:45
其实成績－向穩定係無野好问，问PG囉。

請問什麼是PG

lm251099

jojohuen 發表於 19-2-21 20:38
請問什麼是PG

Predicted Grades, 每科嘅預測分數

1998Ruby1998

1. 每科校內呢個分數，出到去考 DSE 大概咩分數。
2. 如果學校升學資料少（即呢度 EK 升中版搵唔到完整資料），問老師大概幾多人升到本地，排名位置係咪屬於升到大學果批。
3. 如果考慮外地升學，問學校會否幫手申請，幾時開始。

jojohuen

lm251099 發表於 19-2-21 21:30
Predicted Grades, 每科嘅預測分數

明白，多謝

jojohuen

1998Ruby1998 發表於 19-2-21 21:44
1. 每科校內呢個分數，出到去考 DSE 大概咩分數。
2. 如果學校升學資料少（即呢度 EK 升中版搵唔到完整資料 ...

多謝你。

YDLFATHER

問老師妳子女有什麼缺點, 需要改進

csy_ma

回覆 jojohuen 的帖子

我囡間中學，中四初就叫佢地做性向測驗，然後叫佢地寫目標大學同科系。我地係中四家長日被告知，女兒當時既意願是科大，而科大不只看成績，還要看OLE和面試，叫我地留意吓畀女兒有更多機會接觸目標科系既範疇。後來，女就自己搵咗教局商校合作計劃https://www.edb.gov.hk/tc/student-parents/careers-guidance/bspp/既項目去報。其中有科學園既實習，通過實習公司識咗目標科系既公司老闆，又多做咗兩日有薪既展覽攤位職員……等。

問老師您子弟既目標科系跟孩子的性格適合嗎？需要咩成績？機會大嗎？除咗成績要唔要其他準備？中五升中六，學校多半有暑期催谷既補課，如果上大學既揀卒營唔去補課又得唔得？學校在升學規劃上有什麼支援（我囡學校係高中起由相關科目老師帶10個內學生給予升學意見，到放榜日全校老師總動員作升學策略軍師）？

另外，有很多學校參與台灣大學免試申請的報名（第一輪必須經學校報，第二輪才有個別申請），學校有沒有代報；考歐美大學則要提前考IELTS或SAT試，IELTS都有唔同試適用唔同地區既，問學校有冇相關資料同建議，假如子女有目標既海外大學，亦可向老師問意見？

jojohuen

csy_ma 發表於 19-2-21 22:33
回覆 jojohuen 的帖子

我囡間中學，中四初就叫佢地做性向測驗，然後叫佢地寫目標大學同科系。我地係中四家 ...

你女間學校支援好好,我仔間無呢d.而佢又係一個無計劃既人,問佢想讀乜大學乜科系,佢話唔知,等dse分數出來睇下有乜揀先算,你話我係咪皇帝唔急太監急

csy_ma

jojohuen 發表於 19-2-22 09:41
你女間學校支援好好,我仔間無呢d.而佢又係一個無計劃既人,問佢想讀乜大學乜科系,佢話唔知,等dse分數出來睇 ...

中六上學期就要報20個志願，放榜後係容許在這20個志願內作前後移動，將最接近收生分既科系放至頭三。而上學期前要完成的，還有OEA，要寫500字內既自我介（中英皆可，寫英文可能更好，但重要既係可自如表達），另加10項OLE，呢啲，最好及早準備。
所以知道PG好重要。我囡學校係自中四起大部分學科都有出，然後每次試後按最新成績調校既。聽講有學生真係冇話畀家長知，所以家長只係會知道見家長果一次。下年升中六，得果一個學期正式上課，好快要考試，又好多嘢搞……我囡因為分神準備報台灣大學聯校免試申請既自述、報讀原因同學習計劃等文字，致要近乎裸考應付考內試。其他打算申請歐美大學既同學都忙。所以最好諗定後着暑假做定先。

近排好多海外升學講座，可考慮去聽吓？有朋友中五見家長後，至被告知女兒成績可能未必能升大，着家長及早考慮。搞到佢地果年非常忙碌，結果女兒雖入到城大，亦情願去英國讀。到DSE公布後睇餸食飯，都唔係唔得，我另有朋友因為個仔成績遜預期，在7月至去搞，亦都去咗英國同一間U，仲咁蹺都係入到城大。

……好似離咗題……總之，中五下學期要準備好多嘢，例如報目標大學既夏令營咁。我囡就試過佢想在夏令營修既科，撞咗學校既補課時間，老師又唔畀唔返，結果報唔到。所以，早少少問定老師，等老師確定後早些知會，也是好的。因為大學夏令營既選科多半先報先得，手快有手慢冇。

JustAParent

jojohuen 發表於 19-2-21 16:10
來緊既星期日係家長日,其實每次見老師我都無野要問,好快就可以走.而前面的家長每次都超晒鐘都未出來,有乜野 ...

其實見老師同體檢見醫生一樣，冇事攞份report就走。

你望都唔好望大把野講，"XX，你份體檢報告有Ｄ問題，想同你解釋吓XYZ ..." 咁就瓜得啦。

jojohuen

csy_ma 發表於 19-2-22 11:27
中六上學期就要報20個志願，放榜後係容許在這20個志願內作前後移動，將最接近收生分既科系放至頭三。而上學 ...

好多謝你咁多詳盡資料,我之前一直唸住報大學呢D個仔自己搞掂,佢問我先會講下自己意見.點知佢係一問三不知,所以我先自己上來呢度問下意見.我仔係一個HEA 人,大學夏令營佢唔會想去,唔好話好似你女咁自己搵資料報名,就算全部我搞掂佢只需按時出席都唔願意
海外升學唔會唸啦,我地係基層家庭負擔唔起咁大既開支.我同佢講有本事就考入香港既大學,唔係就學門手藝出來做野亦好.我對佢係有期望,但唔敢俾太大壓力佢.佢連自己幾時要報志願都唔知

October.

JustAParent 發表於 19-2-22 11:40
其實見老師同體檢見醫生一樣，冇事攞份report就走。

你望都唔好望大把野講，"XX，你份體檢報告有Ｄ問題， ...

次次講野都咁中POINTS.

TwinWong

csy_ma 發表於 19-2-22 11:27
中六上學期就要報20個志願，放榜後係容許在這20個志願內作前後移動，將最接近收生分既科系放至頭三。而上 ...

U 嘅SUMMER CAMP 你地最好中四报升中五前個個暑假玩,
中五暑假分分鐘就要返去上堂, 準備中六架
我校係中五后的暑假要繼續返學, NON STOP