請教伴讀方法

千語mami

想請教前輩，我是working mum, 平日通常晚上才有時間伴讀，因為小朋友書本越看越深和厚，而伴讀時間就只有1-1.5hrs左右, 而且小朋友喜歡每頁深入研究文字以外的圖畫，所以看得比較慢，已經唔能夠一晚看兩本（一中一英）,小朋友之前中文比英文好，因此如有時間我會盡量和他看英文書，但現在發現一個問題，因為少了看中文書，他的中文變得大倒退，而英文雖然進步了不少， 卻依然未算得上好，所以很煩腦，好像兩頭唔到岸，究竟我應該繼續努力伴讀英文，還是應該要平衡返中文閱讀時間好D呢？   

AndrewHo_FB

減輕壓力, 每天只讀一本, 約 15-30 min, 中文英文輪著讀, 但每天都讀. 如果感到壓力, 是不能長久的.

餘下來的時間, 可以和小朋友多傾談和玩 Lego, 彈琴, 看 Peppa Pig, 甚至什麼都不做, 休息一下.

閲讀是重要, 但亦要花時間去聽及說.

MrBeast

千語mami 發表於 19-2-19 01:07
想請教前輩，我是working mum, 平日通常晚上才有時間伴讀，因為小朋友書本越看越深和厚，而伴讀時間就只有1 ...

咁要睇下你小朋友將來會考dse or not.  就咁睇唔覺有乜大問題，小朋友幾大？

Diversifyedu

千語mami 發表於 19-2-19 01:07
想請教前輩，我是working mum, 平日通常晚上才有時間伴讀，因為小朋友書本越看越深和厚，而伴讀時間就只有1 ...

小朋友看書開始深和厚, 我會伴讀1-2 Chapter, 就算佢伴讀時間以外自己睇過都唔怕照讀, 一樣聽得好開心. 除此之外, 如果佢自己睇過本書, 圖畫都應該研究完, 冇咁分心又可以講快D..

hohoho888

千語mami 發表於 19-2-19 01:07
想請教前輩，我是working mum, 平日通常晚上才有時間伴讀，因為小朋友書本越看越深和厚，而伴讀時間就只有1 ...

不過講真既, 英文好既人中文通常一般
相反都係, 好少人兩樣都GOOD
我覺得是針無兩頭利
一晚中一晚英可以試下
但睇書都係relax 既一種,
書中都既內容學人際關係, 處事,
唔好太緊張學到咩語言
平常心啦, 我自己因為中文好d, 所以通常都係同佢睇中文書
我女都會話想識多d字,

除左有字書, 到k2 後可以比d無字書佢練下沒文字時點講故
有時有字書會影響左佢了解圖片

OP妮歌

幾歲呀？
如幼稚園的話我是每天一本英一本中，薄薄的分級故事，用十五分鐘讀完用來認讀；然後讀小朋友乩的故事，看情況而家讀一篇還是一本，大約用半小時至四十五分鐘。

細仔用這方法，中英認字能力尚叫不錯

還有十分鐘左右的pillow talk，我覺得非常寶貴

L+H

同樣面對無時間的難題。基本上無法一晩睇完，要早訓早起。
一晚中文係長的(用chapter計），搭本短英文（淺的頁數少的），vice versa

tsoipopo

千語mami 發表於 19-2-19 01:07
想請教前輩，我是working mum, 平日通常晚上才有時間伴讀，因為小朋友書本越看越深和厚，而伴讀時間就只有1 ...

咁不如1天中文書1天英文書試試，你每天能堅持用1至個半小時伴讀已好好。中文係難啲，將唔識的生字寫在簿上，得閒叫佢認讀，會有改善的。

千語mami

AndrewHo_FB 發表於 19-2-19 03:45
減輕壓力, 每天只讀一本, 約 15-30 min, 中文英文輪著讀, 但每天都讀. 如果感到壓力, 是不能長久的.

餘下 ...

謝謝前輩suggestion，其實剛開始只係睇30分鐘左右，但小朋友越睇越興奮，開始追書，而且因為識字越來越多，佢會負責讀，我聽，到佢唔識嘅字或語法深少少句子我先解釋，加上佢好愛睇圖畫，每一個細節都慢慢睇，所以越睇越耐，但我覺得佢係享受的 只係媽媽我見到佢嘅中文好多字唔記得晒 有d擔心。

千語mami

tsoipopo 發表於 19-2-19 10:36
咁不如1天中文書1天英文書試試，你每天能堅持用1至個半小時伴讀已好好。中文係難啲，將唔識的生字寫在簿上 ...

謝謝，等我試下，希望唔好又變咗英文大倒退，好艱難先令佢愛上睇英文書

karllambb

hohoho888 發表於 19-2-19 10:01
不過講真既, 英文好既人中文通常一般
相反都係, 好少人兩樣都GOOD
我覺得是針無兩頭利

請問無字書有無推介？謝謝先！

Elenalan

如果已經升小, 消閒類o既書我唔會伴讀, 我會俾佢自己去睇, 閱讀o既過程唔使擔心佢唔識字, 揀番o岩佢程度o既書, 佢自己睇得多, 睇得明白意思, 睇前睇後就估到d新字。閱讀時唔好太過執著佢認字, 只要佢睇得明白又有興趣, 我會鼓勵佢自己去睇, 唔係被動地由我帶佢去認字。漸漸地佢會開發自己閱讀世界, 主動去學校圖書館搵有興趣o既書去借閱, 對書本內容亦有自己睇法見解, 唔係只食你煮俾佢o既野。

如果係睇d科著non-fiction fact books, 內容未係佢生活層面接觸過o既, 我先會考慮同佢一齊睇。如果一本書因為字深/ 唔伴讀就唔肯睇, 我覺得咁樣會令佢冇左自主閱讀o既樂趣。

Elenalan

其實點解要堅持一晚睇2本書? 就算一晚都睇唔哂一本又有乜所謂?
我見我女睇書, 如果係簡單chapter books (e.g. captain underpants/ wimpy kids, my weird school呢d), 有時佢好回味d情節, 都會分幾晚去睇。如果係漫畫, 佢可以一晚睇幾本, 但又會之後幾日再翻煲, 煲到記得d搞笑對白。佢個櫃總有一批書係點都唔肯俾我trade左佢, 不停輪迴翻煲 (多數睇完我會放2手, keep住家中書本流動, 土地問題冇咁多位放新書)。呢個係佢個人閱讀習慣, 係佢興趣, 閱讀興趣唔應該以睇左幾多本數量去衡量, 我會寧願佢成為一個book lovers, addicted to reading!

反而中文橋樑書, 佢就真係睇完一次好少再睇, 小兵快樂讀本呢類, 佢可以一晚睇3、4本。兒童雜誌都係好快ko一本。

千語mami

Elenalan 發表於 19-2-19 14:01
如果已經升小, 消閒類o既書我唔會伴讀, 我會俾佢自己去睇, 閱讀o既過程唔使擔心佢唔識字, 揀番o岩佢程度o既 ...

謝謝，因為小朋友只係k2, 自己睇書時成日齋睇圖畫，如果我陪佢睇佢先會讀比我聽，咁我呢個情況係唔係繼續陪睇好d呢？

千語mami

Elenalan 發表於 19-2-19 14:12
其實點解要堅持一晚睇2本書? 就算一晚都睇唔哂一本又有乜所謂?
我見我女睇書, 如果係簡單chapter books (e. ...

因為一開始伴讀我係為咗要佢認多d字，諗住一中一英平均d, 但係後來佢越睇越愛英文書，而且我有私心想佢英文有進步，所以就放低咗中
文書一段日子，點知而家唔記得晒d 字

千語mami

MrBeast 發表於 19-2-19 08:10
咁要睇下你小朋友將來會考dse or not.  就咁睇唔覺有乜大問題，小朋友幾大？

離DSE太遙遠了 今年年中先開始考小一

Diversifyedu

回覆 千語mami 的帖子

伴讀就一定要, 不過放開認多d字呢個目標啦, 最重要係令佢覺得睇書係有趣從而愛上閱讀.
如果認唔到咁多字或者睇得慢, 咪睇D簡單D書, 其實陪佢一齊睇圖畫都得, 慢慢佢就會感受到內容比圖畫更豐富有趣,

Elenalan

千語mami 發表於 19-2-19 14:15
謝謝，因為小朋友只係k2, 自己睇書時成日齋睇圖畫，如果我陪佢睇佢先會讀比我聽，咁我呢個情況係唔係繼續 ...

K2齋睇圖好正常呀! 所以點解要有picture books/ bridging books呢d去過渡? 我女小一唔使伴讀, 閱讀能力不俗, 俾本純文字書佢, 就算假設佢隻隻字都識, 都唔會鍾意睇啦! 插圖係豐富小朋友聯想力, 令佢睇書時有「畫面感」更投入。

中文係好難, 我女都要升小一後先可放手自己睇, 幼稚園時仍然要靠我大量伴讀繪本, 仲有靠青田果d語文故事書仔train佢自己認字去讀, 有多d字量後, 又可以共同讀下繪本(呢方面你都做緊而且做得好好)。阿女真正轉捩點, 係K3升小一個暑假, 俾佢睇大量漫畫, 有d漫畫角色e.g.屁屁偵探、喜羊羊..., 有繪本/漫畫, 只要令小朋友愛上角色, 就好易吸引佢地自動追睇讀本文字書。我小朋友係成功例子, 佢中文識字量好多, 所以上小一後已好快自己睇橋樑書。不過我知好多家長唔鍾意小朋友睇漫畫(我持相反意見), 睇下你自己點睇。

如果小朋友英文okay, 你可以早d俾佢自己睇英文書(例如d graded readers, e.g. ORT stage 5 up自己睇冇咩問題), 亦可俾佢按興趣睇其他early readers (K2可以試睇Usborne Young Reading Series, 亦可睇Mercy Watson, Judy Moody (colored), Seriously Silly, Winnie the Witch...呢d字淺白全彩圖, K2-3可應付。我當時都係英文放手, free up多d時間伴讀中文書。

hohoho888

karllambb 發表於 19-2-19 13:43
請問無字書有無推介？謝謝先！

https://www.books.com.tw/products/0010651159

1162694sd

樓上幾個回應好啱，伴讀千奇吾好為左目的要認字，其實係為左培養佢興趣啊，培養到佢真係有興趣看書，書不離手，將來升小升中語文能力一定吾錯