AFS Host Family

Jane1983

silvia_ng 發表於 19-2-25 17:21
呢個睇落似一年，我仔學校都有招募家庭幫手。上年個exchange student同我仔仲做左成年同班同學。但樓主已 ...

如果自己小朋友去咗exchange，咁道義上做番host都係合理安排。

不過香港人家庭好多都係咆哮山莊，招呼外人唔易，一係谷死自己唔發作，一係嚇親人。

cgefamily

係來自日本的女生，作10個月的交流，但佢係零交流，問一句，答案係： yes/no/I don't know/(冇反應）結果我們只不過是提供2餐1宿的地方

cgefamily

初來時我們熱切寄望可以熱鬧啲，可以學吓日文，但佢一句都唔會主動教，我們初初教佢講廣東話，佢又唔係有與趣。

同佢出行去博物館，濕地公園，坐船去地質公園，遊大澳，聽音樂會....樣樣同佢講解兩句佢都冇反應，只係點吓頭。

cgefamily

以為日本人好有禮貌，但基本上佢係唔會主動打招呼，我先主動講good morning, 佢就回句hi.同枱食飯好唔自在。
成日都諗係唔係有什麼地方招呼唔到？

好似只係想同年紀的女仔交往，所以平時都唔睬我個仔。

Yanamami

cgefamily 發表於 19-2-28 20:03
初來時我們熱切寄望可以熱鬧啲，可以學吓日文，但佢一句都唔會主動教，我們初初教佢講廣東話，佢又唔係有與 ...

係咪佢英文唔得呀？我以前讀中中，出国住人地度都係－模一样表现……其实佢心入边可能俾蟻咬禁㗎~

cgefamily

我有旁敲側擊問過，佢好大反應："I can speak complete sentence!"以後我都唔敢再問。
以佢個人來說英文程度比好多日本人好得多，聽睇冇問題，但仍不足以跟人交流。

Yanamami

cgefamily 發表於 19-2-28 20:40
我有旁敲側擊問過，佢好大反應："I can speak complete sentence!"以後我都唔敢再問。
以佢個人來說英文程 ...

唔常用都係会膽怯唔放胆講｡我以前留学时曾經－整曰唔講多过十句野｡

cgefamily

佢十日都冇一句！我在初期問過佢，早排再問，佢都話冇問題。
我最終話佢好似唔想同我哋講話，只是一部answering machine,佢就爆喊，話喺學校講到，唔知點解喺我“屋企”就講唔到。
我怕左佢，後來就話只要佢覺得舒服，可以繼續保持沉默。
但當然這不是AFS 交流的精神。

HaYi

我以為一般是招待同性的小朋友, 我個仔小學去日本時是入住同性同齡的, 所以冇咩膈膜,  
不同性加上不太溝通到在異地十個月, 又真係幾難為大家.   
不過是佢地選人交流之前冇briefing ? 我見阿仔小學攪, 要選入, 例如選讀日文的較優先選入.  都會有幾堂briefing  do's don'ts  俾去的人 ,  

持之以恆

cgefamily 發表於 19-3-1 19:22
佢十日都冇一句！我在初期問過佢，早排再問，佢都話冇問題。
我最終話佢好似唔想同我哋講話，只是一部answe ...

佢要在你家住十個月？你屋企變咗酒店！

Yanamami

持之以恆 發表於 19-3-1 21:57
佢要在你家住十個月？你屋企變咗酒店！

Exchange呀~係禁啦~大驚小怪的~

Yanamami

cgefamily 發表於 19-3-1 19:22
佢十日都冇一句！我在初期問過佢，早排再問，佢都話冇問題。
我最終話佢好似唔想同我哋講話，只是一部answe ...

禁佢本身都好大压力……惡性循環，你唔like佢(虽然唔係禁)，佢feel到就越怕溝通，所以係学校講到屋企講唔到｡係咪由你女去问佢引導佢，好过你问呢？

持之以恆

Yanamami 發表於 19-3-2 00:02
Exchange呀~係禁啦~大驚小怪的~

我是大驚小怪呀，因我見好多人Exchange是住學校，包括我家姐個女去美國都係住學校，而且一個完全無交流嘅陌生人住係自己屋企十個月，屋企不是成了酒店？

小時了了

持之以恆 發表於 19-3-2 07:17
我是大驚小怪呀，因我見好多人Exchange是住學校，包括我家姐個女去美國都係住學校，而且一個完全無交流嘅陌生人住係自己屋企十個月，屋企不是成了酒店？

樓主討論帖標題已寫明 AFS, 認識 AFS 組織嘅 EK網友一睇 AFS 就會知一年 (10個月) 住係寄宿家庭度

不過，你唔認識唔緊要，當識新知識，依家認識下無壞

AFS接待計劃 https://www.afs.hk/zh-hant/host-an-afser/

AFS Hong Kong Host Family Program | AFS 香港接待家庭計劃 video: https://www.youtube.com/watch?v=0Es606YMcCU

.

Yanamami

持之以恆 發表於 19-3-2 07:17
我是大驚小怪呀，因我見好多人Exchange是住學校，包括我家姐個女去美國都係住學校，而且一個完全無交流嘅陌 ...

Exchange不嬲有住学校宿舍，有住host family两种｡HK有幾多学校有宿舍呢？

持之以恆

小時了了 發表於 19-3-2 07:55
樓主討論帖標題已寫明 AFS, 認識 AFS 組織嘅 EK網友一睇 AFS 就會知一年 (10個月) 住係寄宿家庭度

不過， ...

多謝指教，咁要預咗咩情況都可能發生，我家姐個女住我屋企一個月，都成日係房關住門，叫佢早晨都無回應，其他陌生人我更接受唔到住自己屋企。

小時了了

cgefamily 發表於 19-3-1 19:22
佢十日都冇一句！我在初期問過佢，早排再問，佢都話冇問題。
我最終話佢好似唔想同我哋講話，只是一部answering machine,佢就爆喊，話喺學校講到，唔知點解喺我“屋企”就講唔到。
我怕左佢，後來就話只要佢覺得舒服，可以繼續保持沉默。
但當然這不是AFS 交流的精神

其實呢個帖，我之前熱切等待樓主分享當中嘅難處，因為我真係打算今年暑期為阿女報名出年為期一年交流生（如果阿女肯去的話）。我嘗試以交流生及交流生父母角色去代入樓主描述嘅感受, 好讓阿女如果出年可能真係去交流時所面對嘅文化衝擊。

唔好意思，你話 "佢好似唔想同我哋講話，只是一部answering machine"'，''可以繼續保持沉默", 就咁表面睇呢句都真係幾 "hurt"。樓主接待嘅日本交流女生，以我片面認識嘅日本文化男尊女卑，而日本人只講日文，學其他國家語言唔係咁open，根深蒂固嘅日本文化，俾多啲時間、心機、耐性同交流生慢慢溝通。
接納及包容好重要，知易難行。樓主及日本女交流生加油!

好想分享呢條片, 俾樓主了解下交流生面對嘅困境 >>>Finland: https://www.youtu一.be=.com/watch?v=QzbTVeNj45A

我見AFS 網上講 https://www.afs.hk/zh-hant/host-an-afser/#afs-nav-%e7%94%9a%e9%ba%bc%e6%98%afafs%e6%8e%a5%e5%be%85%e5%ae%b6%e5%ba%ad:  AFS 義工及員工所支援，接待家庭為學生於新學校及社區領航，幫助他們認識朋友，學習語言，以及享受在香港的一年。分享文化及傳統，有助於增長關係，建立一段終生的友誼。>>> 樓主不如同AFS 義工及員工傾下可以點樣解決困境

Yanamami

持之以恆 發表於 19-3-2 08:19
多謝指教，咁要預咗咩情況都可能發生，我家姐個女住我屋企一個月，都成日係房關住門，叫佢早晨都 ...

你家姐个女係親人都尚且禁，禁其实楼主都要有心理準備唔同文化既人黎到，大家語言同习慣晤同会有隔閡。虽然楼主最初熱情俾佢既一冷淡冲淡，但都去体諒下佢，其實都有压力㗎｡

持之以恆

Yanamami 發表於 19-3-2 09:50
你家姐个女係親人都尚且禁，禁其实楼主都要有心理準備唔同文化既人黎到，大家語言同习慣晤同会有隔閡。虽然 ...

我家姐個女另去過加拿大，美國遊學，都是住當地人家中2至3星期，以佢性格，想像到同樓主接待的小朋友一樣，不同的是當地人是收費的，當提供酒店一樣。而樓主要接待十個月，真係唔易。

cgefamily

我估只係我們根據AFS介紹而得的寄望，和現實有很大出入。我跟另一個來自歐洲某個國家的AFS交流生一起外出，有很大的不同表現，有禮，健談，成熟（當然，佢都可能有些麻煩嘢我們不同住係唔會知）。所以我們都只接受抽到支唔係幾好嘅籌。
我家有女有仔，但女是寄宿生，只在週末回家，多數同哥哥玩，佢話“個交流生唔出聲，我自己英文又唔叻，都唔知同佢講乜好”

所以其實當我明白我們是不需要再主動做一些什麼令佢有興趣的活動或話題，她可能只需要一個地方食住，我就反而覺得舒服啲。雖然，我們都有點失望，但就當是無償接待一個小朋友啦！
講到尾佢隻身漂洋過海離鄉別井都唔易。