study leave

sandy625

想請教這時期怎樣編排溫書時間，另外每次用多少日來溫一科呢？

csy_ma

sandy625 發表於 19-2-10 23:11
想請教這時期怎樣編排溫書時間，另外每次用多少日來溫一科呢？

我囡都係今屆，下週先開始study leave。佢有同我提過，因為考試多半在早上，所以kp早上腦筋清醒都幾重要，唔可以因放假就開夜車溫書致翌日晏起。
點溫就好個人。但佢學校以往既經驗係，約埋一齊溫冇咁易畀自己偷懶。但都有唔好處，做past paper畀人打亂咗就難集中返。我囡因為咁，曾諗住自己去圖書館而唔返學校溫，但咁真係易懶，畢竟在家hea又半日。返校同同學一齊會kp到個學習規律。
佢話如集中精神做卷，一日一份都好辛苦吓，咁每日溫唔同既科會唔會拉得冇咁盡？
據聞自修室而家只可bk早午晚其中一節，我囡揀夜晚，因為白天可在學校圖書館/陰雨操場伴陽光溫，然後吹吹風，轉轉環境，可能腦袋更清醒？

我囡係曾經休學生，好多好友去年已考DSE，睇返佢地既經驗，study leave有冇好好利用真係好重要。而要用得好，首先係建立自己既溫習規律，早睡早起。
佢因為對中文通識有點半放棄，所以每日都溫既科只有英文，因佢字彙比較弱，要kp住每日閱讀。

而家大學收生改制，與其「雨露均沾」，不如放多些時間在有把握既科目上？
另外，也不要把自己弄得太緊張？每日溫完後散散步，或做一下運動，聽聽歌可能效率更好？

加油。別太緊張，升學路途現在有很多，失手不過是迂迴點？人生冇可能有起冇跌，年輕時交點學費，讓自己想清楚要走一條怎樣的路，也沒壞。找到平衡就好了。

csy_ma

另，如果老師肯改，最好每週kp住作一篇文。呢個曾是我囡升中六後的目標，可惜現在也未開始，不知是否又淪為紙上談兵……

sandy625

回覆 csy_ma 的帖子

很多謝你咁長盡又有用既回覆，我個仔無你個女咁識諗，成日夜睡晏起，我已經成日哦佢，佢都覺得無問題，話總之訓夠就得。

TwinWong

sandy625 發表於 19-2-10 23:11
想請教這時期怎樣編排溫書時間，另外每次用多少日來溫一科呢？

温咩科先, 掂温係小朋友自己才安排到

我女當年係同同學买PAPER 打亂來操, 另外佢日日去自修室温書  
依悕記得12月定1月就要去圖書管拎定HOLD 自修室位的FORM,
比學校蓋章去圖書管申請HOLD 位, WALK IN 係好難等到有位
佢就由自修室開門去温, 坐到關門至反家, 因為有証入場, 佢可以自由出入去食飯同廁所
但唔可以去得耐, 太耐場管理員就會將你個位放出去比其他外邊輪候的學生用
記得入到自修室, 行開一陣去廁所要放樽水, 等人知这位有人,
但記得唔好攞泥飲, 因為唔知有無人向你樽水落葯, GOOD LUCK

TwinWong

sandy625 發表於 19-2-10 23:11
想請教這時期怎樣編排溫書時間，另外每次用多少日來溫一科呢？

學生自修室考試季節開放時間(三月至五月)
甲.由三月一日至五月七日
使用者須憑證入座。申請詳情於一月中公佈。此段期間每星期開放七天，每日採用三班制如下：

星期一到星期五	上午 08:00 - 下午 12:30 下午 12:45 - 下午 05:15 下午 05:30 - 下午 10:00
星期六、星期日及公眾假期	上午 08:00 - 下午 12:30 下午 12:45 - 下午 05:15 下午 05:30 - 下午 09:30

csy_ma

sandy625 發表於 19-2-13 02:15
回覆 csy_ma 的帖子

很多謝你咁長盡又有用既回覆，我個仔無你個女咁識諗，成日夜睡晏起，我已經成日哦佢， ...

因為老公返夜，我囡每逢長假就跟咗我地既貓頭鷹時間，所以佢好有經驗，習慣咗晏起到正常返學要有段適應時間，所以必須在DSE考前最少一星期調校返，否則腦部活動仍有生理時鐘的慣性。

csy_ma

TwinWong 發表於 19-2-13 10:34
學生自修室考試季節開放時間(三月至五月)
甲.由三月一日至五月七日
使用者須憑證入座。申請詳情於一月中公 ...

原來係咁既時間，謝資料。 而家每日只可bk一段時間，好開心近日阿囡已開始kp住去，佢唔會溫到10pm咁晏，所以假期早收對佢都無甚影響。