有冇course教家長怎樣同資優小朋友相處

mansze1019

阿仔剛6歲，而家讀小一。因為佢太有主見，固執，所以K3時佢見臨床心理學家，話佢有啲自閉症譜系徵狀。啲老師覺得佢同同齡小朋友相處冇咩興趣，唔覺佢有咩特別叻，只係學野理解快啲，自己識讀啲唔識既英文，同好奇心重每事問。剛6歲做左IQ test 所有part 都superior overall係very superior.w因為佢愈來愈難教，想問有冇咩管教課程我適合上。佢仲有個細路3歲都係自閉症譜系小朋友。我本身諗住辭工full time湊，但又擔心唔做on居居同唔識教，而家2個都讀全日制。求教

小曳人

你可以留意一下資優教育學院嘅家長講座

其實，每個孩子都唔同，無一套理論可以one size fit all
如果你能夠接納佢地嘅特點，知道弱項，乜野係會學得比常人慢
唔好幻想一下子就可以改變佢地，你嘅接納、時間、愛，慢慢會响成長當中注入佢地所欠缺嘅情感部份

坦白講，我最無助亦係仔小一時，但慶幸當時HKAGE嘅家長小組係open to all (現時只限學員家長)
响前輩分享當中，或多或少都偷到d橋
但在我，最重要係平衡自己心態，知道我唔係孤獨嘅，大家互相鼓勵
或者有d野唔會有朋友明白，講多句d人就覺得你曬命，但群組當中，全部係過來人，我可以將負面情緒釋放，然後繼續同仔鬥智鬥力

mansze1019

回覆 小曳人 的帖子

謝謝你。因為見到佢平時好乖。但啲固執同自我令到幫手照顧佢既老人家都炆。一返到去，3個一齊黑面，好大壓力。自己返工成日OT，唔知可以點。所以諗住學下啲方法照顧。因為佢冇野特別叻，如果唔係老師叫我同佢check下，話佢唔似冇社交(因為成日走去問老師野，同老師傾計)，都唔會去check iq。好希望幫到小朋友，因為佢都有情緒問題，再加細路都差唔多。2個一齊有主見就好難處理。

Activehealth

家長可以上ABA培訓課程，學吓點樣應付A仔。

https://www.facebook.com/events/717574745344550/?ti=icl

omg012

阿仔小二時同老婆參加過家庭動力的輔導活動（play therapy)，也參加了兩三年JEMS的個人性格發展課程，現在阿仔已沒有已前固執，待人接物有明顯的進步，母子的衝突也少了。

小曳人

IloveJJ 發表於 19-2-21 10:56
想請教你，我仔同樓主嗰個小朋友好似，都係自學能力強，上到高小，形成上課唔專心，佢一專心就想問問題， ...

我地嘅情況係咁...每年開學，先同班主任打個招乎，講一講孩子脾氣/特性
再同數學科 老師傾，等佢明白復孩子已經超越眼前課程
建議老師可以俾d練習佢上堂做，或家長自備，等孩子唔騷擾老師上課

基於d老師都忙，未必會另外安排練習，佢地會傾向家長自備，有時又叫下仔教同學或做跑腿
總之，一句：你唔好難為佢，大家都無好處

其實，呢d細路唔係ADHD，佢地對有興趣嘅就超級專注，無興趣嘅話，一分鐘都唔得！

小曳人

回覆 IloveJJ 的帖子

到老師有重要野要佢都聽時，老師自然處理到，唔駛同佢擔心
至於公平問題，我都有諗過，但我問仔，佢只係話老師唔會講，但隻眼開隻眼閉，咁我叫仔俾面老師，唔好咁揚喇~

akys

IloveJJ 發表於 19-2-21 11:36
係呀！有興趣既係超級專注架!
我試下同老師咁講。
咁但係如果佢顧住做其他野，咁其他同學唔會不滿嗎？而且 ...

小一最後派成績表時，班主任已經提醒我們在小二開學見新班主任時打過招呼，但要注意唔好用老奉，要人包容態度，主動提出家校合作，一齊努力教好他（呢個老師幾過癮！）。相安無事直到小五，碰到個極品班主任，互相衝擊下一發不可收拾，所以都係看運氣。