討論下.. ..國際學校會比名/神小好嗎？

tychow

身邊不少朋友的小朋友都讀國際學校 ，或打算中學出國所以讀哪間小學都冇所謂，有時覺得，自己小朋友努力裝備去考名/神小學好傻，別人輕鬆便到終點了。

名/神中畢業，上好大學/找好工機會真的比國際學校差嗎？迷網

tkinwong

「別人輕鬆便到終點」只是樓主的假設，也要視乎何謂「終點」。

如果「終點」仍只是本地大學的神科如醫科或牙科等，那讀國際學校並不較傳統名校入這些科目容易。

至於搵工，如果個顧主要看中學背景，那傳統名校會比一般的國際學校好。

讀國際學校，我覺得最大的益處都係出國。

fadgare

tychow 發表於 19-2-4 17:23
身邊不少朋友的小朋友都讀國際學校 ，或打算中學出國所以讀哪間小學都冇所謂，有時覺得，自己小朋友努力裝 ...

有認識國際學校畢業的, 有些海外升大學, 發展也不錯, 留海外當專業人士, 有些做了老闆. 也有一些回港打工但發展一般. 另外認識的有本地LS/db/St joe畢業的, 香港升大學, 幾個都是醫生和律師. 不過以上例子都30-40歲. 朋友說試過本地升大學數學跟不到, 他說本地的數學課程比國際深好多.

poonseelai

國際學校學生最後一樣要考公開試，要考到好成績一樣要好努力，並唔係輕鬆便到终點，可能家庭資源多D，即使考得唔係咁理想，亦可出國入大學，雖然未必係top嘅大學

tychow

朋友們對於我小朋友努力考小學嗤之以鼻，不明白為何我小朋友要留在港發展。又說將來名校畢業已沒有用，國際視野才重要。又說只要高中出國讀 boarding school, 便會考到好大學的好科。好似孩子現在的努力是好傻。越聽越沮喪。唉。

poonseelai

tychow 發表於 19-2-4 19:10
朋友們對於我小朋友努力考小學嗤之以鼻，不明白為何我小朋友要留在港發展。又說將來名校畢業已沒有用，國際 ...

係你D朋友有問題，啋佢都傻，每人情況唔同，自己知自已做緊什麼最重要，旁人說話聽完就算

Sheep06

tychow 發表於 19-2-4 19:10
朋友們對於我小朋友努力考小學嗤之以鼻，不明白為何我小朋友要留在港發展。又說將來名校畢業已沒有用，國際 ...

要看他所說他可以考到的大學,是哪些大學. 科, 是哪一些神科.

海綿草

樓主加油，我也有差不多的遭遇。較有經濟能力的家庭可以負擔國際學校，甚至有個別人士會曬命看不起較平民的學校。我告訴自己要加油，孩子的成長和成功取決於很多因素，要自強不息。

tychow

拔萃，spcc, LS, St jo, 等學校和國際學校比又如何？

poonseelai

tychow 發表於 19-2-4 21:24
拔萃，spcc, LS, St jo, 等學校和國際學校比又如何？

Depends on who you are:  陳爽：國際學校難求！ 聖保羅、拔萃僅次選

https://www2.hkej.com/monthly/article/id/2050260/%E4%B8%AD%E8%B3%87%E8%80%81%E7%B8%BD%E5%98%86%E5%9C%8B%E9%9A%9B%E5%AD%B8%E6%A0%A1%E9%9B%A3%E6%B1%82%EF%BC%81++%E8%81%96%E4%BF%9D%E7%BE%85%E3%80%81%E6%8B%94%E8%90%83%E5%83%85%E6%AC%A1%E9%81%B8#.XFLQ04YCsu8.whatsapp

Sheep06

poonseelai 發表於 19-2-4 21:49
Depends on who you are:  陳爽：國際學校難求！ 聖保羅、拔萃僅次選

https://www2.hkej.com/monthly/arti ...

From the news :
從學校債券（debenture）........ 3年前市場已賣到700萬，現在恐怕達1000萬以上」，連這位千億資產舵手都說：「一般中產怎能負擔得了？一定是富裕人群才買得起！」
這news只可反映內地專才, 並非一般香港居民
如果說要入讀這樣的國際學校, 即是可以負擔得起, 作為香港人仍有很多選擇,
e.g. 可以一早選擇入讀外國的著名 boarding school, 如Eton College, etc.

Soundervolt

tychow 發表於 19-2-4 17:23
身邊不少朋友的小朋友都讀國際學校 ，或打算中學出國所以讀哪間小學都冇所謂，有時覺得，自己小朋友努力裝 ...

各人需要同背景唔同，國際亦好似本地課程學校一樣有好亦有唔好，唔可以一概而論，將兩種學校直接比較。如果希望將來出國讀好嘅大學競爭亦都好大，我有家人讀GSIS，要好成績一點都唔輕鬆。讀書要有好成績係冇不勞而獲，本地名校亦唔係所有人都讀到嘔白泡，至於國際視野就真係要出國生活先至有，喺香港讀國際學校始終喺香港生活，最多咪識多幾個外國人同學。而且讀小學係建立學習嘅基礎及正確態度，若果求其讀只會白白溜走呢個重要階段，要升咗中學先至再建立呢種動力已經冇咁容易。

sailormercury

十幾年前，的確話讀國際學校好似威啲勁啲高尚啲。宜家英文勁中文差無咁吃香，所以狀況有啲不同。個人認為考慮埋性價比的話，local 神校完勝（講緊考名牌大學而言）。神校考國外最 top 的大學都好好，唔駛每年十幾廿萬咁投資落國際學校學費度掛。

錢多到覺得國際學校學費都唔算一回事另計。

另外，國際學校有分中文好唔好，要睇家長是否介意小朋友讀某些國際學校會影響中文水平。呢個年代同以前不同了。呢個真係個個家長唔同睇法。

picamama

Soundervolt 發表於 19-2-4 23:50
本帖最後由 Soundervolt 於 19-2-5 00:19 編輯

各人需要同背景唔同，國際亦好似本地課程學校一樣有好亦 ...

要讀得好IS都超辛苦，不過要求不高就的確幾輕鬆，起碼小學少D考試

wg_ann

國際學校同本地小學係兩種唔同學制，簡單d講，係蘋果同橙既分別。
樓主你既問題等同於蘋果同橙邊種有營養多d，係咪一定要食蘋果先健康。
每個人既口味都唔同，食蘋果定橙真係好個人，有人鍾意蘋果既口感，有人鍾意橙既甜度。即使係蘋果，都有細分唔同種類，價錢都有分別。
最終食左邊種生果會健康d? 無包單的，因為健唔健康唔係只取決於食咩，生活習慣同做運動等等都好有關係，係一籃子因素。
無論食邊種生果都好，我覺得最緊要係啱你既口味，因為食既過程都好重要，唔啱口味而單純追求健康，你會覺得食之無味。

picamama

Sheep06 發表於 19-2-4 23:04
From the news :
從學校債券（debenture）........ 3年前市場已賣到700萬，現在恐怕達1000萬以上」，連這 ...

.....

Soundervolt

picamama 發表於 19-2-5 05:54
要讀得好IS都超辛苦，GSIS一年1/3人入Oxbridge/Ivy/兩大神科，不可能「輕輕鬆鬆」就入左，要付 ...

讀書唔係單單只為咗留喺一間學校，讀得冇效果，一直留喺度只係枉費時間，讀得唔好，轉校唔係一件壞事。呢個世界有錢當然多選擇，如果要求唔高，就算讀LS都可以將來輕輕鬆鬆到外國讀大學。IS同本地學校一樣，唔係所有IS都有質素，self confidence、presentation or social skills唔係所有IS都會教得好，而且有尐IS仲非常hea及校風麻麻，選擇IS同LS一樣都要非常小心。 所以LS或IS冇話邊一類學校好與壞，只係選擇路向不同而已。

Soundervolt

picamama 發表於 19-2-5 06:14
「從學校債券（debenture）........ 3年前市場已賣到700萬，現在恐怕達1000萬以上」，連這位千億資產舵手 ...

您所講嘅弘立、漢基、德瑞同其他某尐高質素嘅IS可以考入去慳返買debenture嘅錢當然正確，不過大前提都係要睇能力同成績，咁咪又要同入讀LS一樣需要裝備好去競爭....

中產朋友兩個仔女冇買debenture讀CAIS，讀咗幾年都加Capital Levy，而且新翼仲要籌集資金發展，仲有好多未知之數，終於要投降轉校，所以讀設有debenture嘅學校而只交Captial levy，除非好似expat咁有公司包底，如果唔係亦都需要手頭鬆動，避免失去預算。

fadgare

的確好多人覺得如果讀唔到band1就不如去國際學校, 但前提係要負擔得到. 神校當然好但也要看適不適合, 識幾個都千方百計送仔女入去最後都係讀唔掂要轉去國際學校

behd

香港外資公司even ibank prefer請外國畢業或讀國際學校員工，一來英文比較好，二來思考creative 好d。反而本地大學員工比例比較少。都係睇工種