点解我個囡咁蠢！

Belle_Piano

Yanamami 發表於 19-1-29 20:16
12分贊同。唔知楼主知唔知蘇樺偉既故事？

冇喎…

tkinwong

樓主在本身工作都係繁重的情況下自己補阿女全科，真係好難兼顧，效果也未必好，甚至影響親子關係。

可能搵個私補，對阿女同樓主反為無咁大壓力。

Yanamami

Belle_Piano 發表於 19-1-29 23:28
冇喎…

禁要上網search下……

shadeslayer

Belle_Piano 發表於 19-1-29 16:25
多謝大家唔同嘅提點/意見
我呻完都會繼續教佢
只係我真係好攰

係學生也要課外活動，係大人也要有工餘活動。讀得叻的要，讀得辛苦更加要。課外活動，不能太功利計算。

你羨慕別的孩子，你的孩子會不會羨慕別的家長？你恨鐵不成鋼，佢會不會恨你不是李加乘？

S-Kwok

Olympian 發表於 19-1-29 09:56
好似我仔啊！  我仔小4了，我已經放棄叫他左手㩒簿寫字。你check 功課個程序，我個仔都唔會做得到 ...

我仔都係咁。佢哋唔係唔識做/做唔到，但係就花好多時間，如果有timer提醒就好啲，但學校邊有timer。 有時喺屋企都會忍唔住囉唆兩句，噚晚就是。 不過，最後我都有平心靜氣同佢講，我唔係責罵，只係替佢唔抵，日日浪費呢啲時間，搞到自己無娛樂時間。
老師話佢返到學校，係會呆坐一論（仲要係坐得衰衰咁嗰隻）, 然後先突然醒覺自己要做咩。
喺屋企做功課，一張餐桌都唔夠用，日日都提佢只需攞將要做嗰份功課，做完即放功課袋。 每日都係提住同一樣嘢，亦有視覺提示，都係態度依舊。

lcyesther

Belle_Piano 發表於 19-1-28 23:23
當然佢轉數唔高都係我生嘅
我都冇响佢面前話佢蠢
我只係覺得我好攰

看到好有共鳴
樓主個女仲有過人之處已好好。
我用左七年去發掘小朋友的專長，發現係無。
讀書、音樂、美術、體育、社交......連玩也無樣專長。
好怕聽到人地話：「讀書唔叻唔緊要，總有野叻過人。」
就係無樣野叻咁點？平庸唔可以做人？
我之前好執着，而家都只有看開了。我做媽媽努力教，做到好人我已心足。努力搵多D錢補貼佢將來生活lor.

little_yolky

little_kid 發表於 19-1-29 22:57
你囡咁似我果個。我英文科搞了幾年也未搞好。頭一兩年默書要重覆温幾廿次都唔記得，只能將勤補綴，人哋温 ...

見你留言, 又鈎起我既回憶。可能有D人係天生好識搵位讚人既。
事例一：學校家教會主席分享
話說佢仔仔成績差到無人有, 一放學顧住睇電視。佢測考成日得1X分。有一次, 佢測驗有27分, 佢阿爸見到就話：哇, 你進步咗好多喎, 繼續努力啦。


事例二：我家C6教我家阿大
話說, 我家阿大小時笨笨呆呆的, 成績中中間間。因為我從小就係尖子, 所以成日覺得佢好鬼蠢。佢初小時測驗成日都得7X-80分。不過, 我家C6每次都會鼓勵佢：呢個成績幾好呀, 比上不足, 比下有餘。而且, 成日好似媽咪咁攞100分, 下次測考就會好大壓力, 驚自己攞唔到100分。你依家咁就好易有好大進步, 可以有20分既進步空間, 好過得2分既進步空間, 容易好多, 而且你又叻, 自己溫書.............(下刪讚美100字)。
當年, 我成日話C6教到個女不思進取。不過幾年落嚟, 似乎佢係啱既。

little_yolky

lcyesther 發表於 19-1-30 09:10
看到好有共鳴
樓主個女仲有過人之處已好好。
我用左七年去發掘小朋友的專長，發現係無。

咪係囉, 唱歌跳舞學得好都可以搵食。我阿細之前話想做廚師, 我鬼咁開心上網搵埋VTC資料。點知, 佢睇完套漫畫大英百科, 鬼整話想讀科學。佢成績又唔係好過人, 文又唔得武又唔得, 今次真係等乞米。

picamama

Belle_Piano 發表於 19-1-29 23:27
我諗如果俾佢去上唱歌跳舞班
佢一定好開心
不過就一定响學術方面會再跌

apple~y

jumphigh 發表於 19-1-30 08:52
其實你可以試下, 畀佢上佢鍾意嘅興趣班 ,但係要求佢平時學習溫書嘅時候要專心啲, 咁佢可能更加有動力做好 ...

認同,我女都係甘,小朋友有自己鐘意活動,有推動力
做功課溫習會更加爽手

apple~y

little_yolky 發表於 19-1-30 09:15
見你留言, 又鈎起我既回憶。可能有D人係天生好識搵位讚人既。
事例一：學校家教會主席分享
話說佢仔仔成績 ...

你c6好鬼正
我c6主要負責呀女康樂活動即係玩
有時呀女小小失手,我c6都會即刻大條道理

little_kid

little_yolky 發表於 19-1-30 09:15
見你留言, 又鈎起我既回憶。可能有D人係天生好識搵位讚人既。
事例一：學校家教會主席分享
話說佢仔仔成績 ...

我就是天生唔識讚人，現在也學習中。補習老師好識揾位讚佢，記得第一次老師叫佢作篇文嚟睇，落堂後我接放學，老師專登向佢面前同我講，其實佢好ok. 篇作文好過其實學校嘅級頭十生，老師還分享俾其他同學睇。( 我心諗有乜可能呀! )老師話唔理grammar 同生字，佢作文內容好豐富，好多高年級生都寫唔到。佢聽到會心微笑，我當然聽得明老師嘅說話用意同背後意思。我小朋友開始覺得自己唔係好差。至少可提返起對英文興趣。

little_yolky

little_kid 發表於 19-1-30 10:34
我就是天生唔識讚人，現在也學習中。補習老師好識揾位讚佢，記得第一次老師叫佢作篇文嚟睇，落堂後我接放 ...

我同你既性格, 就正正聽到老師話佢grammar又錯得勁, 生字又唔識多個。
C6話, 其實做人好似我咁, 剩係睇到D缺點, 都幾辛苦...........

little_kid

little_yolky 發表於 19-1-30 11:09
我同你既性格, 就正正聽到老師話佢grammar又錯得勁, 生字又唔識多個。
C6話, 其實做人好似我咁, 剩 ...

我同你接收嘅訊息係一樣，只聽到要改善嘅地方. 現在我要學習口不對心，或者叫在隙縫中找佢優點，wahaha!

little_yolky

little_kid 發表於 19-1-30 11:52
我同你接收嘅訊息係一樣，只聽到要改善嘅地方. 現在我要學習口不對心，或者叫在隙縫中找佢優點，wahaha!
...

我同你都唔係好人嚟, 小朋友唔鐘意我哋。

little_kid

little_yolky 發表於 19-1-30 12:14
我同你都唔係好人嚟, 小朋友唔鐘意我哋。

你講道理嘅，我就做得唔好要加監，wahaha!

shadeslayer

little_yolky 發表於 19-1-30 09:15
見你留言, 又鈎起我既回憶。可能有D人係天生好識搵位讚人既。
事例一：學校家教會主席分享
話說佢仔仔成績 ...

我幾時也認為你 c6啱。養育孩子，不是訂要求高高，孩子成就便高高，咁簡單。

shadeslayer

little_yolky 發表於 19-1-30 09:18
咪係囉, 唱歌跳舞學得好都可以搵食。我阿細之前話想做廚師, 我鬼咁開心上網搵埋VTC資料。點知, 佢睇完套漫 ...

有D大人出來做野幾年也是不知想做乜。工程何況細路。

Elenalan

little_kid 發表於 19-1-30 10:34
我就是天生唔識讚人，現在也學習中。補習老師好識揾位讚佢，記得第一次老師叫佢作篇文嚟睇，落堂後我接放 ...

你小朋友遇到個好老師