小二生，請問如何加強中文認字及常識作答能力呢？

angel-papa

小兒現在小二，上學期測驗、考試成績均不太理想... 常識及數學都見紅.... 主要原因是認字不夠及理解差！閱讀題目也很慢，常常做不完份卷... .... 常識的作業、工作紙、書本都已溫懂了！但學校出題就是喜歡改變題形、這次問對的，下次問那些是不對的！配對作答時，也與作業做的不一樣。雖然意思其實是一樣，但就改了方法問，於是，呀囝就不懂了...    而數學已預早在兩個月溫習，做了很多不同的應用題去令他慢慢習慣解題！已有很輕微的改善....   ，但我已知道繼續這樣，很明顯不能升班了...   常常希望可以同他認多D字，令他理解方面好D！   如果是閱讀圖書，他又非常懶惰，沒有興趣...  實在不知如何是好！  求指教一下!

Elenalan

angel-papa 發表於 19-1-23 13:29
小兒現在小二，上學期測驗、考試成績均不太理想... 常識及數學都見紅.... 主要原因是認字不夠及理 ...

睇漫畫，例如三采果d科學漫畫、世界尋寶系列，科普知識用漫畫包裝，容易吸引小朋友睇。
佢懶睇書，因為識字量唔夠感吃力，亦因為冇搵啱佢口味嘅書。閱讀興趣要培養，要製造閱讀氣氛，如果家中冇人鍾意睇書，佢又少去圖書館，咁真係好難令佢提起興致。父母想孩子愛閱讀，首先自己要愛閱讀。

angel-papa

Elenalan 發表於 19-1-23 23:01
睇漫畫，例如三采果d科學漫畫、世界尋寶系列，科普知識用漫畫包裝，容易吸引小朋友睇。
佢懶睇書，因為識 ...

多謝意見！其實我都有帶他去圖書館，我同佢一齊揀書，然後我讀比佢聽，之後唔夠兩頁，佢就瞌眼瞓了！(emoji)(emoji)  不過在家的讀書環境，可能真係不足夠⋯因為平常我們都需要上班，放工回來已經沒有時間選擇看書了⋯⋯ 不過我會努力！

Ahbee02

加強認字，閱讀係一個辦法，但要花很長的時間才會出成果。而且如果爲認字去閱讀，會大大降低閱讀的樂趣，對將來閱讀興趣的形成反而未必有利。

認字還可以用一些其他辦法可以試下：

把字拆分成小部件，串成一個故事。例如“新”，可以說小立上山斬了一斤木迎接新年；

另外，可以把字畫成圖畫，形象認字。我自己想像力吾掂，畫工亦差，不得以上淘寶買了一套象形識字卡片。由於呢套卡片是簡體字，我會抽取同繁體字一樣的字教阿仔認，都有一定效果。

再有就是對孩子多加贊賞。如果佢認到某些字，要立即鼓勵。

以上方法希望幫到你啦！

little_yolky

angel-papa 發表於 19-1-24 20:11
多謝意見！其實我都有帶他去圖書館，我同佢一齊揀書，然後我讀比佢聽，之後唔夠兩頁，佢就瞌眼瞓了！(emoj ...

教佢圈住D重點字。例如：不是、是呢D。既然佢唔鐘意睇書, 就出絕招, 睇閱讀理解！一日一篇, P2文章唔會好長, 你叫佢讀出聲, 然後做練習, 錯既教佢响文章度點搵答案, 圈出嚟。

另外, 平日唔得閒, 就weekend睇一本中, 一本英, 有好多書好薄, 好快睇完。千祈唔好睇漫畫！因為一開始睇漫畫, 就泥足深陷。漫畫只可以令小朋友鐘意睇書, 但對閱讀理解一D幫助都無, 因為佢哋無篇幅, 有圖畫, 完全唔需要有理解既問題。

Elenalan

little_yolky 發表於 19-1-25 17:46
教佢圈住D重點字。例如：不是、是呢D。既然佢唔鐘意睇書, 就出絕招, 睇閱讀理解！一日一篇, P2文章唔會好 ...

唔會呀，我由細到大都睇好多漫畫，亦睇好多書，中文好好(公開試成績)。我女6歲睇好多漫畫，亦睇多字橋樑書(e.g.神奇樹屋)，閱讀理解全班最高分。

Elenalan

小朋友年紀細，人生經驗少，睇漫畫有畫面有文字故事，俾佢地身歷其境嘅感覺，有視覺刺激效果，久而久之對文章故事理解更易產生視像效果，對日後描寫記事更輕易具體表達，層次分明，擅於用文字營造場境氣氛。

以上覺得唔啱用可略過。

Elenalan

我成日鼓勵小朋友，閱讀興趣要濫，繼而善讀，精而巧用。

Mrs.Luckycat

angel-papa 發表於 19-1-23 13:29
小兒現在小二，上學期測驗、考試成績均不太理想... 常識及數學都見紅.... 主要原因是認字不夠及理 ...

認字多，與理解能力不一定成正比。試試花多點時間訓練腦筋急轉彎，例如IQ題、奧數等訓練思維。不一定要花錢上堂，圖書館有這類書。

常識和初小的數學，其實都是圍繞日常生活。你可以先看看整個學期教些什麼，再從日常日活中舉例以加深小朋友印象。

angel-papa

Ahbee02 發表於 19-1-25 12:21
加強認字，閱讀係一個辦法，但要花很長的時間才會出成果。而且如果爲認字去閱讀，會大大降低閱讀的樂趣，對 ...

多謝你呀！我會嘗試這些方法！

angel-papa

little_yolky 發表於 19-1-25 17:46
教佢圈住D重點字。例如：不是、是呢D。既然佢唔鐘意睇書, 就出絕招, 睇閱讀理解！一日一篇, P2文章唔會好 ...

睇閱讀理解，圈重點，我都會做！不過，佢有在外面單對單補習中文，中文老師也有同佢做這個練習。不過，我諗樣樣我都會試吓！睇吓佢接受邊一樣。多謝晒你哋嘅意見！

angel-papa

Elenalan 發表於 19-1-25 23:28
小朋友年紀細，人生經驗少，睇漫畫有畫面有文字故事，俾佢地身歷其境嘅感覺，有視覺刺激效果，久而久之對文 ...

angel-papa

Mrs.Luckycat 發表於 19-1-26 08:26
認字多，與理解能力不一定成正比。試試花多點時間訓練腦筋急轉彎，例如IQ題、奧數等訓練思維。不一定要花 ...

他的腦袋真的一點兒也不懂得轉彎！我讀完問題，有時他也不明白問什麼⋯所以我覺得他認字及理解不夠！

Mrs.Luckycat

angel-papa 發表於 19-1-26 09:55
他的腦袋真的一點兒也不懂得轉彎！我讀完問題，有時他也不明白問什麼⋯所以我覺得他 ...

不用灰心，慢慢來。
講過笑話你聽。
我仔都是小二，常識課的什麼群體活動、靜態活動等，我仔溫書時沒有問題。
考試時問：以下那一項是靜態的群體活動？
呀仔唔識答。那一刻，我真有吐血身亡的感覺
不過，再想深一層，不能用大人的標準去評審小孩。我們視之為理所當然的理解能力，是來自長年累月的經驗，對身邊事物的觀察。
撫心自問，自己細個時，都未必識咁多嘢。
慢慢來吧。

angel-papa

Mrs.Luckycat 發表於 19-1-26 10:13
本帖最後由 Mrs.Luckycat 於 19-1-26 10:19 編輯

不用灰心，慢慢來。

對啊！經常看到測驗卷、考試卷，都會有吐血身亡的感覺！ 我都係唯有這樣安慰自己⋯

健健BB

唔計認字，只講理解，我覺得睇電視係最方便快捷的方法！而小朋友更要明了道理（世界/ 現實），睇書時先明！反之，字又不懂，道理也不懂，又怎會有興趣繼續？

例子係，試想想我們小時候，看文字時見到什麼皇宮/ 古典裝飾/ 咩叫出家人/ 咩叫軍閥/ 咩叫大帥 咩叫承相/ 軍師，同埋學習幻想，天馬行空，我們小時候都是從電視學到的！

Elenalan

健健BB 發表於 19-1-26 11:32
唔計認字，只講理解，我覺得睇電視係最方便快捷的方法！而小朋友更要明了道理（世界/ 現實），睇書時先明！ ...

同意! 所以文字理解力差嘅更唔好忽略視像訊息，唔好過份限制睇電視(資訊、劇場、卡通...)、漫畫和圖畫書，多d接觸不同媒體，咁日後睇純文字先容易有"畫面"感覺，更易理解。

little_yolky

Elenalan 發表於 19-1-25 23:15
唔會呀，我由細到大都睇好多漫畫，亦睇好多書，中文好好(公開試成績)。我女6歲睇好多漫畫，亦睇多字橋樑書 ...

重點係：佢「睇多字橋樑書」。

我都睇好多漫畫, 睇其他書唔算多, 公開試成績都幾好, 但我覺得我D中文唔夠好。

Elenalan

little_yolky 發表於 19-1-28 08:25
重點係：佢「睇多字橋樑書」。

我都睇好多漫畫, 睇其他書唔算多, 公開試成績都幾好, 但我覺得我D中文唔夠 ...

我覺得視像訊息好重要，多睇有助理解文字時易產生聯想 (最初階嘅作文~看圖作文都要運用到呢種技巧)。文字理解力高有助閱讀，然後再多閱讀多寫先可深化語文運用。所以視像和文字聯想係第一步，我會鼓勵閱讀興趣廣泛，多接觸不同媒體。睇漫畫睇卡通睇電視睇drama, 都可以繼續睇文字書，冇抵觸。

little_yolky

Elenalan 發表於 19-1-28 08:42
我覺得視像訊息好重要，多睇有助理解文字時易產生聯想 (最初階嘅作文~看圖作文都要運用到呢種技巧)。文字 ...

圖像容易理解, 小朋友走唔出個comfort zone, 習慣睇漫畫就唔睇多字書了。我大女先睇橋樑書, 養成習慣後, 再回頭睇漫畫, 咁就無問題。阿妹就先睇漫畫, 不過就唔鐘意睇多字書, 唔係唔睇, 但個量唔夠。佢個閱讀理解能力同閱讀速度, 同家姐真係差天共地。

不過, 有一點你講得無錯, 因為睇圖像會引起佢哋想像, 阿妹個想像力係十分豐富, 而且, 依家既漫畫好多元化, 所以阿妹既學習面好廣泛, 知識面係廣既, 但就中文語文水平而言, 係差既。真係有得必有失。