精英運動員

ilyrd

大家可否指點我(下面用實例作討論,并不是針對任何人).曾有公開試分數最皆6科31分入讀牙科,皆因是某項體育精英運動員,所以破格收錄.想問,大學用公開試成績分數收生目的是什麼?是認為達到某分數或以上才有能力應付該學科?還是因該科目太熱門或冷門,從而定出收生分數呢? 如果一名精英運動員公開試31分能應付6年牙科.為何33分, 34分的不收?因牙科位不夠?咁大家又會否害怕给这位只有31分的日後牙醫睇牙?反射到曾有人害怕醫科收36分或更低會日後多醫療事故.咁31分牙醫你驚唔驚.

JustAParent

不如我先問你另一個問題。假設有個香港學生DSE不到36分，輾轉去了牛劍或UCL讀醫，之後回港通過所有執業試，在港執業，你怕唔怕佢醫死你？

ilyrd

JustAParent 發表於 19-1-22 17:32
不如我先問你另一個問題。假設有個香港學生DSE不到36分，輾轉去了牛劍或UCL讀醫，之後回港通過所有執業試， ...

我唔怕，就算我講嘅31分牙醫，我都唔怕。我只想話為何要死守咩36分37分。我認為任何人能夠完成那6年醫或牙醫，自然有能力當醫，何須仍理會他她公開試分數。

JustAParent

ilyrd 發表於 19-1-22 19:57
我唔怕，就算我講嘅31分牙醫，我都唔怕。我只想話為何要死守咩36分37分。我認為任何人能夠完成那6年醫或牙 ...

只要港大中大比佢畢業，我百分百相信佢有能力做醫生。我唔係信個學生，我係信大學會守護住香港醫生嘅質素。

不過，一個學生有能力做醫生，唔代表 大學就要比佢行入醫學院。有能力完成醫科課程既學生不少，醫學院學位有限，點解大學收甲學生唔收乙學生， 一切就在公開試一決高下。 所以我最反對破格錄取， 就是程序公義問題。

ilyrd

JustAParent 發表於 19-1-22 20:10
只要港大中大比佢畢業，我百分百相信佢有能力做醫生。我唔係信個學生，我係信大學會守護住香港醫生嘅質素 ...

我就係呢個意思，點解可以破格收分數低呢，咁對其他分數高的都入唔倒變成不公平。

JustAParent

ilyrd 發表於 19-1-22 20:16
我就係呢個意思，點解可以破格收分數低呢，咁對其他分數高的都入唔倒變成不公平。 ...

我不反對大學收分數較低的運動員。事實上，多元入學對教育對社會皆有裨益，但一切應該程序化。例如，有多少學位預留給運動員？以運動員身份申請入學，要贏得什麼級數獎項？可以扣減多少入學分數？一切應該清清楚楚。有了程序，就不用破格，更不會被人認為私相授受和濫權。

註：個人意見，我知道不少中學校長甚至大學校長不同意所謂的程序化

2jkidsfather

ilyrd 發表於 19-1-22 20:16
我就係呢個意思，點解可以破格收分數低呢，咁對其他分數高的都入唔倒變成不公平。 ...

仲有一個問題，精英運動員破格收錄，究竟應值DSE多少分？ 5分？
對只靠學業的考生，精英運動員值某一DSE分數，公平嗎？

JustAParent

2jkidsfather 發表於 19-1-22 20:40
仲有一個問題，精英運動員破格收錄，究竟應值DSE多少分？ 5分？
對只靠學業的考生，精英運動員值某一DSE分 ...

又咁講，你考中大醫學院，多科M2 5 or above，都值1分喎 (記唔清係1還是0.5)。

2jkidsfather

JustAParent 發表於 19-1-22 20:46
本帖最後由 JustAParent 於 19-1-22 20:51 編輯

又咁講，你考中大醫學院，多科M2 5 or above，都值1分 ...

學院有收生權，但以非學術成就（運動）去換某程度學術水平，然後去讀學術要求高的科系，真的容易招人非議！

JustAParent

2jkidsfather 發表於 19-1-22 20:57
學院有收生權，但以非學術成就（運動）去換某程度學術水平，然後去讀學術要求高的科系，真的容易招人非議 ...

同意。

程序化，有替換公式，你都覺得容易惹人非議。何況破格呢？

ilyrd

話我衰都咁話喇，運動叻咁咪去讀運動有關嘅野囉，做運動教練。點可以運動叻學術未達水平走去讀學術要求高的學科呢。中學收體育嘅band3生都話算啦，中學。喂大學都玩的中學呢的，真係冇得頂。

Activehealth

ilyrd 發表於 19-1-22 16:01
大家可否指點我(下面用實例作討論,并不是針對任何人).曾有公開試分數最皆6科31分入讀牙科,皆因是某項體育精 ...

因之前工作關係，接觸很多香港精英運動員，其中有以精英運動員身分，進入神科醫學院，現在已是專科醫生。

以我所知，條件係必須是所屬項目位列亞洲頭三名（絕不容易），學術成績達所報科目最低收生標準，還要經過該科教授組成的收生委員會作兩輪面試評核該運動是否適合報讀，及有能力完成課程。

最重要一點，學位是大學特別加開給運動員。比方説，今年醫科港大一年級收生100人，有A運動員符合以上資格港大決定收人，A運動員的學位是特別另外加設的第101個學位，不佔用其他考生學位，更絕不影響其他考生機會。

JustAParent

Activehealth 發表於 19-1-23 00:00
因之前工作關係，接觸很多香港精英運動員，其中有以精英運動員身分，進入神科醫學院，現在已是專科醫生。
...

好奇一問，精英運動員入學真係可以不佔正常 資助學位？咁邊個畀錢？     

Activehealth

運動員入讀其中一個條件是要繼續運動訓練，代表大學參賽。運動員一方面要應付繁重學業，一方面又要兼顧訓練比賽，考試絕無優惠。能順利畢業者，當然有過人之處。

認識當年精英運動員如今已當專科醫生，大家仍保持聯絡。經過多年公立醫生生涯後，最近加入私人執業行列，FB中見到他不少照顧過的病人及合作過的同事，紛對此君道謝、表揚及致送紀念品。我想他的醫術及人緣可算是不錯吧！

Activehealth

JustAParent 發表於 19-1-23 00:11
好奇一問，精英運動員入學真係可以不佔正常 資助學位？咁邊個畀錢？     
...

政府有特別撥款

ilyrd

Activehealth 發表於 19-1-23 00:00
因之前工作關係，接觸很多香港精英運動員，其中有以精英運動員身分，進入神科醫學院，現在已是專科醫生。
...

多謝你資料,其實我只想帶出話比部份人知,唔係入醫科一定要36,37,38.....分至讀倒,其實30,31....分也可以的,所以去年在EK有討論過為何港大收DSE考生入醫只得4X%,其實如果收低一些分便可以達到梁生所講嘅75%,但有部份人担心低分學生讀醫會增加日後醫療事故.更本醫德與DSE分數完全無直接關係.

GreenMaDad

應該大部份人都同意考試高分不代表出來做事會做得好，其實現在很多大公司請大學畢業生還會問他們中學時有什麼課外活動，一般他們會認為從課外活動會看到畢業生的性格及處事成熟度。再加上non-jupas 申請人好像都要interview, 當中有一定主觀評審， 分數已經不是唯一考慮。  看過大學生處理不到讀書壓力而有情緒問題甚至輕生的新聞, 處理壓力反而是精英運動員的強項。

losoco

你知唔知，80年代尾至90年代初
因恐懼九七後的執業和牌照問題，好多成績好的人不選醫科
我有同學AL BBC入medic，DDE入dental
你地害怕睇這個年代的醫生嗎?

Lingcheung

我近日都諗緊玩運動的中學生的出路.  阿仔係某個項目的青年軍, 日練夜練, 有無影響成績, 剛升中學, 未知.  只知道高中時要有好成績 一定不可以甘練法.   只幸剛派考試成績, 比想像中理想, (只應該仲係蜜月期).  

我跟佢傾計, 表明daddy　mami 全力支持他, (不理做運動定讀書) 只要求他用o的時間想清楚自己的出路,  不要半途而廢.  做體育相關的工作, 教練, 定想入 "神科"? 仍然想做專業人士..  因為投資的時間在學業係不同的.   

我同意"精英運動員" 破格入大學的條件和要求一點都不清晰, 點解31分入到醫? 甘下一個精英運動員32分係唔係一定入到?  無一個客觀的標準, 令人無所適從

ilyrd

losoco 發表於 19-1-23 09:31
你知唔知，80年代尾至90年代初
因恐懼九七後的執業和牌照問題，好多成績好的人不選醫科
我有同學AL BBC入me ...

所以我就係两點囉: 1.分數低到6科30都讀倒嘅.2.低分唔等於第日醫死人嗰個,可能醫死人個係DSE狀元都得.