擇校問題：APS/CKY/PKC

yukibabies

一個有培僑和宣道，一個有培僑和蔡繼有，考慮緊以下擇校可能性：
a. 一個讀宣道，一個讀蔡繼有

b. 兩個都讀培僑

c. 宣道+培僑/蔡繼有+培僑

如選擇分開讀，既是挑戰也是機會，但讀書壓力會頗大，未知能否應付

如選擇一齊讀培僑，將來12年都應較平穩度過，讀書壓力會較小，學習和生活照顧更方便

想聽聽意見，謝謝！

deco99

孖生？aps同cky風格好唔同，你兩個小朋友是否性格都唔同？

如果小朋友性格唔同，可以揀唔同學校，如果性格差唔多，只係彩數問題，我會建議讀同一間，家長方便d，培僑都幾好

retriever

yukibabies 發表於 19-1-22 15:29
一個有培僑和宣道，一個有培僑和蔡繼有，考慮緊以下擇校可能性：
a. 一個讀宣道，一個讀蔡繼有

你報得培僑，即接受到培僑。

兩個一齊讀，最理想啦。

junjunbb

培僑啦，一條龍，成績又唔錯。揀兩間學校，家長應付學校功課，活動會好煩。

pegma

考試假期時間表唔同好難照顧，
選同校吧！家庭生活更重要！

wg_ann

b.
考試時間唔同可以好麻煩，一個要溫書，另一個可去玩? 到另一個考完，可能第二個又考，結果可能家長同小朋友長期處於作戰狀態。

yukibabies

deco99 發表於 19-1-22 15:34
孖生？aps同cky風格好唔同，你兩個小朋友是否性格都唔同？

如果小朋友性格唔同，可以揀唔同學校，如果性格 ...

多謝意見。
兩個都十分好動，一個吸收能力好D，讀傳統或活動教學均可。另一個多想法，有主張，適合活動教學。

yukibabies

wg_ann 發表於 19-1-22 15:47
b.
考試時間唔同可以好麻煩，一個要溫書，另一個可去玩? 到另一個考完，可能第二個又考，結果可能家長同小 ...

是的，這個問題我也有考慮。
另一方面，我也考慮他們是獨立個體，分開讀會否發展好一些？好掙扎

fadgare

培僑, 一起成長經驗不可多得, 學費又平, 考試溫習活動時間一起又易遷就, 容易配合家庭安排, APS&CKY 兩者太極端, 怕一個谷見到另一個咁開心容易產生矛盾, 培僑進可攻退可守

wg_ann

yukibabies 發表於 19-1-22 15:59
是的，這個問題我也有考慮。
另一方面，我也考慮他們是獨立個體，分開讀會否發展好一些？好掙扎
...

無錯，其實每個小朋友都係獨立個體，理應最好係作獨立安排，但CKY和APS係兩種風格截然不同既學校，我會考慮入讀不同學校後2人會否比較，不是比較成績，而是父母對佢地既期望要求同arrangement會因為唔同學校而可以好唔同（尤其APS要呈分CKY一條龍），可能令小朋友覺得唔公平，尤其係小朋友尚未完全懂事。
身邊有人讀神校，妹妹讀國際學校，長大後佢都覺得父母唔公平，覺得當初應該安排自己入埋國際學校。

deco99

yukibabies 發表於 19-1-22 15:51
多謝意見。
兩個都十分好動，一個吸收能力好D，讀傳統或活動教學均可。另一個多想法，有主張，適合活動教學 ...

咁我都建議讀培僑，宣小好谷，同cky差別好大，小朋友可能會覺得唔公平，家長好多地方需要平衡，好辛苦。

小曳人

我會一面揀培僑，一面寫信俾CKY，希望收埋另一個..
會先放棄APS

當然，如果錢都係考慮因素 (我從來主張家庭考慮行先)，咁就算喇，培僑！

hkpapa852

小曳人 發表於 19-1-22 18:14
我會一面揀培僑，一面寫信俾CKY，希望收埋另一個..
會先放棄APS

我都認為"家庭"先係首要考慮條件

yukibabies

fadgare 發表於 19-1-22 16:30
培僑, 一起成長經驗不可多得, 學費又平, 考試溫習活動時間一起又易遷就, 容易配合家庭安排, APS&CKY 兩者太 ...

培僑在BK一直存在些爭議，認同你上面觀點，多謝你的意見

yukibabies

wg_ann 發表於 19-1-22 16:35
無錯，其實每個小朋友都係獨立個體，理應最好係作獨立安排，但CKY和APS係兩種風格截然不同既學校，我會考 ...

謝謝意見。

據我所知讀CKY也不是很輕鬆的，只是對比沒有升中壓力和學習的形式不同，當然以後出路也是不一樣，這點我亦需好好考慮

yukibabies

小曳人 發表於 19-1-22 18:14
我會一面揀培僑，一面寫信俾CKY，希望收埋另一個..
會先放棄APS

另一情況係一個CKY已止步，一個APS備取（即使有也不會考慮，因為不合適）

現有offer係基本符合各自性格入讀的，所以需要考慮後抉擇

謝謝你意見

Raleigh

yukibabies 發表於 19-1-22 15:29
一個有培僑和宣道，一個有培僑和蔡繼有，考慮緊以下擇校可能性：
a. 一個讀宣道，一個讀蔡繼有

媽咪，你偏心，點解我唔可以同哥哥讀宣道，另一個又話，媽咪你剰係錫細佬，連學校都比間好D嘅佢！
如樓主㨂兩間不同學校，希望不會出現以上對白

964000

yukibabies 發表於 19-1-22 15:29
一個有培僑和宣道，一個有培僑和蔡繼有，考慮緊以下擇校可能性：
a. 一個讀宣道，一個讀蔡繼有

.

yukibabies

Raleigh 發表於 19-1-22 18:39
媽咪，你偏心，點解我唔可以同哥哥讀宣道，另一個又話，媽咪你剰係錫細佬，連學校都比間好D嘅佢！
如樓主 ...

小朋友現仍未知，到時我亦會考慮他們的意見感受，謝謝

sailormercury

如果家長有能力投入大量時間和心血不是問題（例如：是 full time mom), 及學費不是問題，我會選 APS and CKY。其次，希望最終兩個都最後讀到 cky.

兄弟姊妹讀唔同學校係常見的事，最重要是學校適合小朋友性格。如果仔女分別考到男神校和女神校，大家就唔會覺得兩個一定要讀同一間。宣道谷，讀 cky 表面輕鬆但 project 多，參加樂團也要留校練習。我會繼續寫信求cky收埋另外一個。

不過培橋本身唔係差學校。

睇下你教育理念如何....始終個個家長的理念、野心唔同。有志氣在宣道考級頭再更上一層樓者也大有人在。