請教，K1嫌悶上堂發呆點算好？

QLCM

小兒快3歲半，晌根德讀k1，學術上認中文字同數學程度應該稍超前課程，鐘意認字同數學，做練習
但老師成日話佢發呆唔想答問題，反應慢，我地初頭都有少少緊張佢轉校唔適應，又或者擔心佢唔明老師講乜

到衣家佢都鐘意返學，坐得好定，但到衣家老師依舊話佢發呆反應慢，有次d工作紙老師指示話做一題，佢自己全部做晒，而且係做啱晒，老師話佢識晒嘅d野但係無聽老師指令
因為佢數感唔錯，評估過話可以上緊坊間k2嘅數學課，老師話佢反應好又答得快，而平時晌屋企都反應好同快

我開始諗，佢會唔會嫌簡單覺得悶呢？我晌屋企同佢重覆練習同樣概念嘅野佢都會無心機答我
但我最擔心係今年k1同下年k2老師比佢嘅report評價

想請教大家有無類似經驗呢？應該如何是好？

fanniet

小朋友太早識得太多野，變左對於老師教佢已識既野就無興趣聽，係咪同佢講啲唔識既野佢就唔會發呆會專心聽？
根徳派字卡反屋企時都有張紙提醒家長唔洗係屋企預先教，怕小朋友失去學習興趣，所以我估你可能唔好提早教佢太多，會減低發呆機會。

QLCM

認字咭都係跟住課程教，只係平時佢見到有字都會問d字係咩，咁又無理由唔答佢
但佢又真係有興趣學d更深嘅野，反應快好多
咁點解d家長要去外補呢？
有d矛盾，咁晌屋企唔通唔教佢野？
其他人有無相類近經驗？

wg_ann

會否和教學模式有關? 性格較適合活動教學?

鑽石仔

QLCM 發表於 19-1-22 09:45
認字咭都係跟住課程教，只係平時佢見到有字都會問d字係咩，咁又無理由唔答佢
但佢又真係有興趣學d更深嘅野 ...

我估你小朋友已經識左上堂教的內容，所以唔專心！

hil_hy_c211

QLCM 發表於 19-1-22 09:45
認字咭都係跟住課程教，只係平時佢見到有字都會問d字係咩，咁又無理由唔答佢
但佢又真係有興趣學d更深嘅野 ...

感覺上小朋友有點像資優 (不過我並非專業，可搵專業人士試下評估)~~

如果係我，既然小朋友有能力 + 有興趣學更多，我會按佢ge需要提供佢想要ge野比佢，畢竟我真心覺得自發學習才是最重要，學野自小就唔應該只跟住學校。如小朋友有興趣追求更多...........why not?
不過都要同佢解釋上課ge態度 & 聆聽指示ge重要性 (待人處事都要學習)。

另外，都可以試下同學校溝通下，比學校明白呢個小朋友因為覺得d野太簡單而對上課失去興趣，佢本質其實係好學的，會唔會學校都有suggestions幫助呢d小朋友學習? (我絕對唔覺得故意壓抑佢學習係一個feasible ge suggestion)

happyma12

鑽石仔 發表於 19-1-22 10:06
我估你小朋友已經識左上堂教的內容，所以唔專心！

我都係咁唸，不如試下同老師溝通下，睇下點樣幫佢？

karllambb

QLCM 發表於 19-1-22 09:45
認字咭都係跟住課程教，只係平時佢見到有字都會問d字係咩，咁又無理由唔答佢
但佢又真係有興趣學d更深嘅野 ...

就算小朋友係資優都好, 仲有好多soft skills比起認字數學叻更重要, 我覺得認真同老師傾下佢係咩原因上堂係咁好過啦

poonmiss

「佢自己全部做晒，而且係做啱晒，老師話佢識晒嘅d野但係無聽老師指令」
呢個同你嘅教育理念一樣嗎？
有些幼稚園比較重視紀律，有些比較重視創意，可以同老師溝通一下。
希望唔好令佢失去學習興趣！

QLCM

我認同待人接物比學術好更重要，不過佢上堂嘅態度我哋都唔知有乜辦法可以令佢進步
老師唔係怪佢嘅，佢都覺得佢叻做得晒
我又唔覺得我仔係資優果種，佢只係乜都鐘意學，我地肯教基本上佢都願意學
學術上，我諗比佢讀咩幼稚園都一樣，除非好活動教學嗰種
同埋咁難得讀到根德，男仔升小可能都會有優勢
我只係希望佢未來表現會好啲，但除咗我啲同佢講要答老師之外，我冇乜其他辦法
我試下同老師溝通下

Nbs

我無經驗亦唔係專家，我女得 2.5 歲。
我喺到諗，你仔仔學野快又學得超前，返學覺得甘悶，其實係咪活動教學適合d ? 即係嗰d project base, 自己explore 自己探索嗰d ?! 甘就可以根據自己步伐學習

fadgare

要教佢任何事情一定要盡力而為, 表現到最好, 就算識曬都唔可以用一個輕視嘅態度, 呢啲嘢要父母慢慢教. 學術如果佢吸收到不用特登遷就學校, 佢學到幾多教幾多

OP妮歌

我仔大你仔一年，同一間幼稚園。
學校教的其實不難，我覺得更著重他們學聽老師說話、如何自己的事自己做、良好的待人處事及學習態度。

全年評估全對的大有人在，超一兩年學習知識的也很多，但如何仍能認真看待學校課業是一項功課。

小朋友從來都自己去溫習、學留心聽課。
家中仍會教，但教學校以外的東西

kevin123456

太叻，老師未教小朋友已經識哂，所以冇心機上堂

BABA124

幼稚園應該學術上真係大部分人都不需要教，上學不是學知識，係學同人相處，學群體生活。係咪上學時間非最精神時段？我見有啲細路自己超前學習，上學冇精神，因為其他時間太充實。都可能係KV太傳統，如果多啲presentation, 實驗式學習會好啲。

andyan324

Nbs 發表於 19-1-22 19:12
我無經驗亦唔係專家，我女得 2.5 歲。
我喺到諗，你仔仔學野快又學得超前，返學覺得甘悶，其實係咪活動教學 ...

我覺得係呢樣，局限左小朋友

QLCM

咁我相信活動教學佢一定無咁呆
但我又擔心同老師溝通完其實幫助不大, 始終根德都係傳統派既幼稚園

大家真係會為左呢個問題轉校?? 始終我哋都想佢讀返本地學校，仲有個細佬跟住尾，咁就要面對現實嘅問題
會唔會同佢性格有關？佢都唔算表演慾強嗰種，但係單對單嘅互動佢係做得好好嘅，但係一多人呢就比較內斂或者唔係好肯比反應。（所以group interview就gg了🤦🏻‍♀️）
而家我同老公諗住俾佢去學下話劇或者講故事，等佢習慣響多人面前表達自己

定有咩辦法幫佢改善呢? 真心請教

pekovian

「到衣家佢都鐘意返學，坐得好定，但到衣家老師依舊話佢發呆反應慢，有次d工作紙老師指示話做一題，佢自己全部做晒，而且係做啱晒，老師話佢識晒嘅d野但係無聽老師指令」

尼個情況考小一直私好不利
要搞搞佢

QLCM

回覆 pekovian 的帖子



有咩高見

pekovian

QLCM 發表於 19-1-27 00:06
回覆 pekovian 的帖子

訓練佢聽指令，唔做多，唔做少