海濱靈糧堂 vs 荃灣迦南

Kiiiiiiki

海濱靈糧堂 vs 荃灣迦南。
靈糧超開心, 學術淺；迦南谷谷地。

我想囡為興趣而讀書， 但驚揀咗happy school之後，上到小一怕應付唔到變咗討厭讀書

點算好？

鬆弛波仔

Kiiiiiiki 發表於 19-1-17 15:10
海濱靈糧堂 vs 荃灣迦南。
靈糧超開心, 學術淺；迦南谷谷地。

我之前同你面對同一問題，我揀左迦南，我都怕跟唔上，但之後再有其他offer就轉左第三間

ricky0223

Kiiiiiiki 發表於 19-1-17 15:10
海濱靈糧堂 vs 荃灣迦南。
靈糧超開心, 學術淺；迦南谷谷地。

睇你點諗，我自己就唔buy太開心果d幼稚園，返三個鐘，扣埋茶點去廁所，得兩個幾鐘，仲要唔重學術，小學點追？
每間學校都有佢好同唔好既，睇家長自己點諗。

nixphoenix

其實如果有睇靈糧嘅教材
佢唔係一般人講得咁淺
不過家長要自己跟學術
不過靈糧所學嘅求知欲同埋自學精神係一生受用
同埋所觀察到靈糧嘅小朋友大多比較乖

如果想㨂升學型學校
我自己唔會選擇迦南
反而會考慮一啲考直私理想嘅學校

兩間學校其實好唔同
可以考慮番家長嘅理念同邊間學校比較夾

Eunice0203

nixphoenix 發表於 19-1-17 23:01
其實如果有睇靈糧嘅教材
佢唔係一般人講得咁淺
不過家長要自己跟學術

完全同意 教材正得黎仲要平 但真系要家長跟 學校透明度極高 家長參與度又高 睇你自己想要咩如果家長無時間跟 就揀迦南吧

pc5cats

nixphoenix 發表於 19-1-17 23:01
其實如果有睇靈糧嘅教材
佢唔係一般人講得咁淺
不過家長要自己跟學術

認同靈糧得到既係一生受用，每次湊女女返啓蒙班預備班既時候，見到幼稚園嗰邊小朋友都係有禮貌既開心果，路過唔識都會講早晨，見親佢地我都心心眼。
Btw... 想請教下，學術家長係點樣自己跟？暫時冇乜概念。

Kiiiiiiki

我倆本身都好鐘意happy school, 因覺得囡可以建立興趣讀書返學。但聽得太用家講小一會追吾上或好辛苦，到時反而討論返學。同讀靈糧堂吾洗諗住考直資學校，有點猶豫。
如果家長可以係家教都好，怕咁細個要出外補習、又冇晒親子時間。

nixphoenix

pc5cats 發表於 19-1-18 08:39
認同靈糧得到既係一生受用，每次湊女女返啓蒙班預備班既時候，見到幼稚園嗰邊小朋友都係有禮貌既開心果， ...

我小朋友嬰幼同學前班都係靈糧讀
老師真係好有愛
後來因為有龍校offer先轉咗
不過我識得幾個媽咪嘅小朋友讀靈糧唔同分校
其實佢地由k1開始有你聽我讀活動
跟得足真係認到幾多生字
同埋佢地由k1都有派字咭同英文生字咭
雖然學校唔係compulsory 要交或者認哂
但如果家長有心機跟得足
再加上平時有閱讀習慣
咁小朋友嘅識字糧唔會少

反而小朋友係學校做個啲小實驗呀、pretend play體驗、小組討論個啲
我想係屋企想同小朋友做都無個個氣氛...

另外好老實講
我諗現今嘅家長無論小朋友讀邊間幼稚園都多多少少會安排外補...
靈糧NET可能唔足夠
咁家長都可以自己係課外俾多少少資源係呢方面...

nixphoenix

續....

我自己覺得
靈糧最難得嘅係佢好有愛
令小朋友好有同理心
另外佢令小朋友培養到解難同自學嘅精神

不過我都好明白家長更係會諗再長遠啲
想小朋友條路更好行
如果唔係我自己都唔會轉龍

如果一心考直私
其實另外一間又係唔係突出咁多呢？
定另外再考慮其他更有把握嘅幼？
而且聽番好多考過直私嘅前輩講
學術重要但其他soft skill例如禮貌、與人合作、自信呢啲技巧係考學校方面都會越來越注重
而呢啲soft skill我覺得靈糧一定可以做到

不過我都好明白如果家長無頭緒或無乜時間跟得好足
又或者對靈糧嘅理念有懷疑
咁可能其他學校會更合適

pc5cats

nixphoenix 發表於 19-1-18 18:23
我小朋友嬰幼同學前班都係靈糧讀
老師真係好有愛
後來因為有龍校offer先轉咗

多謝你既資訊，希望開學可以得心應手，期待～

Eunice0203

Kiiiiiiki 發表於 19-1-18 16:26
我倆本身都好鐘意happy school, 因覺得囡可以建立興趣讀書返學。但聽得太用家講小一會追吾上或好辛苦，到時 ...

靈糧堂考直私 1d都吾差嫁喎
我女同學既哥哥 今年考到男拔 淨系有外補英文 其他同學都有吾錯offer 點解你會覺得吾洗指意考直私呢？
利申 吾系荃灣分校

Eunice0203

nixphoenix 發表於 19-1-18 18:23
我小朋友嬰幼同學前班都係靈糧讀
老師真係好有愛
後來因為有龍校offer先轉咗

無錯 每個小朋友上堂前都會周圍搵家長/老師講圖書 我女一開始無膽搵人讀 依家自信心大左好多 仲會拖住細膽既同學仔搵人讀不過我同意如果有懷疑就吾好揀了 吾系你3年都會好擔心同緊張！

Lily_0624

回覆 Kiiiiiiki 的帖子

我係荃灣靈糧用家，亦剛完成直私小一面試！當年選擇靈糧都係認同佢教學理念，中間亦猶疑過課程是否太淺！
不過如果父母有跟（雙職父母），又吾洗太擔心！
學校好有愛，老師好專業，家長日會令你有好多得著（因本人比較少請假參加學校自願性活動）
係德育同自理發展， 求知同自發性的訓練係非常好！
所以睇你要乜

Lily_0624

回覆 Lily_0624 的帖子

我熟的同班有考直私都有offer ,但未必係大家心中的神校！如果選擇直私同靈糧教育理念接近的，都容易有offer!
我的小朋友考咗十間，有一半有offers

WongCuen

回覆 Lily_0624 的帖子

我都係荃灣靈糧用家。學校上下真係好有愛，好有耐性同好包容，透明度高，好多活動給家長到校參與。最重要小朋友真係充滿愛的環境下成長，畢生受用。同意家長需要跟足0的，陪小朋友多睇書，伴讀。外補似乎不單只靈糧這類學校，迦南用家也不少外補吧。樓主可分享下那些直資學校較類近靈糧理念及學生較有優勢可獲offer? 我的小朋友今年將會考小一。
先謝謝分享。

Lily_0624

回覆 WongCuen 的帖子

Pm u for more detail