用戶登入
用戶名稱:
密      碼:
搜索
教育王國 討論區 教育講場 優秀學生向錢流(左丁山)
發新帖
查看: 2495|回覆: 7
go

優秀學生向錢流(左丁山)

Rank: 13Rank: 13Rank: 13Rank: 13


75496
發表於 19-1-15 15:18 |顯示全部帖子

美國之音(互聯網)

上星期二中午出街應約吃午飯前,突然心血來潮,拿出另一部手機,睇吓有乜電郵先,一上網就睇到三十幾個電郵,一路睇一路刪除,費事儲藏太多資料,令手機記憶系統爆燈。突然間睇到午飯取消嘅電郵,係G先生秘書送過嚟嘅,簡單咁講,就係話G先生突有緊急事情,是日午飯取消,謹此致歉。

哦,唔駛出門啦,於是打電話畀電腦J:「喂,你知唔知呀,G先生取消飯約嘞!」電腦J曰:「已經唔係第一次,不如我兩個去上海總會吃麵算數。」又好啫,點知去到上總,原來佢又臨時搵埋理事F去,既有理事F在,我地想搶住埋單都冇可能啦,真唔好意思。

理事F係工程教育有心人,經常為大學籌集獎學金畀工學院優秀學生去美國各校深造,但是日佢有感而發:「年年都係姓XYZ嘅內地學生攞到獎學金,啲香港本地學生去咗邊呢?本地生好似冇競爭力噃!」呢個問題,佢問我,我問邊個?或者捐錢畀環球商業科學生,就會有本地生爭取到獎學金啩,大家都知道本地大學嘅理學院、工學院,攞一級榮譽嘅幾乎盡是內地生,頒獎學金以學業成績為優先考慮,冇理由唔睇成績而睇內地生、本地生之分別,而有不同評審準則嘅啫。

幾日前碰到一位初創投資者,係三十年前港大double E尖子,在銀行界、投資界好有經驗,同佢講起初創企業,佢又係同理事F一樣感覺:「不少科技初創企業創辦人係內地工科畢業生,本地生數目比較少。」問佢知唔知道原因,呢位投資C話:「三十幾年前我地入學成績與醫學院學生有得爭,無大分別,我呢幾年比較幾間大學嘅double E收生成績,真係嗌救命呀,與醫科生有打邊爐與打屁股之別,或者呢個就係原因囉。」

世情如此,大勢所趨,有乜辦法啫,左丁山素來信奉市場,只能相信市場會影響各類學生入大學選學系嘅決定,例如近年華爾街搶MBA畢業生漸漸輸畀矽谷,遲早香港學生都會選科技唔選環球商業啩?但香港科技界人工少一啲,又似乎唔夠吸引噃。呢個觀點就畀科學園嘅一位仁兄M打破,佢曾經對左丁山講:「你唔好迷信金融界人工一定高好多嘞,依家AI爭人爭到打崩頭,有10年AI研發經驗嘅32歲大學工科畢業生,年薪可以去到二百萬港元!」咁吃香?電腦J話係特殊個案都唔定,但IT界高度缺乏人才就係真嘅!


左丁山                                                                                                    

Rank: 6Rank: 6


8834
發表於 19-1-15 18:20 |顯示全部帖子

回覆樓主:

最怕呢類外行人寫既野。不如佢話我知香港邊行邊業缺乏IT人才?缺做低技術IT cheap labor就大把。

Rank: 11Rank: 11Rank: 11Rank: 11


32340
發表於 19-1-15 22:21 |顯示全部帖子
JustAParent 發表於 19-1-15 18:20
最怕呢類外行人寫既野。不如佢話我知香港邊行邊業缺乏IT人才?缺做低技術IT cheap labor就大把。
...

佢講工程科技,不只lT。

香港學生可能太過以短暫目標為本,那裡多一千便讀嗰科。
The more bizzare a thing is, the less mysterious it proves to be.

Rank: 5Rank: 5


3374
發表於 19-1-15 23:21 |顯示全部帖子

回覆樓主:

重點在香港學生理工科弱,不夠優秀人才發展香港科技。現今各個發展國家都要鬥科技才能佔優勢,AI是其中一 範, AI是統稱,金融科技要用高階數學分析也叫應用AI。中國是政府主導發展科技爲重大目標, 美國民間主導發展科技也非常亮麗,一直跑贏全世界。 最瘋狂是2024年送人上火星。大家到時見證下。
問題是什麼原因令到香港學生對讀理工科無興趣?變成水泡科?先進國家對理工科學生都一直都好大需求。美國不少神人企業創業者都是理工科出身。畢竟美國仍是科技大國。香港大概不把自己定位爲發展科技爲重點吧?!眼見香港不少學生小時對數理科非常熱愛,長大了就有其他想法。

Rank: 5Rank: 5


3700
發表於 19-1-15 23:43 |顯示全部帖子
planetearth 發表於 19-1-15 23:21
重點在香港學生理工科弱,不夠優秀人才發展香港科技。現今各個發展國家都要鬥科技才能佔優勢,AI是其中一  ...

我多次指出搞高科技是燒錢遊戲,十個項目可能只有一個跑出,跑出一個回報抵上十幾個失敗項目;理工科技人,有識有力有青春,但最要命是無財,政府燒掉幾十億即被公眾狂插,遲呆官僚體制如何應對日行千里的科技步伐,然而香港私企民企又有種乎?一天到晚都説無人才,為何無人指出企業願意花多少經費在科研上?

Rank: 6Rank: 6


8834
發表於 19-1-15 23:44 |顯示全部帖子
shadeslayer 發表於 19-1-15 22:21
佢講工程科技,不只lT。

香港學生可能太過以短暫目標為本,那裡多一千便讀嗰科。

本帖最後由 JustAParent 於 19-1-16 00:10 編輯

我哋呢代人,食正香港經濟起飛,將一切拿乾拿淨。後生一代,賺埋未夠交租,點好意思話後生仔短視貪一二千呀?

點評

RoseRosa    發表於 19-1-24 13:28

Rank: 11Rank: 11Rank: 11Rank: 11


32340
發表於 19-1-16 13:20 |顯示全部帖子
JustAParent 發表於 19-1-15 23:44
本帖最後由 JustAParent 於 19-1-16 00:10 編輯

我哋呢代人,食正香港經濟起飛,將一切拿乾拿淨。後生 ...

本帖最後由 shadeslayer 於 19-1-16 13:22 編輯

唔明上一代如何拿走下一代。。。啲乜? 錢,機會?

If youngsters are short sighted and go for a degree course because graduates earn 1000 more, and if the long term future is compromised, it is on them who make the decision, not their parents or 上一代。

Rank: 5Rank: 5


1161
發表於 19-1-17 11:07 |顯示全部帖子
Yes, AI is Fintech, not pure IT.