用戶登入
用戶名稱:
密      碼:
搜索
教育王國 討論區 北角衞理小學 讀了幾年北衛小學之感覺和意見,本人開始有點後悔... ...
發新帖
查看: 8331|回覆: 15
go

讀了幾年北衛小學之感覺和意見,本人開始有點後悔...

Rank: 2


47
發表於 19-1-15 01:57 |顯示全部帖子
各家長可以發表下對北衛小學之感覺和意見,希望該校能變得更好。而本人也會講下自己對該校一啲意見和感覺(如有不正確可指出),給未入此校的家長作參考。

Rank: 4


701
發表於 19-1-15 14:01 |顯示全部帖子

回覆樓主:

點解會後悔?願聞其詳!

Rank: 3Rank: 3


110
發表於 19-1-17 00:14 |顯示全部帖子
可否分享一下?北衞係我目標之一⋯⋯

Rank: 4


779
發表於 19-1-24 10:44 |顯示全部帖子

回覆樓主

我絶對有同感! 現在的北衛已經不再是happy School,加上無數次大大小小的評估,實在令人吃不消,說就說是每年兩考,但中間實在有太多評估,令學生和家長都感到很大壓力,還有每次帶評估和考試都是在大節日假期後,完全令我們不能感受到假期的快樂!
現在還口口聲聲說自己仍是happy School,實在不配,如果俾我再選,一定不會選這學校...

Rank: 3Rank: 3


416
發表於 19-1-24 23:25 |顯示全部帖子

回覆樓主

但我小朋友又真係讀得好開心呢!雖然評估係密,但範圍好少,每次一至兩課,所以準備時間不多,仲有好多時間玩。
可能我有另一個小朋友在很傳統的學校,相比之下,衞理的課程、測考同教學方法,我覺得已經好reasonable了。
在香港的教育制度裏,我相信學校已經好努力,希望小朋友愉快地學習,大家一起加油呢!

Rank: 2


47
發表於 19-1-27 10:25 |顯示全部帖子
本帖最後由 Hellokitty730 於 19-1-27 20:48 編輯

唔好意思,呢排好忙,而家先有時間分享下
其實幾年前, 我個小朋友入呢間小學只係因為好簡單嘅兩個原因。第一係覺得佢係happy school。第二個原因就係佢派中學排得好好。但係幾年後嘅今日, 覺得已經唔係以上嗰啲原因呀, 所以後悔揀咗依間學校。

開初個小朋友喺初小時, 真係好淺, 考試亦都唔深。所以我嘅小朋友可以愉快學習,大多數嘅學生考試讀書成績亦都有好嘅分數, 好多嗰九十幾分, 對小朋友嚟講係件好事, 因為佢哋有成功感, 但係自從轉咗校長之後我覺得學嘅嘢深咗, 好多已經唔係之前嘅愉快學習或者happy school。這樣同出面普通嘅小學已經冇乜分別, 一樣係咁谷(當然出面有好多學校谷過佢), 已經唔係以前嘅happy school。 依家學校已經冇咗之前嘅好處。

第二個原因, 喺我小朋友入呢間小學之前, 我已經上學校網睇佢派中學排成點, 嗰時好清楚見到北理啲小六學生幾多人派到邊間中學, 佢會顯示幾多人入咗band1, band2和band3。我會將佢入落電腦分析做小統計, 當時大概每年有六成以上嘅學生可以入到網上資料報稱band one中學, 而且我好欣賞學校高透明度網上派位資料, 咁證明依家學校成績好, 派位好, 先夠膽顯示畀公眾知道佢哋嘅派位資料, 即係唔怕貨比貨。所以我唔理我另一半反對就給我小朋友揀咗呢間小學同埋入咗。而每年我都有將佢學校網上派位嘅資料做小統計和分析, 但近呢兩年再上學校官網, 我只係見到某部分北理啲小六學生去到較為好啲嘅中學資料, 而其他學生去咗較為冇咁好嘅中學就冇再顯示出嚟。咁即係代表什麼, 我又唔知道。只係覺得學校已經冇咁高透明度, 和學校想派位派得好的一面顯示出嚟。我每年分析學校派位嘅統計就冇咗 band2和band3嘅數據, 但如果比較返近兩年即係2016至17和2017 至18 派band one中學嘅數據比較之前幾年數據, 的確少咗派band one人數。 係咩原因少咗我就唔知喇, 只覺得學校網上派位冇咁高透明度, 可能現在就係怕畀人貨比貨了。

我小朋友讀咗幾年, 其實我覺得呢間學校喺間幾傳統的學校, 乜嘢係幾傳統, 即係冇乜進步。而且學校對學生冇乜投放資源, 舉例學生出去報校際朗誦比賽或者音樂等比賽, 學校係冇畀資源或者教導, 即係冇老師會教小朋友朗誦等技巧, 要家長自己去教或者訓練個小朋友去比賽。但好奇怪當個學生攞到獎, 學校就會放上網攞到獎。對比我朋友仔女嘅其他小學, 佢哋學校會有老師教佢哋朗誦等技巧, 你試諗下個小朋友畀專業嘅老師教朗誦技巧定係由非專業嘅家長教去比賽, 誰人會得獎多啲呢?

還有以前學校嘅優點就係之前嘅半日制, 返半日制小朋友冇咁辛苦, 佢哋有多啲時間做自己嘢。但今個學年已經冇咗半日制, 要返全日制, 所以這個優點也沒有了。

講開今年度半日制轉全日制又好激氣, 事關之前向學校講返學時間。 第一, 校方原先冇乜諮詢過家長意見(可能問過下家教會啦), 其實有好多家長想晏啲返學, 因為有一半學生之前返下晝班, 佢哋轉咁早返學好難適應, 但學校一意孤行, 就算我知道有啲家長同校長講, 又有啲家長寫信畀學校, 校方只係話同附近的學校共識咗一個時間返學。其實隔離嗰間起緊的華仁小學都未正式返學, 可以今個學年晏啲返學都可以, 而家返學時間係早上7點50分。由呢一件事, 可以睇到學校冇咩聆聽或者接受家長意見,冇乜人性化, 使我很失望。

講下今年小六自行派位學校安排, 我聽咗好多中學嘅開放日講座, 有啲中學講到明, 要第一日即係1月3號交表去中學, 以顯示誠意。 但好奇怪, 學校話一月十幾號先有個講座同家長講下你嘅小朋友揀邊間中學, 學校話唔使咁急。 你諗下人哋中學話要第一日交表先加多啲分, 學校點解唔可以一早安排家長早啲, 即是12月中或者12月尾安排呢個講座呢? 幾時自行派位一早已經知啦, 如果我心儀嗰間中學話要第一日交表我又點算呢? 學校有冇諗過我哋焦急家長嘅感受呢?


最後講下1月26號學校有個叫做環保創科嘉年華, 佢寫到明對象係本校學生, 幼稚園學生和家長。呢日有去啲義工家長,老師同埋北角衛理學生好落力, 做得好好, 值得一讚。 但係我見到我身旁有個外來幼稚園學生和家長, 入到嚟以為嘉年華啲氣球, 棉花糖等, 係唔使錢, 我就同佢講係要買代用券, 佢哋即刻好愕然, 原來氣球要50蚊, 雞翼20蚊, 睇學生表演要30蚊, 連去圖書館都要20蚊先有得參觀。 我從未試過去學校開放日, 連去圖書館和睇表演都係要收錢, 對於我嚟講捐錢比學校係冇問題。但係對於一些幼稚園學生和家長, 佢哋唔知道入嚟嘉年華, 好多嘢都要收費, 我覺得有問題。最少你喺宣傳單張或者網上宣傳講明係籌款活動, 比外面啲人知道你係籌款。講多句, 學校已經喺未搬過嚟之前已經籌了幾年錢, 今年又要籌款, 究竟要籌幾多年? 呢日嘉年華我聽到隔離家長講 (唔知係本校家長定外來幼稚園家長) 呢間學校係咪真係咁窮呀? 我都唔識答。


待續…  


Rank: 4


779
發表於 19-1-28 17:33 |顯示全部帖子
Hellokitty730 發表於 19-1-27 10:25
唔好意思,呢排好忙,而家先有時間分享下
其實幾年前, 我個小朋友入呢間小學只係因為好簡單嘅兩個原因。第一 ...

同我嘅感覺完全一樣,如果早知轉左校長之後,會跟出面嘅學校一樣,我又點解要揀你?!
上星期嘅環保嘉年華,簡直覺得肉酸,有不少朋友來到,都問點解樣樣都要俾錢,連睇同學表現都要俾錢,有冇搞錯?係咪真係要咁肉酸樣樣都比錢,我地5個人入去睇,已經要$150,仲要只係上半場! 聽到有人講話對呢間學校好失望,如果可以揀,都唔揀佢,我都好後悔

Rank: 2


47
發表於 19-1-28 18:43 |顯示全部帖子
本帖最後由 Hellokitty730 於 19-1-29 12:28 編輯
binbin仔 發表於 19-1-28 17:33
同我嘅感覺完全一樣,如果早知轉左校長之後,會跟出面嘅學校一樣,我又點解要揀你?!
上星期嘅環保嘉年華 ...


我十分認同你嘅講法 , 現在依間學校已經失去佢最有特色嘅一樣嘢, 就係愉快學習。你話佢跟出面嘅學校一樣 ,我覺得佢現在連出面學校都比唔上。 只係一間有新校舍嘅中等平實的"傳統"小學。
近依兩年成日見北衛, 上報紙, 做宣傳, 做專訪。 講自己學校有什麼愉快學習, happy school, 星期五有什麼黃金時段。 我心諗, 你不如用多啲時間搞好學校先啦。 定立同實行學校自己教學目標, 例如將來嘅小學生究竟需要什麼元素多啲 , 用人方面 (即係小學生)出發定D政策, 簡單啲講即係人性化啲,  唔係以學校行政為考慮重點。 不過咁多都冇用, 學校都唔會聽。


Rank: 4


536
發表於 19-6-27 09:56 |顯示全部帖子
我本人對新北衛校長都係冇乜好感, 真的好似大家所講, 只會做MARKETING, 她本人最基本既誠信都冇

Rank: 1


30
發表於 19-7-16 16:26 |顯示全部帖子
bowielmy 發表於 19-6-27 09:56
我本人對新北衛校長都係冇乜好感, 真的好似大家所講, 只會做MARKETING, 她本人最基本既誠信都冇
...

無誠信係指咩事件?

Rank: 4


564
發表於 19-8-3 22:27 |顯示全部帖子
bowielmy 發表於 19-6-27 09:56
我本人對新北衛校長都係冇乜好感, 真的好似大家所講, 只會做MARKETING, 她本人最基本既誠信都冇
...

絕對認同

Rank: 3Rank: 3


225
發表於 19-8-10 08:00 |顯示全部帖子
bowielmy 發表於 19-6-27 09:56
我本人對新北衛校長都係冇乜好感, 真的好似大家所講, 只會做MARKETING, 她本人最基本既誠信都冇
...

願聞其詳

Rank: 3Rank: 3


277
發表於 19-8-20 10:28 |顯示全部帖子
misslady_yan 發表於 19-8-10 08:00
願聞其詳
其中好有問題,這樣有沒有聽到二年級有人轉校。

Rank: 3Rank: 3


277
發表於 19-8-20 10:28 |顯示全部帖子
misslady_yan 發表於 19-8-10 08:00
願聞其詳
其中好有問題,這樣有沒有聽到二年級有人轉校。

Rank: 3Rank: 3


277
發表於 19-8-20 10:29 |顯示全部帖子
misslady_yan 發表於 19-8-10 08:00
願聞其詳
其實有沒有證明已經好多家長在小二的時候已經轉校。

Rank: 4


534
發表於 20-6-29 23:18 |顯示全部帖子
回覆 bowielmy 的帖子

點解咁講呢?心儀呢間係happy school.