完全唔識教

March

有無人好似我咁，越嚟越憎自己，成日都鬧鬧同鬧，我認我EQ 0分，但我真係唔知可以點教，好言相勸，對手當我唱歌咁，我又唔知究竟問題在哪？可以點幫？只有不斷提同鵝佢，又鵝又催又話又鬧，覺得自己都好煩

話說小女今年小三，開學至今好似乜都甩晒咁，成績比之前亦差咗好多，甚至唔合格，好似做咗慌失失老友咁，每件事都拖到好長時間先能完成，沖涼、食飯、做功課...... 每日想用多5分鐘練琴、溫下日常書本都無可能，我唔知可以點做？有唸過係咪真係迫佢日日上功課班就work？我唔知，我真係唔知，見到慢勢魔王令我更火上加油，有無人可以教我應該點做？

Diversifyedu

March 發表於 19-1-6 21:53
有無人好似我咁，越嚟越憎自己，成日都鬧鬧同鬧，我認我EQ 0分，但我真係唔知可以點教，好言相勸，對手當我 ...

即係小一二唔慢，小三突然慢晒？
平日放學後有冇安排太多活動，令佢唔夠精神同休息？個腦要有時間放空做事先有 效率

planetearth

March 發表於 19-1-6 21:53
有無人好似我咁，越嚟越憎自己，成日都鬧鬧同鬧，我認我EQ 0分，但我真係唔知可以點教，好言相勸，對手當我 ...

媽媽先唔好緊張，你的焦慮佢feel到的，會令你女更焦慮，佢做得慢可能是壓力大所致。先定D靜下來列出她有哪些問題/學業問題，再一步步幫她。把大問題拆細塊D，再一塊塊解決。

miujoey

首先媽媽要冷靜D先可以帮到個女，小三今年才變了總有原因，同個女好好傾下找出問題所在先可解決問題

小曳人

試過獎勵未？做功課中途可有休息？試過時間表未？有無同佢傾過點先啱佢？你係咪睇住佢做，定係佢完全獨立去做？有無同老師傾過响學校表現？
鬧係無用架，做得慢，有機會同自信心不足有關 (當然仲有其他原因)，而鬧~就係肯定打沈自信嘅最"佳"方法，特別係由至親嘅爸媽口中....

我細仔做野都好慢，原因係佢有個超強嘅哥哥...連外人都睇得出佢無信心，呢d人仔要多鼓勵，諗辦法建立自信

你最好先搵出原因

miujoey

March 發表於 19-1-6 21:53
有無人好似我咁，越嚟越憎自己，成日都鬧鬧同鬧，我認我EQ 0分，但我真係唔知可以點教，好言相勸，對手當我 ...

我女而家都係做嘢越嚟越慢好鍾意拖時間，時間唔夠用啊都cut了一些課外活動，寧願多啲時間俾佢休息下我自己又冇咁大壓力成日催佢做嘢，平日溫書從來都冇，做功課已經係溫書，多餘時間佢會中意睇下書，睇下英文youtube, 成績中上 咁樣大家都輕鬆。

Olympian

March 發表於 19-1-6 21:53
有無人好似我咁，越嚟越憎自己，成日都鬧鬧同鬧，我認我EQ 0分，但我真係唔知可以點教，好言相勸，對手當我 ...

搞返好關係先。兩個人去下街，傾下計。

Jane1983

如果小一、二唔慢，今年突然拖，要搵出理由。係因為唔明，所以拖住做，抑或心散，定係乜嘢原因。搵到原因先可以解決問題。

鬧、激氣、嬲，呢d情緒都無建設性。既然知道自己EQ低，就要努力提升，唔係大人細路都好慘。

March

多謝各位意見，小女平日除週三會留校有畫畫嘅課外活動同返來學琴外，其餘放學日子都無活動喇，學術嚟講，都只係週六有補2小時英+數，老師亦不是push 嗰隻，我認我好緊張佢學業，但我真係只要求佢唔好科科6字頭咋，佢小一、小二時間上都控制得唔錯，但今年真係甩晒，我都有了解過一、二，開學時或者因為被個女仔蝦，所以佢唔多少有啲唔開心，但依家我知個女仔無再攪佢，我都控制緊自己，希望佢也可以有所改善。

有時唔係唔想比佢休息，但佢做功課實在太慢，要用幾小時，我試過放任佢，試過陪做，試過解釋，無論如何，依家都還在尋找緊最適合嘅方法。

planetearth

March 發表於 19-1-7 21:32
多謝各位意見，小女平日除週三會留校有畫畫嘅課外活動同返來學琴外，其餘放學日子都無活動喇，學術嚟講，都 ...

先要有足夠休息時間。
小朋友細個attention span即集中力比較低，要張D task即功課拆開細D，分開時段來做，唔好迫佢一次過完成。集中力因人而異，三年級先試下15至20分鐘一段，之後用10min做D其他輕 輕鬆嘢， 講下笑話都得。之後再開第二段task. 功課可能 先揀容易嘅功課嚟做, 等佢有啲信心心情好啲. 做完鼓勵下佢
掌握左唔識的，佢有自信自然學野效率高D。
一次過太多 疲勞轟炸會好大壓力. 一步步逐漸完成任務佢會有滿足感.

funEE

回覆 March 的帖子

十分認同planetearth的！
我小朋友之前做功課都好慢，好唔專心！一份抄寫功課都可以成個鐘都未做完，令到我周不時情緒失控⋯⋯
之後學識幫小朋友將功課拆細去完成，就大家都開心好多！
初初一份工作紙都要細分3次去做，每次休息都用小遊戲去作獎勵。（例如猜3次包剪揼/ 鬥快圍住飯枱跑三個圈/ 畫隻杯，慢慢填滿就可以飲杯水/ 儲夠10粒星星就可以揀首歌聽下、唱下、跳下等等）

我試咗4個月，到佢上星期六叫我煮定午餐，等佢自己做完功課就可以食時，我已經好恩惠啦。

記得要慢慢將做功課時間加長，遊戲時間減少！

我小朋友都由唔鍾意做功課，要三催四請！到現在一叫就知道自己有責任自己埋位做。

我希望有一日，佢會學識自己放學後，就自己做晒啲功課就最perfect 啦！大家努力

jaycee_mami

March 發表於 19-1-7 21:32
多謝各位意見，小女平日除週三會留校有畫畫嘅課外活動同返來學琴外，其餘放學日子都無活動喇，學術嚟講，都 ...

可能那件欺凌事件影響了她， 自信心有所動搖

健健BB

我反而覺得太多別人的意見，反而吃不消！
那有一個mummy 唔係咩方法都用晒？ 咩奬勵，咩遊戲，咩cut 課外活動都試晒！
香港唔比打唔比虐兒，有時對住啲慢世魔王軟皮蛇，真係無辦法！

Elenalan

健健BB 發表於 19-1-8 08:33
我反而覺得太多別人的意見，反而吃不消！
那有一個mummy 唔係咩方法都用晒？ 咩奬勵，咩遊戲，咩cut 課外活 ...

打有用咩? 小學生喇喎?

miujoey

身為媽媽當然明白樓主的苦況，那個媽媽不愛锡自己子女，平時喺天使，一教功課就變後母，我EQ都低，每次鬧完個女都內疚

MrBeast

回覆 March 的帖子

呢個先係真正trouble 3, 回想自己小孩，都有很多attitude問題，試過破斧沉舟，等佢自己處理，畢竟老師罰佢唔係罰我，不過利申我小朋友自控ok, 所以好快佢知衰。當然這是玩火做法，有risk go to the dark side, 要好小心。
standard technique 就找亮點，以長項培養弱項。

若trouble 3 都過唔到 青春期一定死硬，花d時間去上吓parenting 講座，important thing is how u r going to do differently tmr.

猴子爸

March 發表於 19-1-7 21:32
多謝各位意見，小女平日除週三會留校有畫畫嘅課外活動同返來學琴外，其餘放學日子都無活動喇，學術嚟講，都 ...

是否真的無再攪佢？ 当时你知道这件事后，有为她做过什么事？还是怀疑只是小事情，不太理会她？我听说过类似的case, 又是女生，那位被虾的女生的成绩一落千丈，最后要很长时间辅导才行。
除了这个心结，当然也有可能是另外的原因，例如成绩跟不上后，自信心更受打击，潜意识选择放弃。

little_yolky

MrBeast 發表於 19-1-8 09:18
回覆 March 的帖子

呢個先係真正trouble 3, 回想自己小孩，都有很多attitude問題，試過破斧沉舟，等佢自己 ...

trouble 3完又有trouble 4, 我果個一年惡頂過一年。今年終於見佢識主動做功課、溫默書喇, 點知成績仍然低迷, 上次統測仲見紅, 步家姐後塵中聴唔合格。仲要功課做咗但唔記得帶欠交兩次功課。真係惡夢連連。佢又係一樣嘢要做好耐, 例如沖個涼10分鐘乜都掂, 但佢响廁所入面可以搵個桶玩一輪, 玩足半粒鐘, 乜都玩到一餐飽, D時間咪咁浪費晒囉。

健健BB

Elenalan 發表於 19-1-8 09:01
打有用咩? 小學生喇喎?

犯法的！