用戶登入
用戶名稱:
密      碼:
搜索
教育王國 討論區 談幼稚園 當港大也可鸁牛津 學券為什麼不能贏神校? ...
查看: 3611|回覆: 23
go

當港大也可鸁牛津 學券為什麼不能贏神校?

Rank: 3Rank: 3


280
發表於 19-1-5 12:40 |顯示全部帖子
本帖最後由 超能爸爸 於 19-1-5 12:39 編輯

我自己覺得教懂小朋友心態 比讀什麼幼稚園重要
希望對手上好多offers要做抉擇 或 手上沒有滿意offer的家長有所啟示

以下摘自葉朗程先生在fb發表的文章:   

急聘人,但我們這行對新人的出手相對不算闊綽,人才確是難求。

幸而在一疊十多份的 CV 裏頭,仍有兩個是來自超超超名牌大學的,而且 internships 的紀錄輝煌,我已預計其中一個會是最後贏家。

我們這個 team 有十多人,請人的慣常做法是,篩選至最後兩至三位candidates 之後,我們所有的 teammates 就會分成兩個人一組,分別面見終極一輪的 candidates,最後最後便會整個 team 一起開會決定聘請哪一位。

我懶,所以這次不打算面見任何人,重任便交給其他同事了,反正最後請的必定是超超超名牌大學那幾位其中之一,尤其是牛津那位。我都唔知幾耐冇見過 Oxford 呢個名出現喺一份 CV 上面,Oxford 怎會有得輸。

一星期過後,同事有了結果,因為有太多事情混雜在這幾天進行,所以也忘了問他們的最後決定,直到當天午飯才醒起。係咪 Oxford 嗰個?「Oxford 嗰個都好得,但最後決定請 Ben,」其中一位同事說。Who is Ben?「之前喺 big four 做咗兩年 advisory 嗰個。」大學讀邊度?「Kong U,好似係讀 psycho。」

咀嚼的動作停止,含著半顆燒賣的我那刻是腦袋一片空白。Oxford 嗰個 candidate 叫咩名?「姓唔記得,first name 係 Edith。」淨係個英文名都贏咗七條街,我心諗。你哋係咪覺得Edith 唔夠 Ben 好?這次沒有人回話,顯然我情不自禁地問了一個白癡得不能再白癡的問題。

回到公司,成功截住了準備發出電郵的同事;唔啱規矩都好,我要見嗰兩個 candidates 一次,當是彌補之前的懶惰。

幾天後的一個早上,吃完一個醒神的翠華早餐之後,我已準備好跟 Edith 見面。她早了十分鐘到,我也不介意早十分鐘開始。一睇個樣,八個字,高貴大方知書識禮,加埋條腿同埋嗰兩個酒窩,立刻硬咗,I mean 兩個拳頭,因為實在太氣憤了,他們竟然選他不選她?我跟她談得實在愉快,而且她的笑容就是六星級 concierge 般親切,那時候我已在盤算怎樣推翻同事的決定。

What do you consider as your greatest achievement in life so far?這是我給她的最後一個問題。她引述了她曾經隨同她母親的公司,協助某個落後東南亞國家改善耕作的經驗;回答得體,覆蓋全面,明顯 rehearse 過,真正的有備而來,I am impressed。

下午兩點半,輪到Ben 來到公司。飯氣開始攻心,打算草草了事,然後突然意識到,原來在安排時間方面,我已經給了 Ben 一個很大的 disadvantage。儘管失去天時,但他的表現還是讓我眼前一亮。

他說他在 advisory division 的其中一樣工作是負責 supervise 那些新入職的同事,繼而在某段時間後跟另外一位同事詳寫每個新人的 performance review。我問他的 review 是建基於什麼範疇,他的答案是「本來係建基於佢哋做指定嘅一啲 tasks 做得有幾好」。

本來?「你未必鍾意我嘅答案,」他遲疑地說,「但係我做 review 嗰陣好少會用呢啲 tasks 嚟做準則。」點解?「我覺得要 execute 一個其實好容易,有相關嘅 knowledge 就得;我唔係話 knowledge 唔重要,但我哋 advisory 要為 client 提供solutions,即係 client 衰咗要搵我哋求救,由點樣婉轉地指出 client 嘅問題,再去到 pitch 我哋嘅 solution,唔係話 execute 一個 task 咁簡單,係要講態度,應變,說服力。」

說到這裏,那位 Oxford 的面目已經變得模糊,甚至連她的名字也忘記了。最後一個問題,what do you consider as your greatest achievement in life so far?

他對這個問題的準備明顯不及 Oxford 那位,好半天後他才說:「Can it be something personal?」冇問題,請。「我十一歲嗰陣考到鋼琴八級,呢個應該係我人生最大成就。」我對這個答案有點失望,但幸好沒有阻止他說下去。「我婆婆同我講過,我媽咪細個都有學琴,但因為屋企出咗啲事,冇錢繼續學落去。我考到八級,媽咪可以繼續學琴,佢個仔做老師。」

兩位 candidates 在同一個問題提起自己的母親,反差竟然這樣大。

以後每當身邊有父母再為子女讀到名牌幼稚園而感到無比驕傲的時候,我都會想起這個故事。當港大都有機會贏到牛津嘅時候,你便會明白搲爛塊面就係為咗幫個小朋友搭關係入讀什麼寶珊幼稚園其實是一件短視和沒有意義得可憐的事情。





Rank: 5Rank: 5


2944
發表於 19-1-5 18:06 |顯示全部帖子
超能爸爸 發表於 19-1-5 12:40
我自己覺得教懂小朋友心態 比讀什麼幼稚園重要
希望對手上好多offers要做抉擇 或 手上沒有滿意offer的家長 ...

對,所以我覺得讀咩學校都好,最緊要同小朋友有經歷,龍校無呢種經驗係咪好事,我仲思考緊

Rank: 3Rank: 3


318
發表於 19-1-5 18:51 |顯示全部帖子

回覆樓主:

其實係架,係叻其實去邊讀都叻,係蠢即使入到神校最後一樣派band 3中學,所謂名校根本只係間學校揀哂D家底好同叻學生入去所以出來成績咁好,而唔係將你個蠢仔變叻仔,所以唔明D人有乜好追捧!
不過我相信呢度D家長實唔係咁諗!

Rank: 5Rank: 5


2944
發表於 19-1-5 18:56 |顯示全部帖子
asukav6 發表於 19-1-5 18:51
其實係架,係叻其實去邊讀都叻,係蠢即使入到神校最後一樣派band 3中學,所謂名校根本只係間學校揀哂D家底 ...

本帖最後由 karllambb 於 19-1-5 18:58 編輯

入唔到band 1就話小朋友只係衰careless mistakes, 接受唔到...咁careless mistakes 都要承受後果架,點解唔接受佢,好好入band 2學校,form 2插間好嘅學校呢?啲家長只會係小學勁谷個小朋友,關係撕例,然後話個衰仔form 2邊肯聽你講轉校....well, 佢無鬥心作為父母真係要諗下邊度出錯...
我其實好唔明呢啲家長

Rank: 5Rank: 5


2290
發表於 19-1-5 19:04 |顯示全部帖子

回覆樓主:

有時啲嘢好難一概而論嘅, 但揀學校最緊要合適, 符合家長同小朋友需要, 唔好淨係睇牌子

Rank: 4


571
發表於 19-1-5 20:05 |顯示全部帖子
asukav6 發表於 19-1-5 18:51
其實係架,係叻其實去邊讀都叻,係蠢即使入到神校最後一樣派band 3中學,所謂名校根本只係間學校揀哂D家底 ...

其實我認同你嘅諗法

Rank: 3Rank: 3


280
發表於 19-1-6 02:02 |顯示全部帖子
本帖最後由 超能爸爸 於 19-1-6 02:03 編輯
Lilianyu500 發表於 19-1-5 20:05
其實我認同你嘅諗法

係我角度  呢件事有2個領悟:
1. 真心真係好重要  唔係一尾公式化答案  我一定會教我小朋友答問題係用自己個心去答   唔啱咪唔啱  我唔會叫佢用模範答案  我覺得做人用心做事係最重要
2. 好似阿Ben咁覺得自己最大成就係成就返阿媽  我唔覺得係學校老師三言兩語教到  一定係身教  如果有個咁既仔  學術唔叻又有咩重要  

Rank: 5Rank: 5


2898
發表於 19-1-6 09:27 |顯示全部帖子

回覆樓主:

本帖最後由 tkinwong 於 19-1-6 09:43 編輯

其實,這討論區家長所說的名校幼稚園,最基本係要英文幼稚園,令小朋友有足夠的語言能力考直私。又或者是有直屬小學可以升。

Rank: 4


589
發表於 19-1-6 10:07 |顯示全部帖子
fadgare 發表於 19-1-5 19:04
有時啲嘢好難一概而論嘅, 但揀學校最緊要合適, 符合家長同小朋友需要, 唔好淨係睇牌子
...

本帖最後由 ylylylyl 於 19-1-6 10:12 編輯

其實......HKU 也是名牌子,這個Oxford 例子只是在衆多candidate 中shortlist 了名牌大學的一群,並在當中選擇適合的人選罷?即是..他們的基本條件仍是名牌..

Rank: 5Rank: 5


2944
發表於 19-1-6 11:07 |顯示全部帖子
tkinwong 發表於 19-1-6 09:27
其實,這討論區家長所說的名校幼稚園,最基本係要英文幼稚園,令小朋友有足夠的語言能力考直私。又或者是有 ...

根德園無語境,亦不是一條龍wor

況且一條龍只係將小朋友push到衰極係band 1, 真係好事?出黎社會誰人care你band 幾?最重要還是心態,presentation skills

Rank: 3Rank: 3


280
發表於 19-1-7 10:21 |顯示全部帖子
這個星期要決定offer taking了  大家要再諗清楚自己和小朋友想在什麼環境下成長
而我和太太商量了很久後  大概決定take一所新派活動教學的幼稚園offer
希望大家最終也入到自己心儀的學校

Rank: 5Rank: 5


2388
發表於 19-1-8 17:59 |顯示全部帖子
超能爸爸 發表於 19-1-5 12:40
我自己覺得教懂小朋友心態 比讀什麼幼稚園重要
希望對手上好多offers要做抉擇 或 手上沒有滿意offer的家長 ...

如果個別單一事情可以引出全面的真理,一把放在地面上的間尺(ruler)是否可以推論出這個世界是平的?

Rank: 3Rank: 3


280
發表於 19-1-8 18:11 |顯示全部帖子
4eyesDad 發表於 19-1-8 17:59
如果個別單一事情可以引出全面的真理,一把放在地面上的間尺(ruler)是否可以推論出這個世界是平的?
...
我只係share一個別人的故事  再加自己少少睇法啫我都冇話過呢個係真理
我只係一粒小塵埃咋  有乜資格講真理吖

Rank: 4


836
發表於 19-1-8 19:53 |顯示全部帖子
超能爸爸 發表於 19-1-5 12:40
我自己覺得教懂小朋友心態 比讀什麼幼稚園重要
希望對手上好多offers要做抉擇 或 手上沒有滿意offer的家長 ...

我地公司都經常請intern同college hire, 所以為日接觸佢地有幾點想講:

1)香港top既大學最top果班絕對唔輸蝕於外國著名大學,佢地可能只是因經濟原因無機會出國而已,但而家好多都有exchange program, 佢地都會有一定國際視野。

2)能夠在大公司打到入final round (請五隻指手以內的數目既空缺)已經不容易,肯定有其個人之處,根本唔會再比較邊間學校畢業。

3)而家好多都鍾意請性格比較humble 同collaborative 既人,所以本地大學果位睇落會較stable同可靠,呢個同佢讀邊間無乜關係。

Rank: 5Rank: 5


2388
發表於 19-1-8 20:03 |顯示全部帖子
超能爸爸 發表於 19-1-8 18:11
我只係share一個別人的故事  再加自己少少睇法啫我都冇話過呢個係真理
我只係一粒小塵埃咋  有乜資格講真 ...

我們明白這不是你的文章,我們亦明白很多FB 的post唔會咁執著,這裡很多家長會了解,FB作者的詳細信息是:"當港大(某一個畢業生)都有機會(在香港某一間公司招聘時)贏到牛津(某一個畢業生)嘅時候.....。"

Rank: 5Rank: 5


1072
發表於 19-1-8 21:32 |顯示全部帖子

回覆樓主:

Sorry,我唔係太明樓主引用呢篇文章想表達嘅內容。

正所謂蘿蔔青菜,各有所愛。

如果一個家長家庭經濟無壓力,她想要語境好,就揀一間私幼,係好正常嘅一件事。

如果小朋友能力好,好學,讀一間程度高d嘅幼稚園,有問題嗎???

Rank: 3Rank: 3


280
發表於 19-1-8 23:04 |顯示全部帖子
piglover 發表於 19-1-8 21:32
Sorry,我唔係太明樓主引用呢篇文章想表達嘅內容。

正所謂蘿蔔青菜,各有所愛。
當然係各人有各人喜好啦 如果人人都只鍾意同一類學校  呢個世界就唔會有咁多種不同類型學校啦
我只係引用下畀大家參考  睇下大家要決定註冊邊間學校時有冇啟發
我又冇話佢一定啱或唔啱
如果你覺得有參考性咪袋落袋 冇用就當粉筆字枺咗佢啦

Rank: 3Rank: 3


125
發表於 19-1-9 15:58 |顯示全部帖子

回覆樓主

其實就個故事黎講,我又唔覺Edith差過Ben。

Edith做事圓潤,面面俱到,事事做好準備。
Ben準備較不足,亦可能係佢故意冒險,靠的是出奇不意。

結果是,面試官喜歡那個⋯懂得記掛媽媽的好孩子。哈。

其實如果只靠學校名就拿到工作根本就唔駛面試,而面試係好主觀同睇運氣,人生都係。

Rank: 3Rank: 3


197
發表於 19-1-9 16:11 |顯示全部帖子
回覆 超能爸爸 的帖子

thx for sharing :)

Rank: 3Rank: 3


197
發表於 19-1-9 16:12 |顯示全部帖子
回覆 超能爸爸 的帖子

加多句其實Kong u 個dept..一點都不差...
你需要登錄後才可以回帖 登錄 | 註冊