小學專科補習應在平日功輔班之後

Cookingcow

如果專科補習或呈分試班在平日功輔班之後進行，仔女難以吸收。

而如果在星期六日進行，又怕唔夠時間！

LT1116

咁忙? 一定要學咁多野上咁多堂?

kayi0556

搵個有經驗的補習老師上門， 一個星期先補一堂， 再問下老師， 睇下有冇需要加堂

呈分試請私補穩陣d

Elenalan

已經返左成日學，功輔班都起碼2個鐘，之後仲專補!? 收手啦，放過個細路!

little_yolky

IloveJJ 發表於 19-1-3 00:17
又功輔，又專補，真係咁唔掂 俾我會轉校，去間淺啲既。

唔好咁講, 功輔班可能係因為屋企無工人, 要合乎法例要求而已。

little_yolky

Cookingcow 發表於 19-1-2 18:48
如果專科補習或呈分試班在平日功輔班之後進行，仔女難以吸收。

而如果在星期六日進行，又怕唔夠時間！

小朋友專注力如何? 因為上咗一日堂又幾個鐘功輔班, 都十分攰, 好難再專注吸收。專科班先係重點。佢係咪學校無功課堂或小朋友好難專注自己做晒功課? 如果係小朋友既問題, 咁不如將專科補習放星期五放學及星期六, 星期五就停功輔班, 而專科班只專補唔掂既科, 或想上一層樓既科吧。如果小朋友可以自己完成功課, 最理想係停功輔班, 一三五上專科班。

little_yolky

IloveJJ 發表於 19-1-3 09:45
我識嗰啲如果參加了功輔，就由功輔老師補埋啦！因為功輔係做完功課就溫書，咁就唔會再去專補啦！如果一個 ...

我哋屋企附近D功輔真係功輔架, 似託管班多D, 最多溫埋點書, 其他就唔好諗了, 好多都係屋企無工人姐姐, 所以放學要託响補習社, 補3個鐘都有。所以要睇下小朋友情況, 上功輔都唔一定係自己做唔掂功課既。始終雙職家庭好多, 又唔係人人都請工人。當然, 如果好似你咁講, 小朋友做唔掂功課, 又功輔又專補, 就真係唔多好, 小朋友會越讀越吽架。

little_yolky

IloveJJ 發表於 19-1-3 10:01
我明有好多係要返工所以要去功輔，咁如果係咁，就唔好再去專補囉！細路因為大人要返工，唔請工人，已經每 ...

所以如果個小朋友本身係OK, 咁不如唔去功輔, 一三五補專科, 二四功輔。總之, 重質不重量, 兩個相比較, 一定係專科會好過功輔。

little_yolky

IloveJJ 發表於 19-1-3 10:20
但如果係你講嗰啲無人湊，又邊可以去專補呢？專補要自己帶架嘛！

乜唔係有D補習社又有功輔又有專補? 俾錢啫, 補習社唔會介意你去兩個鐘功輔, 過隔離課室專補一個鐘掛。

lulumelody

IloveJJ 發表於 19-1-3 00:17
又功輔，又專補，真係咁唔掂 俾我會轉校，去間淺啲既。

好多名校生都係咁

lulumelody

IloveJJ 發表於 19-1-3 12:33
咪就係唔啱讀名校囉！咁樣個細路會好嗎？

人地進求the best。各人有各人做法，只要小朋友Ok就得。唔好下下把自己個套放在人地到。

lulumelody

IloveJJ 發表於 19-1-3 15:14
所以咪有咁多細路話壓力大囉！明明唔得都要夾硬嚟!

有時最有壓力係自動波D小朋友，壓力係來自父母經常对外show off。