科技發達貧富不均 - 左丁山

planetearth

科技發達貧富不均 - 左丁山
睇到金融時報（12月11日）一段新聞,都幾有趣,就係講以色列高科技產業愈發達,貧富愈發不均,大部份人更加怨氣重.以色列人即是絕大部份係猶太人,猶太人素來頭腦精明,IQ過人,對研究理論及科技,絕對唔會輸蝕,故此以色列處於天氣乾旱,但近沙漠地段居然有農業產品 ,花,出口到歐洲,唔到你唔服.潮流興IT,矽谷稱霸天下喎,以色列有樣學樣,急起直追,吸引大量世界資金投資,當年董特首去視察,返嚟就搞出一個數碼港,時維1998-1999年間.但近二十年來,香港科技產業對GDP有何貢獻呢?左丁山都唔記得.金融時報就話1995年,以色列GDP之中,科技業佔6%,至2017年,呢個比例已經增加一倍至12% 增速可謂驚人.


於是大城市台拉維夫城市面貌有大轉變，新型住宅大樓不斷出現，每單位售價高達一百萬美元或以上，而以色列全國工資平均數係每月2800美元，邊個住得起呢啲新豪宅？咪係IT新貴、科技工程師、新創業成功嘅年輕人囉，呢類人平均月薪係一萬美元，比普通人多三倍半，已成為以色列天之驕子。


不過呢類人始終係人口嘅少數，又因為拆舊樓興建新型豪宅，不少傳統手工藝小店、老店紛紛執笠（呢樣嘢香港見得多），令傳統人士大為不滿，讀文學社會科學嘅畢業生更是失落，一間老舖老闆話形勢比人強，於是趁好價賣掉老舖，攞番一筆供兒子入大學，讀邊科呢？估中冇獎，就係讀工程科目吖嘛，仲去讀歷史文學咩！


投資銀行界從業員收入豐厚，倫敦、紐約更甚，故此紐倫港三地都係財富分佈不均嘅地方，美國矽谷嘅貧富不均更誇張，搞到三藩市居民向接載Google員工返工嘅巴士擲石。香港現在大搞IT科創，隔籬深圳已成為中國最新科技工業城市，經濟動力會帶動香港科創業與深圳合流。科學園現在有一萬二千人返工，將來如果成功，金融加科技會令到香港更加貧富不均，隨時會引發法國式黃背心危機，林鄭特首咁醒目，唔該猛講科創之餘，諗多一步。

shadeslayer

planetearth 發表於 18-12-18 21:40
科技發達貧富不均 - 左丁山
睇到金融時報（12月11日）一段新聞,都幾有趣,就係講以色列高科技產業愈發達,貧 ...

就係讀工程科目吖嘛，仲去讀歷史文學咩！

Xxxxxx

咁功利主義選科，阿左教壞人。

planetearth

shadeslayer 發表於 18-12-19 13:23
就係讀工程科目吖嘛，仲去讀歷史文學咩！

Xxxxxx

你好誤會左左丁山啦
"就係讀工程科目吖嘛，仲去讀歷史文學咩！" 佢系講緊以色列個人現狀
"林鄭特首咁醒目，唔該猛講科創之餘，諗多一步" 佢暗示香港唔好跟人地呀!
我唔識分他是不是講反話.

shadeslayer

planetearth 發表於 18-12-19 14:33
你好誤會左左丁山啦
"就係讀工程科目吖嘛，仲去讀歷史文學咩！" 佢系講緊以色列個人現狀
"林鄭特首咁醒目， ...

暗示嘅嘢，無乜人能肯定。

就算是講述以色列情況，也不是好事。

ANChan59

shadeslayer 發表於 18-12-19 19:46
暗示嘅嘢，無乜人能肯定。

就算是講述以色列情況，也不是好事。

去过以色列几次，参观考察大学及初创公司，跟越多以色列人倾偈，见到保安程度及不同程度的恐怖袭击，我会谅解他们的背后难处。

去一间海法的儿童医院及综合医院，防彈设计，地下停车场随时变身为病房及手术室。可笑的是儿童医院是会接收敌对國家的病童，但以前逃不过飞彈袭击，新儿童医院全幢要防弾设计！

以色列人会斤斤计较，但去到人道救援，他们又好大方。靣对鄰近敌对國家，他们会无償提供水资源及農业的技术，我都愕然，跟电视上的新闻片段不完全一样。

我们身处太平地区，讲就容易！

ANChan59

shadeslayer 發表於 18-12-19 19:46
暗示嘅嘢，無乜人能肯定。

就算是講述以色列情況，也不是好事。

以色列都幾有系統地保留文化，歷史傳承，全面刪除一些學科的機會理應不高，但聽說會整合，部分大學較多集中高新科技，部分較多文史哲方面。

以色列有18％國家預算是給宗教領袖及代表，他們有很大影響力，不會隨便全面刪除！

我都是知少少，大家可以繼續討論！

shadeslayer

ANChan59 發表於 18-12-20 12:08
去过以色列几次，参观考察大学及初创公司，跟越多以色列人倾偈，见到保安程度及不同程度的恐怖袭击，我会 ...

你意思係咪以色列學生因為獨特的社會環境，可以盡情用功利角度來選科？

ANChan59

shadeslayer 發表於 18-12-20 12:43
你意思係咪以色列學生因為獨特的社會環境，可以盡情用功利角度來選科？
...

你未聽過猶太人的手段咩？

你管得太寬了！

Cheeselover

ANChan59 發表於 18-12-20 12:26
以色列都幾有系統地保留文化，歷史傳承，全面刪除一些學科的機會理應不高，但聽說會整合，部分大學較多集 ...

把貧富不均歸咎全力科技發展並不恰當，當中還有政治丶文化丶地理丶歷史和人口結構因素，決不能以偏概全，逐一分析以上各因素非三日兩夜不可。不過當一政府過於集中一門產業時，忽視其它產業發展，而從事該產業的從業人員，肯定受罪，最好的例子便是澳門。
以色列發展科技多少為勢所迫，想想在一塊不毛之地立國，週邊國家都欲去之而後快，不走高科技，以小制勝，怎能立足；此外，猶太人重視民族血性和尊重傳統文化(觀其飲食丶信仰和衣飾)，海外猶太人對國家支持毫不吝嗇(不如中國人口不對心)，亦有不少寧把資金調回國內，總比放在人家地方安全(對德國和俄羅斯存有戒心)。