想知道屯門区那間小學係活動式教學而且又收留班生的？！

Vanvanicy

我個囡現在讀小四，但一直都讀唔上，全科都唔合格，感覺佢其實都冇心機讀書，可能冇一科可以令佢有信心，所以越讀越颓廢咁，我之前已經不斷同佢學校傾，睇吓有冇得留班（重讀），但無奈佢間小學根本冇位比人留班，所以我都不停向其他小学申請轉校重讀，但搞到現在都冇小学收佢，我真係好頭痛又煩惱，其實，我覺得我個囡係適合活動式教学，佢唔可以填鴨式咁灌輸，所以我真係好希望個囡揾到一間合適佢嘅小學，唔想佢繼續自暴自棄咁放棄自己學業，但我又冇門路，又唔識人，想天水圍轉去屯門讀（因為湊阿囡是佢嫲而又住屯门区），又要係活動式教学，這件事真係好令好我困擾！

Missingyou0623

Vanvanicy 發表於 18-12-5 08:16
我個囡現在讀小四，但一直都讀唔上，全科都唔合格，感覺佢其實都冇心機讀書，可能冇一科可以令佢有信心，所 ...

其實一般學校考插班，就算考低一年級，都要考試，主要都係睇成績收。一啲收生不足嘅寶校可能或者機會大啲，有啲無咁熱門嘅學校可能反而唔會只著重小朋友成績，會有愛心對小朋友。
另外如果負擔得到，私校自然小學都係好關愛小朋友，又唔會一味谷成績。

Vanvanicy

Missingyou0623 發表於 18-12-6 04:49
其實一般學校考插班，就算考低一年級，都要考試，主要都係睇成績收。一啲收生不足嘅寶校可能或者機會大啲 ...

請問屯門区有邊間小学係比較不熱門？我真係唔知道，因為我住元朗(emoji)

Missingyou0623

Vanvanicy 發表於 18-12-6 14:58
請問屯門区有邊間小学係比較不熱門？我真係唔知道，因為我住元朗(emoji)
...

我都唔熟屯門小學，但喺BK見過呢個post你可以參考下:

https://www.baby-kingdom.com/forum.php?mod=viewthread&tid=22103931

Vanvanicy

Missingyou0623 發表於 18-12-6 15:58
我都唔熟屯門小學，但喺BK見過呢個post你可以參考下:

https://www.baby-kingdom.com/forum.php?mod=viewt ...

你條link開唔到咼！？

Missingyou0623

Vanvanicy 發表於 18-12-6 16:00
你條link開唔到咼！？

我都唔知點解，可以因為用app。你試下去BK 屯門區媽媽會搵一個topic係 "屯門二線小學"嘅post 吖，近期㗎咋

順子

Vanvanicy 發表於 18-12-5 08:16
我個囡現在讀小四，但一直都讀唔上，全科都唔合格，感覺佢其實都冇心機讀書，可能冇一科可以令佢有信心，所 ...

樓主, 恕我直言,我認為應先找出你囡成績差既原因, 如: 學校太谷? 屋企無人跟到小朋友功課? 小朋友會否有ADHD等等...因為好多人口中的寶校, 只不過是大陸人多, 所以香港家長抗拒入讀而已。要留意, 大陸批家長都好谷架! 入到去, 如無大人跟小孩功課的話, 除非小朋友資質不錯, 否則都未必有亮麗成績。

個人認為你個case, 二線學校應該機會好微, 依家二線都好谷的。你可以選擇仁德(屯門碼頭, 對天水圍人而言, 可能較遠), 一係台山小學, 唔介意南亞人多, 都仲有間EC既...都是出名關愛, 希望可以幫到你。