以後不參加校際朗誦節

piyohk

平常心，有的就當作bonus ，冇的話，就算作努力過，孩子也學到新的事情

piyohk

你的賽果都唔算驚典。同學家長說，他孩子那㘯的冠軍，冇語調又讀錯音，評判派錦旗時，問冠軍是那間學校，冠軍即時啞口，而冠軍爸爸即時衝前代答：孩子不懂普通話的！

正期待冠軍學校(名校）會update achievements ，看看誰是冠軍

LeeCC

Wonderlady 發表於 18-12-4 16:18
不過亦有可能，亞季軍的確不夠冠軍精彩，雖然冠軍有失誤，仍然可以是最高分
...

表演項目的比賽得獎未必一定無失誤，分享下一些經驗

仔曾經在鋼琴校際，佢第一句就彈錯一個音，我都打定輸數啦，但跟住佢又發揮得好好，結果得第三名，當日第二第三名都有失誤，當宣佈第二名第三名時，有家長反應好大，話彈錯音都有獎?  評判講解時都講得獎的都有共通點就係能夠表現到首歌的氣氛，雖然個別的參賽者有少許失誤，但不影響整體，所以有獎，評判話表演是要感動觀眾，人不是機器，只要流暢不影響整體，都可以接受。

不停在台下發牢騷的那位家長的女兒，剛剛排在仔前面，所以我好有印象，不錯佢彈得好穩陣而且無錯，不過首歌彈得好悶。

又另一次校際，有個參賽者全首歌都非常好，但最後一粒音彈錯了，全場都低聲叫哎呀，覺得唔抵呀，個中學生下台哭了起來，但結果佢得第一，評判話因為佢系全場50多人中唯一在某一段做到一個極重要的音色，雖然最後有一個小失誤，但都值得最高分。
但又另一次校際，仔又係有失誤，得79分，評判講解時，好嚴肅的講一個音都不可以錯，就算彈得幾好都唔會有merit，仲話有幾個的78，79的就系這個原因，收到分紙，寫佢有失誤，但同時又大讚佢做到佢講解時所講的只有少數人做到的地方。
這次仔系有因為分數低有唔開心，但我覺得這是一個學習的經驗。老師也說，每個評判準則都不同，所以要裝備自己，唔好以為次次可以過骨。

迷你人

我自己看了好多場，不過多有時三甲都係大致係大約係某一D人！
好多時係小朋友無咩野，只係家長輸唔起

haihaimom

迷你人 發表於 18-12-24 06:13
我自己看了好多場，不過多有時三甲都係大致係大約係某一D人！
好多時係小朋友無咩野，只係家長輸唔起:nonon ...

其實學生係咪投入，有冇passion,同評判有冇connection，喺呢的art performance 相當重要。感情唔係扮出黎，不過好多家長唔明。好似我仔真係上網去search嗰篇選材既背景，做埋資料搜集先去演繹，雖然佢有字發音唔凖，但評判就讃佢可以帶聽眾走入去。