TSL & HKUGA

buzz1234

身邊有小朋友係hkugaps 讀初小，所謂happy school其實都要付出。該小朋友及身邊的同學都有不同程度的補習。如英文，正如樓上所說，冇正式grammar 練習，唔會有tenses 的練習，只會係project 中學過就當你識。。。

在港同，好多人都要外補是事實。

LinusYip

buzz1234 發表於 19-2-28 03:17
身邊有小朋友係hkugaps 讀初小，所謂happy school其實都要付出。該小朋友及身邊的同學都有不同程度的補習。 ...

我小女讀港小初小
成績都算ok
（港小冇名次，但每科都有科奬（全班第一）同全級頭十都有奬）
叫做兩類奬都攞下

但佢除左每星期外補英文一小時外都冇其他學術性補習，身邊同學亦好多都冇外補，反而非學術就好多（我女都有）,例如音樂、運動、跳舞等，真係冇乜人冇去玩呢啲

而係學校學習，雖然happy但又唔係輕鬆，譬如英文係有學tense同phonics,不過唔算教得好深
中文會深啲，數學普通，但高小開始深

當然，讀港小如果家長/小朋友係比較hea,係可以好hea...

sweetbaby9999

73662710 發表於 19-2-22 21:48
TSL 會唔會大多數人英文都超好？可唔可以考到好的名次好視乎中文成績？

我女女係TSL 讀左6 年，今年升中，如果唔想煩就去港同，但如果係除左港同有更多選擇就去TSL, 今年同學，非常叻嗰班，其實p5 已經去左其他神校如DGS ，今年亦有一批好叻人去左DBS St. Paul ， 去協恩德望都有，而tsl 同學特性英文非常好，加上同學課外活動好強，而我女女個case 係入左英基一家學校，見校長時有讃女女英文creative writing 寫得好，女女係TSl 咁多年，佢過得好開心，又campus tv , 又參加好多課外活動包括學做一個YouTuber 剪片，又上過扭汽球，整公仔有好多sport  ...太多 ，多到上唔到咁多，老師非常用心教同學，tsl 同學非常活潑，老師會在班中煮pancake popcorn大家分享 , 英文方面，課程設計好好

haihaimom

回覆 buzz1234 的帖子

補習唔係港同獨有,喺香港嘅中產家庭好普遍,特別係父母都要上班嘅家庭。我就見到身邊朋友(乜學校都有)叻有叻嘅補,唔叻又唔叻嘅補。覺得學校語境唔夠,就搵net補oral。中英文都9x分,數8x分,就補數。港同英文的確少grammar 練習,但唔係冇,全年有兩本練習交替做。港同英文功課的確比較少,因為想你多啲時間睇書。練習做多了英文高分等於英文好係假象,大家去初中教育睇一睇就明白。啲家長就係講緊孩子小學時英文高分(冇睇書習慣),轉英中後,課本變英文書,查字典查到叫救命,有啲查咗字典都睇唔明,相反有睇書習慣嘅學生就輕易適應。我仔剛升中一,佢平時睇開嘅閒書深過課本好多,所以完全冇適應問題。

artroboy

港同係的確比坊間學校少操練grammar, 但DSE 英文成績十分不俗，正是證明咗英文不是死操文法才是皇道。過份執著文法於起頭，反而嚇親小朋友學語言既興趣。

特別係我以前每次同個native 英文老師講要練多d grammar 方面， 佢都皺眉頭，更指出學校英文老師文章內亦有不通順的句子。

P.s. 我仔本身讀傳統小學，但個native 英文老師有做開港同， SPCC、 SPC  學生補習, 佢比較給我的評價。

Diversifyedu

回覆 buzz1234 的帖子

其實何謂happy school? 唔付出就學得識? 以我所了解HKUGA係活動教學, 只不過課程上著重討論同實踐, 少抄寫背誦, 唔係唔使努力學習付出喎.

hippoo

assado

小學吾同幼稚園, 係冇 happy school , 上堂要讀書學習, 家裏都要溫書, 唔好幻想啦!  

Charlotte_mom

我同意樓上講
港小生有「補習」，正常啊，中產家庭有閒錢就正常學呢樣學果樣架啦
淨係英文，oral, comprehension, creative writing, grammar, listening, 邊有「學得晒」，有閒錢自然想學好d
這個同「要補習黎跟上學校進度」係兩件事，個別學生跟唔上進度，例如我女數學差，就真係要補，但唔係因為學校教得深教得快，而令學生家長騰晒雞唔補唔得呀。港小數學係跟坊間數學書嘅正常進度，拔尖班就多d挑戰題咁解

hohoho888

Charlotte_mom 發表於 19-2-28 10:43
我同意樓上講
港小生有「補習」，正常啊，中產家庭有閒錢就正常學呢樣學果樣架啦
淨係英文，oral, comprehe ...

係呀

其實外補好正常, 我女而家是K, 見佢學校既野難唔到佢都去外補,
就係覺得都識了不如去再學多D, 我諗家長都係咁啦, 得一想二
唔同以前, 以前家長覺得校內成績OK 就算...

haihaimom

Diversifyedu 發表於 19-2-28 10:28
回覆 buzz1234 的帖子

其實何謂happy school? 唔付出就學得識? 以我所了解HKUGA係活動教學, 只不過課程上 ...

本帖最後由 haihaimom 於 19-2-28 11:11 編輯

同意，愉快學習重點在學習，只是通過較愉快嘅方法去達至學習成效，例如透過閲讀學英文應該比透過做練習學英文會有趣啲，但我都有聽過有啲人真係好討厭睇書。我又以我仔做例子，小六冇畢業試，改交 graduation project,學生自己揀用中文或英文做，我仔用英文做，上網搵資料，睇YouTube,去圖書館借書搵資料（成人圖書館）借咗兩本英文書（成寸厚）睇晒做project（我大學時先係噤做）,我絕對覺得佢學到嘅知識同技巧比畢業考試多。試問嗰啲書都睇得明，中一嘅textbook又點會覺得困難。我仔英文喺班上只算中上。大把人好過佢。

haihaimom

haihaimom 發表於 19-2-28 10:50
本帖最後由 haihaimom 於 19-2-28 11:23 編輯

本帖最後由 haihaimom 於 19-2-28 11:11 編輯

所以我覺得對小學生黎講，學習過程比結果重要，究竟家長想孩子透過什麼方法去學習，死記硬背？定消化運用？個學習方法係咪可以令孩子終生受用？學習如何去學習係非常重要，有時唔應該太看重分數，小學生啲分數有時未必好反映成效同真正能力，當然如果要升中考學校又冇辦法唔重視分數。

蚊蚊PIG

兩間水平相若，如果地區唔係concern, 有中學連繫對升中有保障，唔駛為升中谷成績，可以在無壓力之下學習。

buzz1234

大家誤會了，我都十分認同愉快學習。而我的小朋友都在愉快學校的學校就讀。我提出上面的意見，係想講，唔係每個家庭的父母都可以”負擔”愉快學習的。愉快學習，在學校真的十分愉快，所以回家，家長要幫手跟。

小一二冇FA，中英作文都簡單，上小三後，家長們叫晒救命，出去外補。亦因爲愉快學習，不主張操練，結果係計數慢d，寫字又好多唔識。其實冇問題，父母幫手跟或請外援就可以解決了。其實條條大路通羅馬，真心覺得沒有最好的學校，只有最適合的學校。身邊有朋友讀傳統女校，女兒十分喜歡做補充練習，主動話要做。咁呢d小朋友可能真係適合傳統的學校。

sailormercury

如果有信心小朋友會屬於 TSL  "好叻果啲"就揀 TSL 。如果未能在tsl 爭取到上游（因為個個都朝著同一目標要往上游），要有心理準備升中可能升去比港同差的中學。睇下tsl 升中資料就知。

ddtt347

TSL咁多fans還有一個原因係「物美價廉」，呢點港同亦是。地點不是問題的話，當然揀「物美價廉」外加有直升中學，更加「超值」！

LedTV

港同

可惜太遠，如果唔係我都揀佢
好鍾意佢間中學

Tsl 都好，但係唔可以懶...因為唔係一條龍
唔想再玩考學校遊戲
我會揀一條龍

qwe2132007

回覆 haihaimom 的帖子

very well said!

laust

mimi1102 發表於 19-2-27 11:49
其實以港同12年直升龍校嚟講, 學生質素距離大, 係意料中事. 最初我以為淨係港同係咁, 後來同其他有仔/女讀b ...

請問例如邊方面既特異功能？

mimi1102

laust 發表於 19-5-5 09:34
請問例如邊方面既特異功能？

以我所知有田徑方面的.