一人一信致教育局局長, 嚴厲打擊用非自住地址申請大抽獎

Vanadium

Soundervolt 發表於 18-12-15 15:08
冇資源去裝備嘅人機會只有愈來愈少

裝備要咩資源，考間學校要咩裝備? 大量興趣班、補習班?

無論由小學校長、或我個人親戚朋友經驗，都講果啲用錢買返黎既portfolio，係考小學上係無咩用。

就算一個攞綜援既家庭，可否有一個特別聰明伶俐既小朋友? 帶子女去圖館借書睇書使唔使錢? 細細個講故事、教子女禮貌、待人接物、生活態度要用錢? 教佢地簡單中文及數學，要好高學歷父母先做到? 去公園玩、比小朋友羣體合作，又要幾多錢?

我見公立圖書館好多父母同仔女長駐一齊睇書，我覺得呢幅圖畫非常美麗，但係唔使家庭使錢。

我就好有信心，只要父母係正常關心同教養兒女，唔使催谷，即使面試，已好多二線甚至一線學校唔介意收。

若子女教養唔好就咁快推落去無資源裝備，好容易忽略做父母本身係咪做得唔夠好，事實上，如神校St Paul Co Ed，都有學生係黎自好基層既平民。

Vanadium

Soundervolt 發表於 18-12-15 15:08
呢個「超前教育」正正喺考學校搞出嚟！如果全部學校都係考，咁更加全民都會迫於無奈去參與呢個惡性競爭

當你再次咁firm講呢個結論時，我就諗有咩証據會令你咁 firm。

我咁問，就因為我認識既社會，唔似係你咁講。

大學全部都要考，咁係咪公開試全民都會好努力讀書? 相反我見唔返學、勁hea讀既都好多。

財富與成就大都要好努力先擁有，咁係咪因為咁全民都好努力咁工作同學習? 相反我見現今好多宅男宅女食父母。

如果學校大部份學位係面試考入，就突然會全民都谷?

幼稚園、中學(30%面試收生)、大學、工作，都係要面試或用實力考，全部都未見全民都谷，反而只要正常、恰當付出既大都搵到幾好，當然要入神校、神科，搵到神工既，難免會多啲壓力。

Soundervolt

Vanadium 發表於 18-12-15 16:54
裝備要咩資源，考間學校要咩裝備? 大量興趣班、補習班?

無論由小學校長、或我個人親戚朋友經驗，都講果啲 ...

「無論由小學校長、或我個人親戚朋友經驗，都講果啲用錢買返黎既portfolio，係考小學上係無咩用。」

呢個唔係有冇用嘅問題，係信唔信嘅問題，點解市場愈來愈呢類乜班物班，什麼盾什麼獎？就係因為家長只相信用呢尐方法去裝備自己子女，如果冇demand就唔會有supply，正如你所講呢尐方法冇用，所以小朋友喺冇選擇之下接受「多餘嘅超前教育」嘅受害者。

Soundervolt

Vanadium 發表於 18-12-15 17:13
當你再次咁firm講呢個結論時，我就諗有咩証據會令你咁 firm。

我咁問，就因為我認識既社會，唔似係你咁講 ...

升中、升大學、出呢工作又點同升小？升中起碼已經受過六年小學教育，能力已經喺六年當中得到肯定，用成績去區分唔同能力嘅學生可以集中資源去教育～幼稚園係學前教育，而且大部分受歡迎嘅幼稚園都係私校，自負盈虧有佢地嘅自己嘅選擇，所以我之前有講，要揀學生嚟教，應該轉為私校～

simpson.chan

asukav6 發表於 18-12-15 14:00
本帖最後由 asukav6 於 18-12-15 14:04 編輯

咸魚青菜各有所好，當然要考神校催谷係少不免，個Ｄ家長由 ...

2/3歲人仔無得谷，比較上只係識唔識自己行，有無扭計，識唔識出聲，怕唔怕生等等生理反應為主，最多睇埋之前上咩playgroup, 有無初步群體經驗，認唔認得字母等等。 而1歲未到已經開始上playgroup就係惡性競爭之產物。

但5/6歳可以考深好多，唔多講了。

除非性格突出，或家庭教育做得好，否則係人人預先準備好既情況下，happy school都未必輪到無凖備既小朋友，因為面試始終都要分高下。

asukav6

simpson.chan 發表於 18-12-15 17:28
2/3歲人仔無得谷，比較上只係識唔識自己行，有無扭計，識唔識出聲，怕唔怕生等等生理反應為主，最多睇埋之 ...

似乎大家assume左面試係分高低，點解唔可以係學生家長學校互相了解的過程呢，k3學生識幾多野，面試根本主要係學校要了解家長有幾重視仔女學習，你揀人時人揀你，而家大抽獎都冇得揀，一係谷到行考神校，一係就寶校，想入中游個Ｄ就要靠運，咁死得啦

simpson.chan

asukav6 發表於 18-12-15 17:39
似乎大家assume左面試係分高低，點解唔可以係學生家長學校互相了解的過程呢，k3學生識幾多野，面試根本主 ...

唔係assume, 而係事實上面試只有取錄/ 備取/ 拒絕 三個結果。 你係老師，好有愛，都係排priority。 咁點先公平？客觀標準： 學術 / 記憶/ 表達等等？  

如果以家長重唔重視子女去排，個個都會話重視，咁點排？秤秤下又會考慮埋家長背景等主觀/ stereotype因素。

所以面試要有量化客觀標準去排priority, 「愛」「重視」太主觀了，作為考慮一部分尚可，但排不了取錄先後。