用戶登入
用戶名稱:
密      碼:
搜索
教育王國 討論區 幼教雜談 【幼稚園面試謎思】細B就唔可以讀名幼、神幼!? ...
發新帖
查看: 4216|回覆: 5
go

【幼稚園面試謎思】細B就唔可以讀名幼、神幼!?

Rank: 14Rank: 14Rank: 14Rank: 14


1419
發表於 18-11-21 16:11 |顯示全部帖子




作者:鯊魚太與寶

自從開始幫阿仔準備K1面試,真係每日都學識好多嘢。首先成日聽人講細B、細B,呢刻終於感受到咩叫細B輸蝕啲。先唔好講能力,就淨係講報名,PN班有啲學校唔收細B表都明白,始終叻唔叻都好,學額緊張嘅學校無理由收少幾個月學費等你,為免浪費大家時間,唔收都好合理。



但去到K1,其實所有小朋友都可以正常入學,教育本身唔係有教無類咩?點解年尾出世就連面試機會都無,強迫人做大B,當然你可以話唔鐘意咪唔好讀囉,但依家我就係鐘意讀唔到,又當然玩遊戲要跟遊戲規則,但有時都會唔開心,會諗係咪自己生小朋友唔夠計劃,係咪細B就唔可以讀名幼、神幼?


講到呢度......其實你又發現都唔係嘅間間名幼、神幼唔預你玩,面試一切都係睇小朋友表現同能力(另外,睇家長、背景!?),不過要同超大B、大B爭,實際差成年,喺呢個一日已經由講單字變成講短句嘅階段,真係極級緊張,精神狀態完完全全放鬆唔到,絕對可以秒成焦慮症;講到面試表現(終於講到...),其實依家啲小朋友10個差不多9.5個有返開Playgroup或者學前班,以我觀察,同之前睇forum同面試攻略報道好唔同,實際真係無乜小朋友會失控同大喊,個個都乖乖豬、坐定定,就算怕羞唔講嘢都有眼神接觸,講到做task,就更加係厲害啦,睇forum真係個個小朋友都做到...


而去到最謎思嘅係......其實無人知學校收生標準,做唔到、唔講嘢而被錄取大有人在,完全同買六合彩一樣,睇老師心情、睇見果個老師點諗,經歷咗仿似3年零8個月之後,原來最後都係佛系心態就可以......


呢刻只係希望唔使食全餐,全部waiting要寫求位信,將呢份忐忑延長到6、7、8、9月啦!


即到親子語睇更多育兒/教育資訊。

Rank: 4


910
發表於 18-12-21 00:26 |顯示全部帖子

回覆樓主:

本帖最後由 sumpo 於 18-12-21 00:27 編輯

細b某程度上係會比大b可能輸蝕少少,當然也有叻嘅細b, 我小朋友係細b, 唔係讀名幼, 遇著冇耐性老師, 根本唔會慢教佢,體諒佢, 反而係標籤佢各樣那樣跟唔上,可況名幼, 佢地唔會比細b 拉低左, 索性唔收, 其實仲好 , 好過學校收, 但比老師標籤, 嚴棄, 幼稚園老師都只係為份糧打工, 真係個個咁有愛心, 同耐性咩, 如果係, 就唔會成日嚴啲家長多要求, 問心邊份工唔辛苦……點解佢地可以咁講……

Rank: 5Rank: 5


1483
發表於 18-12-24 10:10 |顯示全部帖子
事實細b 尤其超細b 係照顧上係需要多點,明白有d學校不喜歡收細b有原因,當然吾代表細b 能力差只係時間上問題d 學校吾會等你,為有一係轉大b,一係㨂其他點都會搵到間適合

Rank: 4


992
發表於 19-1-4 10:12 |顯示全部帖子
sumpo 發表於 18-12-21 00:26
細b某程度上係會比大b可能輸蝕少少,當然也有叻嘅細b, 我小朋友係細b, 唔係讀名幼, 遇著冇耐性老師, 根本 ...

邊間學校個老師咁無愛心?

Rank: 4


910
發表於 19-1-7 23:20 |顯示全部帖子
sibylyau 發表於 18-12-24 10:10
事實細b 尤其超細b 係照顧上係需要多點,明白有d學校不喜歡收細b有原因,當然吾代表細b 能力差只係時間上問 ...

我明白學校冇咁多時間等細b,我唔係話要就要等所為嘅細b, 只係希望該老師唔好一開始就label左佢做細b黎教囉,根本冇耐性冇愛心

Rank: 4


910
發表於 19-1-7 23:21 |顯示全部帖子
fibe0313 發表於 19-1-4 10:12
邊間學校個老師咁無愛心?

鴨脷洲嘅