學之園K1面試

Krislee1509

其實面試好睇彩數，我個女面試民生，個老師冇經驗，冇笑容，我個女唔鍾意個老師，跟住咩都唔肯講。反而佢面試紅磡學之園個老師有經驗，佢肯做到八成以上嘅tasks. 所以面試真係緣份遊戲。

Semibb

Krislee1509 發表於 18-11-19 18:39
其實面試好睇彩數，我個女面試民生，個老師冇經驗，冇笑容，我個女唔鍾意個老師，跟住咩都唔肯講。反而佢面 ...

同意 ！真的是緣份遊戲！
我B係超細B，無望(emoji)

janice_bao

JaneJL 發表於 18-11-19 16:46
回覆 JaneJL 的帖子

我係去紅磡IN

我今日都in 完紅磡 校舍好靚
但等待時間長 又唔俾小朋友玩滑梯 要呆呆甘坐係度等
老師大多又面黑黑 感覺一般般

Krislee1509

我星期六in 紅磡好彩，完全唔洗等，45 分鐘內完成，老師又ok

Krislee1509

不過收得咁少人，機會好低

shelling

其實總共收幾多人？

ppkid

仔仔見紅磡，老師有hi 5同引導他作答
可能後生老師好少少，幾nice
可惜仔仔被牆上keyboard，計算機吸引了，無心機答同睇書
加上不可以玩slide，但每次轉房都會經過
算一個耐性大考驗

kriskris55

Ching0404 發表於 18-11-19 09:36
我都覺得有少少難，圖中有兩男一女。老師形容女仔著咩色衫。 叫xxx 。叫小朋友指出黎。之後形容男仔，叫xxx ...

Same here! 我囡岩岩2yrs ，聽到問返個女仔咩名，我果刻O 咀(emoji)(emoji)

racoy

我覺得老師黑面同nice 講彩數，每間學校都有
佢考咁深就係揀識個d,唔會去諗小朋友幾歲，只揀佢認為對的人
同埋學之園真係考得好details（最多關既一間）考英文能力、中文認知同玩玩具，真係重重難關，平常心算

pigpigchun

racoy 發表於 18-11-19 22:56
我覺得老師黑面同nice 講彩數，每間學校都有
佢考咁深就係揀識個d,唔會去諗小朋友幾歲，只揀佢認為對的人
...

我今日同大仔in完、已經覺得大部份老師對於去面試嘅小朋友、都係零愛心

第一面試環節,姓林嘅老師係用原子筆敲本書上嘅圖案、而唔係用手指問我個仔係咩、呢個行為我超反感！
之後老師都用命令式叫大仔去揭下一頁、問多兩頁、我已經將個注意力、由阿仔識唔識答問題、轉到去老師身上

去到第二間房、我已經由大仔自由發揮、全程留意老師嘅行逕！我發現、老師跟本只留意小朋友有無做佢哋嘅指令、唔會考慮小朋友嘅心理如怕唔怕

想比起其他幼稚園、我對呢間嘅老師、係用反感嚟形容

（個人感受、純粹分享、不喜勿插）

Chchingpig

pigpigchun 發表於 18-11-19 23:21
我今日同大仔in完、已經覺得大部份老師對於去面試嘅小朋友、都係零愛心

第一面試環節,姓林嘅老師係用原子 ...

我十分認同呀
D老師mark分個樣....我見唔到老師有笑容
我去KV, KM見既老師好nice
LH去完interview 減左好多分

apple11

maggie196 發表於 18-11-18 20:41
有人又話LH課程好深，我以為好谷啦，但你又話LH以玩為主好輕鬆，咁究竟LH係谷定係happy school？
...

LH課程唔算淺，但老師教得好，小朋友邊玩邊學吾會有壓力。谷一向都係家長，吾係學校，以我所知，SC K2已經要默書，LH K3先有。

celialeungcelia

pigpigchun 發表於 18-11-19 23:21
我今日同大仔in完、已經覺得大部份老師對於去面試嘅小朋友、都係零愛心

第一面試環節,姓林嘅老師係用原子 ...

我完全認同你呀。3 part考試d老師都係0愛心。勁反感

ho_yan2406

in學校其實都係俾個機會家長去認識間學校睇下岩唔岩你心水,同意都係睇緣份~

我仔當年反而係in SC安排差(落大雨在校外排長龍,入到去一直都係排隊),老師又黑面
LH教既野係深但唔谷,小朋友非常喜歡學校,家長用學校教材,每晚溫D都已OK(所學既野,如讀津校,到小二都夠用),當然要求高既會再出去外補~
所有talk我都冇去過,因為在平日晚上(要湊2個小朋友)
星期六免費的啟迪班total得十堂左右,你絕對有權唔上
所有參觀活動都唔洗再俾車費入場費,學費已包晒,茶點書包都已包,所以係超抵讀的~
學校培養小朋友自信,面對人群都唔怕羞

yukijes

celialeungcelia 發表於 18-11-20 01:06
我完全認同你呀。3 part考試d老師都係0愛心。勁反感

我係大角咀in,反而每個老師都好好，我地一入去時仲比小朋友玩滑梯！之後入到去見Net老師就問我女圖中邊個係男，邊個係女，不過我女唔識答，而老師都用幾種方式去問，又會閒聊，感覺輕鬆！到另一part玩supermarket 遊戲時會叫小朋友聽指令放食物，有其中一位小朋友唔想做，個老師仲用左幾個方法去引導佢嘗試！感覺上佢地好公平而且唔會因爲小朋友係陌生環境下既反常表現而唔比機會佢地，呢一點我係對學之園有好大改觀，到之後既問卷時間都係三條問題，我大約用左15分鐘寫完就等叫名，副校傾左兩句咁就完成了，仲有禮物！整體45分鐘內，有其中10分鐘仲係去左玩滑梯！整體感覺良好！

yukijes

yukijes 發表於 18-11-20 01:43
我係大角咀in,反而每個老師都好好，我地一入去時仲比小朋友玩滑梯！之後入到去見Net老師就問我女圖中邊個 ...

我都係in完就平常心，唔諗入唔入到啦，都係見識下！

ho_yan2406

琪琪郡主 發表於 18-11-18 08:35
LH既名唔係來自師資，
interview同校址已經隔過晒啲小朋友
揀晒啲乖巧小朋友，老師係點又有咩所謂

LH絕對係睇面試表現多過睇父母背景
我同老公都冇讀過大學,中學係而家既b2,3學校,小學係一間已經差不多變成寶校,一間執左
職業係小小sales一名,地址唔係私校係居屋

但2個小朋友interview時確實表現好好

ho_yan2406

yukijes 發表於 18-11-20 01:43
我係大角咀in,反而每個老師都好好，我地一入去時仲比小朋友玩滑梯！之後入到去見Net老師就問我女圖中邊個 ...

其實LH安排已好流暢,至少唔洗你o係出面排半個鍾,一入去俾小朋友熱下身就開始in,完左一間room就去另一間....

ho_yan2406

另外學校上堂會影相,俾家長免費download,我知有間學校download相都要俾錢,唔俾唔影你小朋友

edmond117

pigpigchun 發表於 18-11-19 23:21
我今日同大仔in完、已經覺得大部份老師對於去面試嘅小朋友、都係零愛心

第一面試環節,姓林嘅老師係用原子 ...

但我今帶女女去大角咀分校面試，幫阿女單對單做面試時都有相同情況，老師都有用支筆指住書入面的內容來問阿女問題，同埋一開始時老師在問有關圖卡上的物品也都用筆指住問，其實反而對於阿女仲清晰啦！而且我感覺良好，唔覺有咩問題，而且老師叫你看書，當然看完一頁就叫看下一頁，其實好正常，唔好有太多個人感受加入，只係一個面試，唔好放在心。平常心面對，我地一齊加油!