請羅列邊間小學英文語境好

hkpapa852

星星的後裔 發表於 18-11-24 14:29
請恕我無知， 我以為5或5+ 是以前C以上，名校及地區一線會有5+ 40%以上。

DSE 5+係等同咩水平呢? 真係好難講, 不如睇吓歷年DSE全港日校學生, 有幾多人可以攞到5+:

	2012	2013	2014	2015	2016	2017	2018
英文5+	7.7%	9.6%	9.9%	8.8%	10.3%	10.1%	9.0%

自己去評估吓, 幾多%叫高.

anfisonbb

回覆 hkpapa852 的帖子

啲神校有幾多% Eng5+?

hkpapa852

anfisonbb 發表於 18-11-26 10:31
回覆 hkpapa852 的帖子

啲神校有幾多% Eng5+?

過去7屆DSE中, 當中有至少3年既Eng 5+達50%或以上既中學, 全港不多於20間

hkpapa852

anfisonbb 發表於 18-11-26 10:31
回覆 hkpapa852 的帖子

啲神校有幾多% Eng5+?

如果大家對5+係咩水平都未有概念, 再俾D數字大家去評估吓:

2018年部份中學學生取得英文科5+比例:

中學	Eng 5+ %
QES	37%
YWC	22.40%
民生	32.70%
華英	36%
保一	19.10%
聖傑靈	9.30%
聖言	~18%
林護	38.10%
荃官	35.50%
沙呂	24.50%
鄧顯	29.50%
優才	29.30%

hkpapa852

anfisonbb 發表於 18-11-15 14:40
包括官津,直資,私校. 謝謝賜教!!

不如問問自己, 點解要搵間"英文語境好"既學校?

好多人話英文叻, 日後工作會好D...... 其實, 係咪一定呢?

近年大學被喻為神科既醫科, 畢業出嚟, 係咪真係好需要英文能力強呢?

工作上外國人通常只要求同香港人溝通做, 所謂英文唔夠好失去升職機會, 其實咪因為語文能力? 實際行業上既能力? 定係因為種族問題呢? (現實中, 大部份外國人都歧視華人, 同人職位能力相約時, 有得揀佢地寧選菲律賓同印巴裔既人)

areyouangry

hkpapa852 發表於 18-11-26 08:16
邊隻係我愛股？

同問

applebot

hkpapa852 發表於 18-11-26 13:57
不如問問自己, 點解要搵間"英文語境好"既學校?

好多人話英文叻, 日後工作會好D...... 其實, 係咪一定呢?

係香港，只有香港人才會語言歧視香港人嘅啫。

天悅

我心裡經常有個疑問，小朋友係咪真係咁叻，可以同時學習三語，又可以培養到邏輯思維、解難能力？

anfisonbb

本身小學讀中小 中學讀英中 出來做野令我明白一口流利英語好重要 最好冇港式口音添

如果一定要二選一 我寧願要流利好聽口音英語
英文5**固然係亮麗 5或以上其實己經唔錯. 而且兩件事根本冇沖突.

CHP

我有2個大既英小名校，成績很好，上了名英中，名列前茅，只有中文科差不多倒數十名內。飽受自己給自己的壓力之後，轉去了國際學校。我第三位小朋友去了地區名津小，學校有愛心，機會很多（學校沒有放棄任何學生），學校英文科程度也可以，可能不及英小的語境，英文科靠自己睇書也可以維持著，各科成績滿意。暫時，我覺得升上英中也沒有大問題，等多幾年看情形。

aprilapril123

hkpapa852 發表於 18-11-26 08:16
邊隻係我愛股？

我都想知

nwchan

anfisonbb 發表於 18-11-28 09:29
本身小學讀中小 中學讀英中 出來做野令我明白一口流利英語好重要 最好冇港式口音添

如果一定要二選一 我寧 ...

贊同

唔理將來係local專業定local公司，之後一定係放眼世界，香港只係一個city. 流利英文對自身presentation and negotiation skill 非常有用。除非呢一世都唔打算做MNC.

我公司上海北京同事已經唔用普通話，而係用英語同香港同事溝通。

RunningPig

hkpapa852 發表於 18-11-26 13:57
不如問問自己, 點解要搵間"英文語境好"既學校?

好多人話英文叻, 日後工作會好D...... 其實, 係咪一定呢?

咁要睇個 target 係咩，有些職業、公司、或社會階層，英文唔好係入唔到的。

南丁媽咪

如果短線啲，讀書只為考DSE升大學，英文只是一科，最緊要達到最低要求之餘，而所有科都可以有好成績(大家都知不會逐個扣英文分，只要你答到講到不牽涉keywords的grammer錯串錯係不會扣分，除非差到一個點改卷睇唔明就冇辦法)。DSE計分不是計科(除非今年有改學制的U),否則認分唔認人唔認學校(話之你來只QC,LS....)

如果你個科要interview，放心，大學好多professor 都係本地人，所以最緊要講到表達到，不過講得流利更能表達，係好事

如果只計考DSE,英文只係一個科目。不過人生不只是為DSE...你懂的

利伸:多年前大學教書幾年，年年有份要in jupas學生

南丁媽咪

上面有人話讀醫英文唔洗好，其實個班學生英文真係比較top同埋真係要好top,袁國勇之前先閙醫生之間討論病程唔用英文係倒退(好多人唔明仲話袁國勇多餘，自己傾計都用英文？)...醫生上手術檯，隨時主力副手聯合國，唔通講普通話。仲有，醫生出paper睇paper,全部要英文

學好普通話，同學好英文冇衝突既。

英文小學不代表成績一定好，
而最重要有好的老師，同時佢英文又好好
其實在香港好難
香港上一代(即係依家班老師)很少人native講英文

你寧願要一個好的數學老師
定要一英文好的老師教數學？

Diversifyedu

南丁媽咪 發表於 18-12-19 07:43
如果短線啲，讀書只為考DSE升大學，英文只是一科，最緊要達到最低要求之餘，而所有科都可以有好成績(大家都 ...

以你所見係咪BAND1中學英文聽講水平比較高? 或者神/名校會特別好?

pekovian

anfisonbb 發表於 18-11-26 10:31
回覆 hkpapa852 的帖子

啲神校有幾多% Eng5+?

我見兩間神校有90%學生英文達5+
其中一間仲要係中文小學，有無人知點解中文小學直上都可以英文成績咁好？

CHP

pekovian 發表於 18-12-19 12:35
本帖最後由 pekovian 於 18-12-19 12:37 編輯

我見兩間神校有90%學生英文達5+

因為DSE 英文科程度不太高，大部分人可以應付，而DSE 中文要求就與日俱增，令合格率維持低水。

CHP

南丁媽咪 發表於 18-12-19 07:45
上面有人話讀醫英文唔洗好，其實個班學生英文真係比較top同埋真係要好top,袁國勇之前先閙醫生之間討論病程 ...

e生一定要英文好，這是一門西方學術。

南丁媽咪

Diversifyedu 發表於 18-12-19 10:15
以你所見係咪BAND1中學英文聽講水平比較高? 或者神/名校會特別好?

老實說，想當年我未有小朋友，完全唔識咩係band 1學校(我只知自己個區的band 1學校）。加上在大學冇人會想知想理佢地來自咩中學。我個人覺得一般做paper不會再睇英文點叻，最重要佢有冇critical thinking，夠唔夠support.見過有人用寫中學式作文style 去寫文....句句都有d phrase 唔查字典都唔知佢想講乜，呢d未必適合出現在academic paper

唯一我好記得，有一年有個同學year 1幾乎所有要考試的科都fail,老細叫我同佢傾下，先知佢來自某男神校。不過佢係上好多莊，成年好忙搞活動....如果佢清楚自己方向，後果，肯負責，咁ok 啦。