用戶登入
用戶名稱:
密      碼:
搜索
教育王國 討論區 小一選校 GH vs 仁立
樓主: vicymama
go

GH vs 仁立  

Rank: 6Rank: 6


5006
發表於 18-11-12 16:38 |顯示全部帖子
作為仁立家長,我建議選GH

點評

chinglong231    發表於 18-11-14 10:52
Lingfung813    發表於 18-11-14 09:07

Rank: 3Rank: 3


246
發表於 18-11-12 18:40 |顯示全部帖子

回覆樓主

讀到書梗係讀邊間都無問題,不過要諗諗升中的問題

選仁立者,也要預升唔到林護咁點,不過這裡的家長都對自己的子女充滿信心,完全無諗過這個問題,似乎覺得入仁立就等於入林護,咁萬一入唔到林護...到時可以去邊間?

選GH者,萬一讀唔上又點,有沒有退路?升中有咩選擇?

兩者邊間搵到好學校機會大?

Rank: 3Rank: 3


437
發表於 18-11-12 23:15 |顯示全部帖子

回覆樓主

肯定 GH, 傳統名校 vs 地區一線, 緊係傳統名校

Rank: 3Rank: 3


224
發表於 18-11-12 23:44 |顯示全部帖子
本帖最後由 loulee 於 18-11-12 23:52 編輯

只能講出2者優缺點,選邊間都係由閣下將優缺點排序,另外建議你問下小朋友想讀邊間多d,始終係佢讀唔係你讀,佢鍾意緊要過你鍾意。
GH: 學費,車費雜費總數比仁立多好多,你近仁立車費可能已經差$800,而且一般直私雜費都多過官津。升中,GH校內競爭大,因為大家程度相若,入到去唔會唔谷,而且升中唔保証,不過你話你近仁立,即係你最後都可以揀返葵青既中學網。仁立都係3-4x個位上林護,比例上同gh上中學部我認為唔差幾多。學習環境係我覺得2間學校最大既分別,始終gh既小朋友揀過,減避左較多近墨者黑既問題,唔係無但一定少左。但係仁立就保証只要你肯跟下,你都一定唔會包底果堆,反正入到去一定有批人墊你底,只係你入唔入到頭果堆就都要靠努力,因為有班讀到書既都專登扣門入去。讀仁立家長比讀GH輕鬆,如果自己教唔點仲有彈藥比錢人教,讀GH就已經入學都洗左一筆,除非彈藥無盡,否則點都會計下係咪一定要用先用。


還有你可以上網搵下兩間學校既校曆表同問下功課量,測考範圍多少,我覺得呢d好重要,一年2測2考同3考分別其實都好大,另外功課量邊間哽d都好緊要,話晒如無意外都讀6年,每日平均多1,2樣都分別好大。

點評

dr.gigiwong    發表於 18-12-1 22:10

Rank: 6Rank: 6


6575
發表於 18-11-13 05:05 |顯示全部帖子

回覆樓主:

本帖最後由 assado 於 18-11-13 05:07 編輯

讀GH 要预小朋友同家長都吾會輕鬆.
我會選仁立, 反正都要家長去跟功課, 起碼近屋企, 又不用交學費。

Rank: 5Rank: 5


1002
發表於 18-11-13 05:48 |顯示全部帖子
本帖最後由 SIS123456 於 18-11-13 06:06 編輯

樓主,建議你跟小朋友商量,看看她較喜歡哪一間!

這裡的回覆有些比較主觀,他們可能對自己學校也未能100%了解,就算我假設他們已了解透徹,但又怎可能好像很熟識其他學校般跟他校作出比較呢?

但在這裏,他們的確如同時為2所學校用家般作出比較!可信性能有多高?!
我奇怪他們不是只道出所知的學校資料,而更將自己所估計的也說得像真的一樣!甚至有些更道聽塗說卻説得入木三分,有一位更用比較極端及奇怪的英文能力作出所謂的比較,有位更提出擔心他日讀唔成書的所謂可能性!太偏頗!很可笑!

恐怕這些一知半解的資料,可能更令你混亂!要小心過濾這些言論!

樓主,我相信你也有原因而比較這2間學校,他人眼中的好學校未必是適合你小朋友的學校,相信自己手上的資料,而與小朋友好好商量吧!

Rank: 5Rank: 5


1568
發表於 18-11-13 08:34 |顯示全部帖子
樓主,作為GH用家,學校收費很公道,除了學費和書簿費每學期2千多,沒有其他收費。因為是英文小學,英文語境較津校好,除了中文科、美術、聖經和普通話,全部用英文教學,連早上assembly、日常通告和活動都用英文溝通,同學們會用英文交談。相信津校不能有這英文語境,我有朋友的小孩,他讀馬鞍山區內一缐小學,因學生能力不同,原本英文科用全英文教學,但見很多學生不明白,要用廣東話講解。確實GH的學生大家學習能力差不多,好像大家會競爭,但學校考試成績不排名次,因此不會產生大家競爭的情況。樓主要考慮不是當前的小學階段,要想想囡囡的人生成長。

Rank: 3Rank: 3


120
發表於 18-11-13 09:08 |顯示全部帖子
仔仔錫錫你 發表於 18-11-12 16:38
作為仁立家長,我建議選GH

一針見血!

Rank: 5Rank: 5

醒目開學勳章


2409
發表於 18-11-13 09:08 |顯示全部帖子
h9459520 發表於 18-11-13 08:34
樓主,作為GH用家,學校收費很公道,除了學費和書簿費每學期2千多,沒有其他收費。因為是英文小學,英文語境 ...

Agree ..如果小朋友鍾意英文教學一定係GH
呢d 仁立都比唔到

Rank: 3Rank: 3


120
發表於 18-11-13 09:11 |顯示全部帖子
vicymama 發表於 18-11-12 09:08
GH英小,英語水平好,硬件學校環境理想,始終在校時間多過屋企,校風純樸,學生普遍有禮(爬文及身邊朋友 ...

既然你自己都有呢個考慮,你都唔想小朋友行返你以前嘅路,咁更加冇理由要揀間津小。

Rank: 3Rank: 3


273
發表於 18-11-13 09:13 |顯示全部帖子
vicymama 發表於 18-11-10 09:18
阿女幸運地考到GH,同時等待自行仁立(地區一綫)。
沒有細佬妹,同老公意見不一,我傾向GH,佢傾向仁立, ...
請問一下樓主,幾多分自行仁立?

Rank: 10Rank: 10Rank: 10


27597
發表於 18-11-13 11:27 |顯示全部帖子
本帖最後由 Lingfung813 於 18-11-13 11:36 編輯

如果我的是女兒,會選GH, 當然要學費不是問題和搬近些(樓主也說過上車時間跟星河明居相近,利申:本人正是住星河), 你要考慮的除了英文課程語境外,GH的體藝,英文辯論和樂團培訓是否仁立也提供到?

好多家長也會說留番學費去外補仲好啦,好啦咁外補,會容易找到合適中心嗎?會找到合適教練老師嗎?最後呢team人能夠練習到比賽或畢業嗎?(我經常見EK家長話教得唔好要轉中心,轉老師…)


仁立我有些保留,畢竟"想當年"出名地區名校現在已今非昔比(自從單雙非和每日150人同胞入住本港後)或者很多高小和初中前輩未感受到。

Rank: 5Rank: 5


2125
發表於 18-11-13 11:42 |顯示全部帖子
本帖最後由 chriskaan 於 18-11-13 11:54 編輯

仁立 , 始終係邨村 , 輕輕操 fit 個女入到精英班做人中之鳳應該唔難  , 升 band 1 無休..!!
GH , 你要肯定個女一定谷得 , 如果涯唔到到時要跳船就搵黎搞...!! 不過 , 如果以GH 個名叩返一線小學應該唔難...!!

再唔係讀住 GH , 如果升中派位唔野想 , 到時再返黎叩返本區 band 1 都可以...!!

Rank: 5Rank: 5


1707
發表於 18-11-13 12:25 |顯示全部帖子

回覆樓主

點解?

Rank: 3Rank: 3


204
發表於 18-11-13 12:36 |顯示全部帖子
areyouangry 發表於 18-11-11 22:10
仁立唔係我果區,我唔識; 德望唔係我果區,我識。  
老實講,彈德望果啲來來去去都係返學早同埋唔係 ...

同意,相信仁立只是葵涌荃灣區人既首選

Rank: 5Rank: 5


1879
發表於 18-11-13 12:55 |顯示全部帖子
樓主,在EK裡, 大多數人都認為GH是很谷的, 功課多, 又要外補等等, 小朋友及家長之間競爭很大.

作為GH家長, 我從來不相信補習可以提升小朋友的學習, 在過去的五年小學生涯, 小女可以說是很HEA (相信有很多EK家長不相信, 但這是我的第一身感受), 相比讀官小的兒子, GH 的功課量, 考測量都少, 加上不排名次, 作為一個懶家長, 我沒有壓力.  

小女每天都有時間做她開心的活動, 如看書, 做小手工, 及看電視.  當然, 我亦知道有很多GH小朋友放學後去各種各樣的補習班及興趣班, 有不少的小朋友小五已考到八級樂器, 真的很叻, 但我選擇讓小女輕輕鬆鬆過這小學生涯.  小女成績相信只是中游, 未知能否上到中學, 但對我來說上德中是其次, 能保住小女開心果的性格才是最重要.  再者, 在學術上, 小女明顯比小兒優勝, 小兒亦是讀地區較出名的官小.

現在六年班了, 才開始感受到功課多的壓力.

Rank: 6Rank: 6


6815
發表於 18-11-13 16:48 |顯示全部帖子
happybibi 發表於 18-11-13 12:55
樓主,在EK裡, 大多數人都認為GH是很谷的, 功課多, 又要外補等等, 小朋友及家長之間競爭很大.

作為GH家長, ...
話谷嗰啲, 好多都係人云亦云, 根本就唔係第一手資料. 作為gh現在嘅家長, 幾年嚟我都仲未感受到個"谷"字. 平日功課 (唔計改正) 基本上唔超過5樣. 比起好多官津都少. 一年兩考, 基本上測過嘅又唔會考返. 每次範圍我覺得都ok. 正如你所講, 考試冇名次(有人覺得呢個係缺點), 家長/學生又少咗啲比較/壓力. 幾年嚟喺唔同嘅班 whatsapp group 上, 都冇人問過/比較過其他人成績 (家長自己私底下有幾"chur"就佢自己嘅事啦). 至於話用啲學費嚟一對一私補英文嘅人, 其實知唔知gh幾錢學費? 一對一私補英文宜家市價係幾錢個鍾?

點評

Lingfung813    發表於 18-11-14 09:08

Rank: 4


536
發表於 18-11-13 17:18 |顯示全部帖子
ok3 發表於 18-11-13 16:48
話谷嗰啲, 好多都係人云亦云, 根本就唔係第一手資料. 作為gh現在嘅家長, 幾年嚟我都仲未感受到個"谷" ...

同意。
係EK講GH,真係浪費時間。

私補起碼400一小時,可能唸住一個月上個十堂就有GH語境卦。

GH用家又好少話好深,好難。
通常覺得深個d都係阿朋友個女,朋友個朋個女,三姨婆大姑媽阿女   


GH用家知道好便夠,放位會好人多謝樓主。

Rank: 5Rank: 5


1364
發表於 18-11-13 17:22 |顯示全部帖子
回覆 ok3 的帖子

阿囡happy school 上GH , 人人都問係咪好辛苦,個個都話出名谷,但真係唔覺,少功課少默書測考,唔排名次.....雖然大班,但真係train 到D女女好自律,做野自動波,在於我角度是很好的。不過普遍個個都底子不錯,如果女女唔會主動學習,做事比較拖拉的應該都會跟得辛苦.另外,GH 語景很好,小朋友間很多用英語交談,我想這是學校文化。
暫時最大爭議的是升中支援及透明度不足,除了這樣作為用家我非常滿意GH ,女女也很喜歡學校

Rank: 5Rank: 5


1672
發表於 18-11-13 18:05 |顯示全部帖子

回覆樓主:

其實樓主倾向GH,上來只想聽GH的好處去說服佢老公。你不如問下你老公點解喜歡仁立,大家溝通下。
你需要登錄後才可以回帖 登錄 | 註冊