求問聖方濟各英文小學家長，你地認為學校好唔好？

Cloudoom

大家好！我是 SFA 用家，小兒也畢業了。看完4頁大家的討論，我想也可補充一些資訊。
大家可以去看一下每年的升中成績，差不多一百名以內的同學，都可以升上 band 一中學。如果家長明白，或了解自己小朋友的能力，不應太過緊張小朋友的成績。
回想小兒就讀 SFA 時，也有參加學校的課外活動，例如機械人電腦課程等，小兒也享受上堂，及課外活動。
SFA 無可否認是一所成績向的學校，但也不是一所只是成績向的小學。小朋友在小學期間打好學術基礎，升上中學後更能適應融入。

Cloudoom

續上：

小兒初中的學校生活，因為學術上能應付，更可以花多時間在自己喜愛的課外活動呢。
其他小學，我不能提供意見，但 SFA 我會極力推薦。

chingchub

孩子入讀sfa兩個月，相信本人意見不能太作準，但憑這段短時間經驗，我同孩子都體會到仿間所講既忙，第一次測驗已過，今個星期考試，不過雖然忙，孩子會埋怨少了時間玩，但佢同時亦會叫媽媽多點同佢練習，佢有擔心考試，但同時感覺考試既刺激，溫習好既野想快啲考，想知自己既achievement係咩。
講返轉頭，當初揀sfa係喜歡佢能幫助孩子打好學習基礎，不是學習成績上，而是那種學習精神，遇到艱難，會學習忍耐，堅持同毅力，通常sfa會被人形容少林寺，運動員都係咁樣經歷艱辛訓練再挑戰自己，而我選了先用學術令孩子明白學習過程總有up and down，陪佢學懂面對得失。

chingchub

至於學術以外，sfa也只是一間普通學校，課後活動一樣會提供，參與與否家長選擇，這點也是我喜歡的，因為我不喜歡被迫去發展其他興趣。讓孩子全人發展，我會自己提供體藝，相信很多sfa家長也不是傻到只顧學術，而不讓孩子參加其他發展興趣既課程吧! 講到尾，家長心態很重要，我冇渴望孩子上神校既心態，只望孩子成績達band 1已足夠，其他要看佢自己日後既努力同發展了。
學校裡，一定有乖巧學術型學生，但同時有百厭坐唔定但具創意既孩子，social skills一樣可以建立，不必想成sfa既收生類型只有學術呆呆死板既類型。

WIN媽

chingchub 發表於 18-11-12 22:40
孩子入讀sfa兩個月，相信本人意見不能太作準，但憑這段短時間經驗，我同孩子都體會到仿間所講既忙，第一次 ...

看了5頁內容，有用家分享說的都是兒子。想問下女孩比例多嗎？

SuperLoveMyGirl

Cloudoom 發表於 18-11-12 21:45
大家好！我是 SFA 用家，小兒也畢業了。看完4頁大家的討論，我想也可補充一些資訊。
大家可以去看一下每年 ...

100名內是band 1, 很好啊！

yuenkw

SuperLoveMyGirl 發表於 18-11-13 09:04
100名內是band 1, 很好啊！

上年近级100，Band 1 尾都抽入上智

noverzero

yuenkw 發表於 18-11-12 13:05
EK 講大道理的愈來愈多（仲係講一套做一套），願意一手分享的家長愈來愈少，真係少上為妙！
...

校長成日都講話, 唔好睇咁多EK

小曳人

等我呢個過氣家長又講兩句...
我地當初都唔知點叫啱，點叫唔啱，當時阿仔係好學術，好鍾意睇書，中英文閱讀能力都高，學習能力強，記性好，K1已覺得佢似係資優，不過無check，而阿仔嘅能力，要入到小學先了解到

個個講到好恐怖咁，入到去9月尾十用頭，同班帶星期6興趣班嘅家長吹開水，有人問：覺唔覺得.... 功課量... 比想像... 少...

當時，我另有朋友女女讀某荃灣一線津小，講緊每日過10樣，weekend接近20樣功課！SFA呢？3-6樣...

測考係多，但默書相對無普通津小多，而因為測驗分散咗9月尾到整個十月，大家的確做到non-stop...

另外，就係教育心理學家EP嘅支援，阿仔9月上堂無耐就開始玩筆，老師投訴，咁啱學校出通告報名做評估，我地排到11月做，當時亦有同EP講上堂問題，EP即時答應會同老師傾阿仔嘅情況，之後亦有同EP有少量溝通，佢會留意仔嘅情意發展，同同學相唔相處到，亦有將阿仔放咗入學校talent pool，當年我地有份返學校聽兩位舊生DSE狀元分享會，另外，EP亦安排P6師兄每星期同我仔捉棋

我仔今年P6，雖然响SFA只係一年，但的確得到嘅支援比响津校4年幾多！响SFA，仔嘅課堂行為、個人發展係受關注嘅，有事可以搵EP，EP會提供適切安排，包括同校方相議協調。响津校呢？EP一個星期得一日响學校，而佢要睇其他SEN，而gifted 唔當係SEN (香港政府係咁define)，所以只可以搵社工，而社工只能幫仔做有限協調工作，佢亦好忙，除非阿仔"出事"，否則排期唔會排到佢，連舊年講好今年一定安排到嘅活動，今年都俾唔到

大家可能唔覺自己嗰件係gifted，但SFA放入talent pool 嘅學生，聽聞有1/3之多！當中包括藝術、運動、績優等，而資優課程/活動，SFA亦係出哂名多選擇，好多係由EP設計嘅，配合孩子成長發展需要

最後，想提一提，我仔當年嘅同學當中，有一位阿媽形容為掛住玩，乜都玩，唔多時間讀書嘅同學仔，佢係香兒成員，會跳舞、打乒乓波、游水、畫畫、彈琴，通通有獎！唯獨學校成績唔算突出，媽媽同女講好，跌出100名就要cut活動！但每年見佢唔係做攞獎、學生代表、班長、風紀，就係被選中跟學校遊學 (聽聞學校收合理價錢)，生活非常精彩！所以SFA嘅生活係咪只係得讀書？！我覺得好睇家長要求...

MrBeast

yuenkw 發表於 18-11-13 10:02
上年近级100，Band 1 尾都抽入上智

sorry 我又衰多口，首先，級100也b1 絕對是勁，但b1 尾都抽入上智這句是有機會被誤解，因為任何same net的b1小學生無論b頭或b尾都有相等抽機會

yuenkw

MrBeast 發表於 18-11-13 10:31
sorry 我又衰多口，首先，級100也b1 絕對是勁，但b1 尾都抽入上智這句是有機會被誤解，因為任何same net的b ...

多謝補充，Band 1 頭中尾確實只係 EK 的語言，我以為上 EK 的家長都會明白！

我想講，除非SFA的準家長抱住《不到神校心不死》的心態，否則當佢係間學術要求較高的學校咁讀，初小時著重小朋友是否明白課程要點，而唔好太看重考試名次，日子唔算太難過！

正如樓上有家長講，唔明白點解學校對學術有要求，就等如學生只就要死讀書，六年小學無得玩。講呢d嘢嘅人，到底係聽人講還是一手分享？我兒都有玩體藝，不過纯自娛，零比賽零獎項！

yuenkw

yuenkw 發表於 18-11-13 12:52
本帖最後由 yuenkw 於 18-11-13 12:55 編輯

多謝補充，Band 1 頭中尾確實只係 EK 的語言，我以為上 EK  ...

SFA係一個非常好的鍛練平台，六年後上到 EK 人稱 Band 1A的英中，小學打下基礎的好處自然浮現！

momo333

小曳人 發表於 18-11-13 10:28
等我呢個過氣家長又講兩句...
我地當初都唔知點叫啱，點叫唔啱，當時阿仔係好學術，好鍾意睇書，中英文閱讀 ...

其實gifted 有成1/3 ，雖知資優不是績優。但當中也有不少績優⋯
如果只是小聰明, 學術算中上去到SFA 會失自信嗎？怕小朋友永遠點努力都唔會考到級頭

KCL2000

今年sfa出咗2個狀元

KCL2000

一個係DSE，讀皇仁，一個係lB，讀聖保羅男女，我小兒是他們的同學，這校有很多叻人，一不小心就會被比下去

aprilapril123

KCL2000 發表於 18-11-13 13:29
一個係DSE，讀皇仁，一個係lB，讀聖保羅男女，我小兒是他們的同學，這校有很多叻人，一不小心就會被比下去 ...

請問2位同學從p 1開始成績就好好？

HM168

yuenkw 發表於 18-11-13 10:02
上年近级100，Band 1 尾都抽入上智

你是今年家長如果講計亦有band 2派聖母玫瑰，但男仔呢？另你兒子是top那批是入到心儀中學，咁有冇了解中下遊的。
我認為sfa 係好學校，其實每位家長背後付出不少努力，如果是top 50就冇問題，但如果入不能top那批又点學校又有冇什麼幫助？
眼見肯分享的都叻那班家長，實際有冇中或中游家長分享？

小曳人

momo333 發表於 18-11-13 13:21
其實gifted 有成1/3 ，雖知資優不是績優。但當中也有不少績優⋯
如果只是小聰明, 學術算中上去到SFA 會失 ...

點解一定要考級頭？！
我有樣好鍾意SFA嘅，係同學們同家長都明白，戰場响外面，唔响學校裡面！如果級50左右都入到SJC，為乜要執迷要考級頭？！
而且，自信唔係由考第幾度嚟！
佢地初小一份測驗，可以有半班人>90分！因為出嘅野係有得溫嘅，自己分數唔錯就夠啦，仲有嘅係~ 自信仲可以响其他地方搵

如果孩子係咁嚴重嘅完美主義者，家長要多多開解呀！

kanahei515

我相信做得聖方濟各的家長一定接受到學校的理念，學校從來的宗旨都是學術為重，這麼多年來都是不變的。說不谷是沒有可能，學校要保持自己的優勢，作為家長便要配合。正所謂明買明賣，讀得到當然開心，跟不上便成惡性循環，自討苦吃。所以要清楚自己和小朋友的路向，不好盲目追求。

MrBeast

小曳人 發表於 18-11-13 14:17
點解一定要考級頭？！
我有樣好鍾意SFA嘅，係同學們同家長都明白，戰場响外面，唔响學校裡面！如果級50左右 ...

家長完美主意多過小朋友呢？身總有幾個係付近，不過最近聽過一個case （not sfa)完全係小朋友自發，真的羨慕死人