大中小學收生（左丁山）

elbar

十月份有大學資訊日，家長及學生到大學參加聽講演的聽眾超過十萬人，逼爆各大學校園，中小學則有入學須知講題，名校如男拔女拔協恩聖保羅男女等各有三四千名家長到場，至於直資及私立小學，則是面試月，如朋友虎媽A所講，一位家長為女兒報考10家學校，為了準備面試，疲於奔命，初試及格的，十一月還有另一次面試決生死，有幸獲選中參加第二次面試的，更是一家上下緊張。

虎媽A話：「人哋為咗小學名校面試準備兩年，有專人教導interview兩年，如果全無準備，打天才波嘅話，面試肥佬機率高達99%。」讀中學又係要叩門面試，家長容乜易搞到茶飯不思，虎媽A有個貼士：「我細仔考咗幾間都中，包括新開英國私立學校在內，原來不少名校收中一學生都着重佢哋平時是否肯多閱讀，我個仔就勝在自發性每日揸住一本英文書讀，好似我哋當年追睇《射鵰》咁樣，所以佢考幾間都獲取錄，變咗我哋揀學校。」咁醒，抵讚嘞，但亦有後遺症，睇得英文書多就對中文書冇興趣，入讀英國私校嘅話，以後唔慌中文掂！

到大學嘞，今年中大首創不完全注重3322，對理科成績特別好之學生，中英文DSE成績不如理想，亦有商量，旨在吸取強於STEM，弱於語文嘅學生入讀中大理學院工學院，呢招一出，其他大學紛紛跟隨，最後港大亦為咗搶新生不輸畀中大，宣佈新收生辦法，故此《星島日報》講：「港大調整計分計劃，搶尖意味濃」，搶尖即搶學生考試尖子，DSE狀元榜眼只得有限人數，入晒港大而其他學生入中大科大嘅話，港大收生平均成績亦唔會高，故此唔搶人唔得。究其實，自有DSE以來，因學校限制選科數目，STEM教育大受影響，左丁山幾次在中環天橋碰到徐立之，佢都為大學理工科學生水平擔憂，認為必須改變收生辦法，故此一手推動成立「香港STEM教育聯盟」（11月3日在中大舉行成立典禮，林鄭月娥與王志民到場主持）。聯盟成員有大學科研教授、中小學校長、教師等，由徐立之任會長，中大工程學院副院長黃錦輝及香港工程師學會會長余錫萬任副會長，將來對中學STEM教育有何幫助，且拭目以待。講咁多，就係反映大中小學為咗收優質學生，特別係理工科尖子，各有各忙，家長學生亦周圍撲，唔怪得楊潤雄局長認為香港教育制度複雜，於是有錢人家索性送子女往英國寄宿學校算了，佢哋唔使靠打工搵食，唔識中文亦無妨。




左丁山

ANChan59

乜淨係打工搵食，先要識中文？

drchung

elbar 發表於 18-11-8 10:55
十月份有大學資訊日，家長及學生到大學參加聽講演的聽眾超過十萬人，逼爆各大學校園，中小學則有入學須知 ...

搶多了考試尖子5％，課程若不會相應加深或加多了5％，會不會誘惑教授懶惰？這又是不是一種削減相對教學資源的行為？
另外，多收了尖子5％的學系，相應的大學有沒公開交出數據，證明學生多了5％的社會貢獻？哪怕是五年內，或十年內的。

大學教育資助委員會（UGC）默許了這些學系向中國語文，包括繁體字和粵語，這等重要的中國國家文化遺產，從全港本地學生應要傳承的能力在香港人獨有的全球競爭力中分裂出來，相對被邊緣化，UGC要不要向中國和全港市民負責？

Cheeselover

ANChan59 發表於 18-11-8 14:19
乜淨係打工搵食，先要識中文？

有看左公的短文都知他的生活圈子和文化深度(不能有太高要求)，我並沒有感覺他不尊重中文，相反，他反諷這些海外留學生日後回流，中文不好就等父母打救。