收集各中學現任校長上任年及預定退休年

skwan2703

各位好,本人仍一小六女兒的父親,近數月開始為小女升中的事宜操心,又要交申請表,又要看學校,又要參加簡介會,十分辛苦.幸好有這一個論壇幫, 大大減少了工作量.不過,我留意到有一個我個人認為十分重要的因素,在論壇上沒有收集,那就是現任校長是在那一年上任和其預期退休年.如果已有這樣的一個帖收集這種資料, 可否告知其網址,謝謝.

2jkidsfather

skwan2703 發表於 18-11-2 11:31
各位好,本人仍一小六女兒的父親,近數月開始為小女升中的事宜操心,又要交申請表,又要看學校,又要參加簡介會, ...

收集這種資料有用嗎??
真的影響小朋友升中??

yanau

skwan2703 發表於 18-11-2 11:31
各位好,本人仍一小六女兒的父親,近數月開始為小女升中的事宜操心,又要交申請表,又要看學校,又要參加簡介會, ...

願聞其詳 何解有這種想法呢？

joeyxlma

2jkidsfather 發表於 18-11-2 11:49
收集這種資料有用嗎??
真的影響小朋友升中??

學校的STYLE 很多時候由校長主導, 這會影響選校意向吧

NeoMom

如果連呢個因素都要考慮埋真係人都癲, 咁要唔要再考慮埋繼任校長會比前任做得更好/更差/持平?

mch411

要計埋做唔做得長, 一陣好似德興校長未退休先炒魷,
最好有埋面相,掌相同八字

hkpapa852

skwan2703 發表於 18-11-2 11:31
各位好,本人仍一小六女兒的父親,近數月開始為小女升中的事宜操心,又要交申請表,又要看學校,又要參加簡介會, ...

明白你的考慮點, 但坦白講, 收集嚟未必太有用.

人事去留會受不少因素影響, 官津校教職員夠60歳就要退休, 但未能60歳亦可以有很多原因提早離職/轉職.

A校長係X學校表現出色, 唔代表去到Y學校一樣可以成功

B校長就算健健康康又未有耐退休, 一樣可以因"突如其來"既因素而離開學校

ilyrd

响小學,可能某些學校校長個人影响力會有的,但到中學,校長對學生嘅影响力好細好細.家長嘅影响力都隨着小朋從幼稚園,到小學再到中學慢慢流失啦.

skwan2703

這并無侵犯各校校長私隱的意思.因為學校的傳統,辦學方針,對學生的培育方向及至收生的取態,校長都是最關鍵的人物.如果,一個校長今年才上任或上任少於兩年,他能否繼承學校過往的傳統,維持學校現有水平,瞭解學校的學生的特質,這些都是疑問.空降校長和原有教學團隊更需要以年為單位的時間磨合.另外,如果一位校長會在明年或後年退休,則在兒女6年中學生活中,可能會有一段比較長的時間,學校是在一種不穩定的狀態,這樣對兒女的成長會有較大的影響.我在這個論壇裏留意到有時家長們在比較一些最好的學校時, 其實它們之間的差異可能真的不太明顯,反而校長在任年期卻成最大的因素.比方,你喜歡三間中學A,B,C,他們各有優點,但A中學校長明年退休, B中學校長兩年前才上任,而C中學長已就任6年,還有9年才退休.這樣C中學當然會成為自行第一志願.因工作關係,我實在看到太多學校因改變校長而有重大改變了.所以,才看看有沒有人有收集這些資料而己.

joeyxlma

個人覺得校長係有影響, 因為是谷還是自由, 培養同學方針等等都是由校長領導.當年就是因為見某校近年2年換一次校長而自行不選, 亦有某校校長退休而最後沒去叩門.
當然校長去留不是最決定性因素, 而入學之後校長更替沒法估計, 就不多心思猜度, 但已放在眼前的, 考慮也無可厚非.
PS: 樓主與其無目的海量收集, 不如縮小範圍之後個別問吧.

mrs.so

呢個都係考慮因素

我曾經想交表伊中，當年伊中正正準備調任上官副校長過伊中做坐正，我頓時想一想官校就係咁樣安排校長位置，所以最後無揀伊中。

王家爸爸

joeyxlma 發表於 18-11-2 12:15
學校的STYLE 很多時候由校長主導, 這會影響選校意向吧

講真，學校既風格，老海鮮既影響一定比校長大。

持之以恆

王家爸爸 發表於 18-11-2 16:16
講真，學校既風格，老海鮮既影響一定比校長大。

十分認同，我今年見識過了。

B.B.BaBa

睇校長能力啦，有 D 校長能力高、領導力及執行力強、夠魄力又有要求，間學校的確係會 UPGRADE 的。不過講真，呢種校長唔多

gracelam

王家爸爸 發表於 18-11-2 16:16
講真，學校既風格，老海鮮既影響一定比校長大。

絶對認同

joeyxlma

王家爸爸 發表於 18-11-2 16:16
講真，學校既風格，老海鮮既影響一定比校長大。

呢股力量當然也不容忽視, 當然也為此, 有一間學校從來沒想過申請.

王家爸爸

joeyxlma 發表於 18-11-2 16:47
呢股力量當然也不容忽視, 當然也為此, 有一間學校從來沒想過申請.

老海鮮既存在，可以係好事，亦可以係壞事。好既係佢哋唔想變，所以學校既獨特性有比較強既持續性，唔會因為人事變動而改變。

王家爸爸

B.B.BaBa 發表於 18-11-2 16:26
睇校長能力啦，有 D 校長能力高、領導力及執行力強、夠魄力又有要求，間學校的確係會 UPGRADE 的。不過講真 ...

唔係呢啲校長多唔多既問題，遇著多老海鮮既學校，校長越以為自己能力高、越以為自己領導力高、執行力強、夠魄力、有要求，越難搞，甚至未坐暖個位就要走。人事管理比想像中複雜好多。
如果係名校，仲係老男（老女）既問題，old boy/old girl 可以比老海鮮更難搞，SPSS、SSGS、WYHK既校長就見識過。
反而啲醒醒目目，係唔影響學校傳統底下既，慢慢氹、按步就班咁搞，會成功。

kkhon

王家爸爸 發表於 18-11-2 16:16
講真，學校既風格，老海鮮既影響一定比校長大。

你有你改革，佢有佢照舊！

Ktfk

回覆 skwan2703 的帖子


計到幾時退休咪即係知道幾多歲..？

將一群生out out 嘅人嘅年紀係網生公開披露及流傳..., 有可能已觸犯了個人私隱條例..

又或者咁講，如果你係校長，你想唔想呢d私隱比人通街派 ... ?