究竟課外活動係為拿獎/為興趣？ 我好迷失

tha

IloveJJ 發表於 18-11-6 07:47
我仔都係學琴而唔練琴，其實大部分初學都會咁。要有興趣練，一定要達到某水平先有樂趣。
你係可以迫佢，去 ...

請教下坊間有什麼鋼琴豬肉比賽？

retriever

tha 發表於 18-11-2 00:50
本帖最後由 tha 於 18-11-2 00:51 編輯

係啦，問題就係佢學乜都無興趣，我想再錦上添花都難！

人地有獎，自己無獎，有冇實際影響？

壓力係自己俾自己。

我發覺唔少呀媽幫D 仔安排活動，係自己興趣多過呀仔興趣，譬如：足球粗魯變矮，打劍型D。。。

你問下佢真正興趣啦！例如：足藍排兵呢D 基本野。

老實講，好少男仔會鍾意朗誦。

fany

自信和滿足感未必一定有奬才有，好努力練習投入一項活動，完成了，已經有滿足開心感覺。小朋友大d，會知道豬肉獎冇意義，得獎都不會開心。

我好贊成參加群體活動，一班人一齊為目標努力，有助成長和社交。

MrBeast

retriever 發表於 18-11-8 07:29
人地有獎，自己無獎，有冇實際影響？

壓力係自己俾自己。

聽朗誦我真是會毛管動，古典音樂會訓覺 。
若我sense 到小朋友冇獎唔開心，第一句必定是：咁你知唔知人地付出左幾多先

tha

MrBeast 發表於 18-11-8 08:18
聽朗誦我真是會毛管動，古典音樂會訓覺 。
若我sense 到小朋友冇獎唔開心，第一句必定是：咁你知唔知人地付 ...

我都係咁樣答佢

yovin

retriever 發表於 18-11-8 07:29
人地有獎，自己無獎，有冇實際影響？

壓力係自己俾自己。

[比賽]都可以係興趣， 即係有啲小朋友好鍾意參加比賽 比賽當係玩，完全無壓力。


大人呢？好多都有興趣比賽，係比緊D仔囡囉 唔係話你

yovin

IloveJJ 發表於 18-11-7 19:12
我唔知，我唔參加呢啲比賽

係囉，係囉。

我都想問下: EK 嘅家長， 自己學生時期甚至到現在， 參加嗰啲乜嘢全港性比賽？得過乜獎分享下呢？

yovin

tha 發表於 18-11-7 17:34
請教下坊間有什麼鋼琴豬肉比賽？

以你咁講，如果連豬肉都分唔到，咪仲hurt.

我係你就自己 「圍威餵」搞個比賽咪得囉， 租個 有板有眼 琴室，再訂做啲獎牌，又容易、個仔又 保證有獎, 分分鐘仲賺到錢添。一舉幾得呀！

Elenalan

yovin 發表於 18-11-9 10:34
本帖最後由 yovin 於 18-11-9 10:36 編輯

係囉，係囉。

好多架喎, 不過同學業無關, 全部興趣行先 :

華僑日報徵文比賽, 當年係一份好有代表性o既報章, 每年都辦全港徵文比賽, 我記得小六果年得獎係帶埋阿媽去半島酒店領獎, 太平紳士做頒獎嘉賓, 有獎學金和香港年報做獎品。返到學校Sister再頒多個嘉許俾我。

中學時玩18區全港寫生比賽, 即場評分, 每年都志在入頭30名 (因為實在太多人參加, 當係去觀摩)。

校際英詩朗誦、辯論隊、各種毛筆書法比賽、陶藝比賽(呢d唔記得有幾大型, 老師叫就參加)。


成人: 全港業餘標準舞拉丁舞大賽, 玩左10年。

yovin

jumphigh 發表於 18-11-9 10:40
學習除咗為咗興趣亦都需要付出， 建議你首先要改變你仔嘅學習態度。 乜嘢學琴只想學唔想練， 游水又係，淨 ...

培養興趣 同 為興趣去練習，係兩回事。

興趣嘅態度好多種 ：其中一種既態度，係識就得啦， 學嘅時候專心認真， 平時唔練習一樣可以，但係咁樣唔一定代表hea。我識左明白當中感受及基本，將來大個同朋友玩下，知道人地講緊D乜，吹下水又得，志在容易融入群體生活圈子，我認為這樣都可以。

樣樣學咗都要去練， 咁咪好唔得閒。

玩下玩下，遇到一樣自己真正喜歡嘅， 唔洗人叫 自己都會練習。

最恐怖係 迫個小朋友學琴練琴， 真係迫到興趣出嚟， 第時個仔話從事音樂工作， 跟住個阿媽發曬癲， 然後又話冇前途……(下删100字)， 呢類父母見唔少。

greentea000

我觀察同事Ｄ三分鐘熱度仔女多數係選擇無限而且毫無代價，父母美其名俾佢Ｄ多種嘗試，揾到真正興趣再深入了解。然後仔女就係期待嘗試同輕易放棄之間來回，一直到大家都筋疲力盡先結束。

yovin

Elenalan 發表於 18-11-9 11:05
好多架喎, 不過同學業無關, 全部興趣行先 :

華僑日報徵文比賽, 當年係一份好有代表性o既報章, 每 ...

咁你比賽係咪擋玩呢？
通常目標是甚麼？

比賽前/比賽中有無壓力？

我係同盟黎家， 唔係challenge， 我都贊成你之前嘅帖。


只希望聽多D得獎人的真心分享。

yovin

greentea000 發表於 18-11-9 11:28
我觀察同事Ｄ三分鐘熱度仔女多數係選擇無限而且毫無代價，父母美其名俾佢Ｄ多種嘗試，揾到真正興趣再深入了 ...

如果由得佢嘗試，放棄，學第二樣再嘗試，放棄…… 如此類推。 點解會有筋疲力盡嘅感覺呢？

玩下，學下，感受下…… 都係一種價值。 呢種係潛在嘅價值，時至今日對我自己就好有用啦。例如: 我學過彈琴， 識睇譜 識拍子, 但细時從來唔練琴。結婚週年時 ,簡單地彈首每天愛你多一些畀老公聽, 佢都唔知幾開心.

Elenalan

yovin 發表於 18-11-9 11:32
咁你比賽係咪擋玩呢？
通常目標是甚麼？

我個年代俾比較單純, 連父母都係。
比賽最大壓力係來自父母, 因為我以上玩果d比賽 (除了徵文比賽), 基本上全部都得唔到父母支持(甚至係反對), 上一代父母(尤其草根出身)只係睇到讀書係最大, 因為讀書可以脫貧。父母會覺得參加比賽等於浪費讀書時間, 影響成績, 就算體藝幾有興趣天份, 都覺得呢d賺唔到錢。我要爭取有得出賽, 就要keep住學校成績達標先可繼續。


呢一代父母好唔同, 可能物質好豐富, 就算報十個興趣班算幾多錢呢? d比賽全部都係父母幫孩子去報名, 甚至比孩子更緊張獎項。就算學業幾忙, 成績未搞掂要N個補習, 都仲要排滿N個興趣班, 乜野比賽都仆到去報名。我只係覺得, 現今孩子好辛苦, 連興趣都係迫出來, 自己為乜要參加都唔知。

我參加任何比賽一定唔係當玩, 因為我尊重每個付出o既賽手, 人地出盡力, 自己都唔會交行貨。
我係熱愛自己o既興趣同時係熱衷比賽果d人, 比賽係可以自我提升, 亦有好大滿足感, 尤其越級挑戰就算輸了都會覺得有幸同勁人交過手。

但我唔覺得係人都要比賽, 興趣可以係「細藝」, 係娛樂消閒。

yovin

jumphigh 發表於 18-11-9 11:41
培養到成為興趣，其實中间都要付出。
我不完全同意「有興趣就会主动練習/努力練習」, 人始終有惰性，尤其 ...

你[唔完全同意]， 即係唔係絕對反對啦，又即係會有人，在興趣中唔叫都會練。

所以我話: 面對興趣嘅態度有好多種, 你講嘅亦係其中一種。

各取所需啦， 冇話邊一種態度至係啱。

我都好欣賞付出努力去練習 嘅小朋友㗎！