2020-2021升小40校網揮手區

yiyi1212

零概念 大家一齊分享下資訊

yukipacers31

我都打算揀呢個網，都係無概念，仔仔而家讀緊美孚佳寶K2，見好多學生都派左呢間

trancypants

Hello, 15分仔仔少選擇.  我睇左D 資料,覺得好緊要但好少人講的係該小學會否參與升中呈分,通常龍校係咁,唔呈分升中時只能自行或繼續該龍校

trancypants

我參觀了最少五間40網內小學,聽講座,認為親身感受對篩選十分有幫助.  另考慮： 全港適齡入學人數下降中但區內多新盤落成,手上分數,仔仔性格能力,校風/校舍大小,升中成績等,學校班數,心中已有大概

40網內都多世壟生

hakbb

40網聽其他人話男仔升中唔太好

tkinwong

hakbb 發表於 19-1-24 00:14
40網聽其他人話男仔升中唔太好

因為可供男仔選的band one學校係得幾間：

長天（男校）
銘賢（男女）
黃棣珊（男女）
瑪神（一般認為介乎1C至2A, 但本身有小學）

有網友計過，其實係唔夠band one男生位。

好的band two學校也唔多。

AndrewHo_FB

delete

hakbb

如果我係40網，但得15分，係咪一定好難入40網既一線學校?

AndrewHo_FB

hakbb 發表於 19-1-24 13:33
如果我係40網，但得15分，係咪一定好難入40網既一線學校?

長協有20分的，有十分之一機會在自行選校中入。15 分的不用想了。

15分是起跑分，大部分小朋友都有，可能連在第一階段入二缐小學都有問題。要有心裡準備大抽獎，或作1-1-1 的部署。

crylistal

hihi, 我都係40校網, 首名子女,無概念, 現讀又一村禮幼K2

tkinwong

crylistal 發表於 19-1-28 11:01
hihi, 我都係40校網, 首名子女,無概念, 現讀又一村禮幼K2

比多啲中、英環境比小朋友，考好禮小。進可攻，退可守。

apple1990

40網 男生女生考慮各不同。
若考慮升中競爭問題，女生喺深水埗區升中有三間band 1 女校； 聖母玫瑰 寶血上智 德雅 ，一般認為大利女生。
但男生升band 1 學額不足，所以一般認為不利男生。

AJBabies

揮揮手先～阿囝今年抽，未知結果，到20-21就係妹妹抽...

AJBabies

tkinwong 發表於 19-1-30 01:36
比多啲中、英環境比小朋友，考好禮小。進可攻，退可守。

請問即係如果有禮小就讀禮小～好果讀抽獎個d嗎？

tkinwong

AJBabies 發表於 19-2-14 18:09
請問即係如果有禮小就讀禮小～好果讀抽獎個d嗎？

咁又唔一定。我嘅意思只是禮小是私校，有offer後都可以當backup 去大抽獎，家長可以謀定而後動。

當然，禮賢的學術水平和校風我覺得在當區屬一流，雖然未及得上SFA和英華。如果錢唔係問題，我自己係屬意禮賢。(emoji)過，更多人可能會選唔洗比錢的長沙灣協和。

AJBabies

tkinwong 發表於 19-2-14 18:34
咁又唔一定。我嘅意思只是禮小是私校，有offer後都可以當backup 去大抽獎，家長可以謀定而後動。

當然， ...

謝謝！真心請教，禮賢對比40網的瑪神、長協、荔天，是否學術一定更優勝呢？還是不相伯仲？因為今年係哥哥考小一，過兩年先到妹妹，但40嘅中學不利男仔，所以我要顧咗哥哥先，希望搵間幫到佢將來考好中學的小學，所以我相信學校學術強d會比較有利... 正傷腦筋中～～

apple1990

AJBabies 發表於 19-2-14 22:11
謝謝！真心請教，禮賢對比40網的瑪神、長協、荔天，是否學術一定更優勝呢？還是不相伯仲？因為今年係哥哥 ...

#40 茘天升中成績亮麗。個人認為若有茘天或長協offer，才可以考慮放棄禮賢，其他學校就不作他想，一定揀禮賢。但男生的話，到升中時上述三間都要面對同一問題......深水埗區升中不利男生。建議您在上述三間學校嘅網頁，搜尋該校嘅小六生升中戰績數據，做吓比較......睇睇升上band 1 中學戰績，幫助您選擇。

tkinwong

AJBabies 發表於 19-2-14 22:11
謝謝！真心請教，禮賢對比40網的瑪神、長協、荔天，是否學術一定更優勝呢？還是不相伯仲？因為今年係哥哥 ...

贊同17樓的分析。

我小朋友幼稚園是讀禮賢，就深深喜愛上這間學校，不能上佢的小學其實都感到可惜。

禮賢的升中結果只公布校名而無具體數字，所以有幾多人入band one係靠估。不過，我見他的公佈有45間學校，而畢業生有90人，我懷疑嗰已係full list. 你看入的學校，固然有很多名校，也有一些普通學校，但並無一些很差的學校。唔知我的推論/觀察有冇錯，禮賢入唔到的band one都唔會去band three.

我聽講禮小band one 有六成或以上，但無數據，要等用家分享。

AndrewHo_FB

一線的已經很厲害了, 再細分一線中的排名第一, 二, 三真是很怪獣.

一線多人爭, 扣門位每年得幾個. 不如自己計分, 能否自行能夠分入一線. 或你明明是基督教, 為了名校, 入了天主教, 你又是否願意?

如考直資, 小朋友又是否是說話及表達型, 能否在面試時脫頴而出. 及要知道直私或私校的學費不平宜, 你要負擔6年學費, 不是少數目, 將來能否考上 band 1 中學, 也是未知之數. 還是省下學費, 將來供小朋友海外升學用, 除非你有無限彈藥?

入了一線, 小朋友必定在壓力下渡過6年的生活. 但直資的學生全部都是被挑選過的, 而家長大都中產家庭, 支援十足, 身上已有小朋友這6年的學習藍圖, 所謂鬥小朋友及同時鬥家長, 校內競爭一定比官津激烈.

我遇到一位友人，她是小學的私人補習老師，專幫40網一些出名直資補習。她説，由於直資要付學費，及學校有一定的名氣，所以家長的合理期望，就是小朋友在完成小學後，能順利入 band 1中學，甚至比茘天，長協的派位更好。奈何這直資沒有駁接的中學，所以它的學生都要參加小學呈分試，和全港的小學一起競爭。所以，學校在這6年都非常催谷，如小一上學期已能串熟 January - December 了。 這又是否你的合理期望，或是小朋友所要的？

依晴媽媽

請問除左一線 有無邊幾間係2線架？因為準備我搬入去40網