大家有冇試過 帶小朋友去操卷？

Elenalan

IloveJJ 發表於 18-11-21 12:25
小一喳喎!

So far我俾阿女做過2次數學mock卷, 之後佢做數學功課真係做得快左好多。一份模擬試卷都有成8版紙, 佢可以20-25min內做哂+check埋卷 (我想俾佢知道在學校考試, 做完卷都要proofread 1,2次)。

佢平時最花時間係揭紙, 揭來揭去唔知自己做到邊。

如果間中做下練習可以提升速度和分數(佢兩次數測都滿分), 咁都值得做呀!

Ocean419

ANChan59 發表於 18-11-21 09:52
另一個方法是學校用書的出版社，多數會出補充練習，我們平時不做一般的練習，但考試前，溫到七七八八，做 ...

我地學校份數學卷永遠有20分左右係深過tricky 過教textbook and workbook 嘅題目，同一出版社嘅補充練習都冇咁嘅題，有90分以上嘅都係有在外受過特訓

ANChan59

Ocean419 發表於 18-11-21 12:32
我地學校份數學卷永遠有20分左右係深過tricky 過教textbook and workbook 嘅題目，同一出版社嘅補充練習都 ...

明白！

我們對操卷冇乜興趣。

b3410

IloveJJ 發表於 18-11-21 12:04
咁如果無唔夠時間做既問題，係咪就無咁既需要呢？因為我仔其實只係數學唔夠時間。
...

時間夠，都可以練仔細，唔錯。不過難度適當的卷，唔係咁易搵

Felix223

無出去外面操, 本身我已經額外買了各科的補充exercise (同學校用書同出版社) keep 住做, 當溫習.

tutik

Felix223 發表於 18-11-21 12:59
無出去外面操, 本身我已經額外買了各科的補充exercise (同學校用書同出版社) keep 住做, 當溫習. ...

请問「21世紀現代數學」，現代教育研習社出既，佢哋有冇出補充練習？只見有合作補習社，教師用log in 试题庫(家長入唔到)。

Felix223

tutik 發表於 18-11-21 13:44
请問「21世紀現代數學」，現代教育研習社出既，佢哋有冇出補充練習？只見有合作補習社，教師用log in 试题 ...

現代是只有作業, 無補充exercise 出, 其實呢通常會去三X/ 大X書局度搵下，可能會有D 相類似程度, 我便會照買來做.

Elenalan

IloveJJ 發表於 18-11-21 14:13
所以我之前咪講過，搵專業人士，例如:補習老師，係會唔同小朋自己讀書囉！小朋友自己，又點會諗到操下卷先 ...

當然有分別啦, 所以我一向唔反對按需要做額外補充練習, 我女有做數學和中文閱讀理解, 主要都係教佢控制時間和熟悉題型。

至於小學生, 大多數情況下我都覺得唔使去補習, 家長買練習俾適當指導就可以了。

做練習/mock卷係測試下孩子學習成效和改善答題技巧, 睇下佢強弱項再跟進。但平日自己完成功課、溫測默、背記, 呢d我都係要佢自己自律去做。除了星期六上午做下練習, 平日我都唔會同佢溫書, 亦唔會check佢溫左d乜。

今個星期考試週, 因為阿女早放學, 我請假plan好哂每日去邊度玩, 好難得平日有得親子活動, 考試期間幫助孩子保持輕鬆心情, 呢樣就係家長要做o既野喇!

Elenalan

IloveJJ 發表於 18-11-21 14:42
其實你做既，已等於私人補習老師啦！

你可以咁講, 咁任何會指導孩子學習o既家長都係做緊補習老師o既角色, 只差在你係自己做定係外判。
我一向都唔反對補習, 只要補習係有需要又有效果又係針對性o既。
其實你有乜疑問? 因為你反對補習?

Elenalan

IloveJJ 發表於 18-11-21 15:05
無疑問，我只係表示唔認同啫，只係小一，就咁溫完去考咪得囉！何必要做卷呢！
...

如果做2次卷, 可以幫助佢熟習考試模式、甚至提升佢測考分數, 點解唔做? 做左會有咩壊處?

我知最近幾星期, 阿女學校中英數老師都有俾模擬試卷佢地上堂做, 做得好老師又派獎品, 我覺得幾好呀! 因為做過mock exam, 我女先知原來可以考數學時用草稿紙, 唔使又劃又擦份卷。

Elenalan

IloveJJ 發表於 18-11-21 15:31
你問做咗有咩壞處，我就分享，你唔啱聽可以唔駛理。
我認為佢考完，考得未夠好，同佢一齊檢討，再諗辦法， ...

我唔覺得做幾份補充練習就會令小朋友成績好、令佢以後冇左「失敗」經歷, 如果咁易就成績好, 就唔會咁多人仲要出去補底, 日日做補充咪個個考第一? 點解仲有咁多人去學店操卷?

我覺得唔可以抹煞小朋友平時上堂留心學習、理解、用心做功課、自己溫習背記所付出o既努力。

小一成績失敗唔係咩大件事, 所以我接受到唔同佢對功課、從來唔囉唆叫佢溫習, 亦從來唔會同佢溫默書, 我覺得呢d唔需要技巧指導, 只係自律和勤力佢自己都可以做到。但考試模式、答題技巧呢d係需要指導, 如果mock exam冇用, 學校都唔會同佢地做啦。

我同你o既分別只係你第一次考試唔會試前指導, 但你之後都會同你孩子review下點解考得好唔好。
而我只係第一步做多少少, 如果佢係唔上心, 就算我輕輕指導過佢都唔會幫得到幾多。

好似我上文咁講, 做過兩次數學模擬試卷後, 最大得著唔係測驗分數, 而係佢平時做數學功課快左好多, 因為佢終於明易佢係可以做快d (限時做), 呢樣對佢幫助好大, 連帶佢做其他功課都快左, 多左時間玩。

b3410

IloveJJ 發表於 18-11-21 14:16
點解做卷可以練仔細呢？

careless mistake < 2, 再加上冇知識漏洞，可以唔使溫書，直接去玩咁一定提起120萬分的小心來做。
所以通常考試前幾日，反而可以玩

Felix223

b3410 發表於 18-11-21 15:57
careless mistake < 2, 再加上冇知識漏洞，可以唔使溫書，直接去玩咁一定提起120萬分的小心來做。
...

careless mistakes 真係好頭痛, D仔隻眼成日眼大睇過龍 !

retriever

Elenalan 發表於 18-11-21 14:34
當然有分別啦, 所以我一向唔反對按需要做額外補充練習, 我女有做數學和中文閱讀理解, 主要都係教佢控制時 ...

我家無補習亦無操習題。。。

早排佢做野有D 遊魂，我就在佢常去打書釘既書局，帶佢去賣補充練習果個SECTION，問佢睇到D物。佢答講：睇到淨係D 媽媽係度買好多補充。

我跟手講：你上課醒定留心D，唔係就好似大圍咁，你就更加無時間睇書或者玩。