用戶登入
用戶名稱:
密      碼:
搜索
教育王國 討論區 教育講場 讀電腦入ibank(左丁山)
發新帖
查看: 2302|回覆: 4
go

讀電腦入ibank(左丁山)

Rank: 13Rank: 13Rank: 13Rank: 13


75496
發表於 18-10-16 11:53 |顯示全部帖子

中文大學網站圖片


想當年,新亞新聞系一位師兄W追同系低一班嘅女同學Y,農圃道校園好細,呢件事係人都知。某年某月某日下午,師兄W在英文虎報做實習,因有突發新聞,返唔到農圃道,嗰陣時又未有手機傳呼機傳資訊,無法通知女同學Y取消約會,於是發揮無窮想像力,係咁在報館打電話返宿舍搵到人通知左丁山,唔該暫時陪住Y同學,等佢回來。左丁山勝在多口,搵到Y小姐,與佢坐在籃球場邊睇大學四角籃球賽(即港大、新亞、崇基、聯合四校,當年中大三間書院唔肯組成一隊中文大學隊,每逢與香港大學舉行體育比賽,都係四角賽,但又不時打贏港大噃),嗰陣時新亞籃球隊有陸潤棠、張建雄(張總)、李明逵、曾儒聖等在陣,幾打得㗎。)嗰日在籃球場邊傾吓傾吓,傾到日落西山,與Y小姐談笑甚歡,師兄W仍未出現。幾位同學見到以為左丁山想橫刀奪愛,背後唱到左丁山面黃。卒之天色已黑,師兄W氣急敗壞咁走到返嚟,對Y小姐沙冧鞠躬,左丁山當然即刻成為陳大文。


眨吓眼過咗近五十年,師兄W與Y小姐結婚亦四十餘年,有兩位千金。大千金係標準靚女,嫁咗一位法國賓架,上星期W太生日之期,在沙田馬會請吃晚飯,點知法國女婿話在中環放工遲,坐地鐵入沙田好辛苦,可能唔會加入,左丁山得知,就通知呢位賓架P坐順風車,車佢返沙田。賓架P第一次與左丁山同坐一車,傾談三十分鐘,先知佢已來港十年,在巴黎大學得經濟學學士學位,又到英國讀數學碩士。法國人素來數學了得,轉系幾容易,換轉係香港學生,讀完經濟然後讀數學,真係幾艱難。賓架P話好彩有此轉變,搵工唔難,畢業後就搵到金融機構工作職位,專做數學財經模型(計量金融),後來轉做電腦交易程式,如果純讀經濟,賓架P話在巴黎幾易畢業即失業㗎!十年前金融海嘯,不少法國人不約而同移居香港,賓架P就係其中一位,到港後,有啲運氣搵到外資ibank做有關AI交易方面嘅研究工作,佢話如果留在法國,好難有此突破機會,因為2008年之後,所有歐洲銀行表現差勁,輸晒畀美資行。於是左丁山問佢:香港大學生叻仔叻女多數讀商科,你請唔請呀?賓架P大笑:「現在我每年審閱見習生申請書,前幾年注重數學與計量金融,呢兩三年以至未來幾年,會集中考慮電腦科學,data science等主修生,對商科生嘅優次排得幾低。做銀行交易員,推銷財富產品現時完全講big data,用大數據分析,讀商科而唔讀電腦,等於廢了武功。商科好易在職訓練,電腦程式就要由大學訓練呀。」唔怪得中大率先要注重STEM教學及收生,高中學生選科要仔細考慮新形勢。




左丁山                                                                                                                                 

Rank: 5Rank: 5


3374
發表於 18-10-16 13:41 |顯示全部帖子
elbar 發表於 18-10-16 11:53
中文大學網站圖片

本帖最後由 planetearth 於 18-10-16 13:42 編輯

對於外國大學,學生轉系是平常事。香港家長可能會有壓力.
如果香港想在創新科及科研方面 領點風騷, 當然要多點投入STEM教育.STEM不應該在大學才開始,從小就要培養STEM方面的思維。重要的是思維,不衹是學懂幾多種編程語言咁表面,也不是懂得計多少條牛頓力學的題目就夠.
而香港要繼續在世界舞台站穩住脚,要認清楚世界大趨勢,認定自己有能力,要做些什麼,然後再計劃點樣去做.
香港在金融科技是有不少研發的,似終在金融方面有根基有需求,可以帶動發展.姨甥讀完工程做過幾分工程技術性工作,現正做金融科技研發工作,數學能力及編程能力是主要基因.
香港醫科都算優秀,對Biotech方面也有發展前景.

Rank: 6Rank: 6


8834
發表於 18-10-18 12:34 |顯示全部帖子
elbar 發表於 18-10-16 11:53
中文大學網站圖片

本帖最後由 JustAParent 於 18-10-18 12:38 編輯

外行扮內行既傻人。 又氹高分學生係香港讀IT。

Rank: 5Rank: 5


3700
發表於 18-10-20 16:33 |顯示全部帖子

回覆樓主

美其名金融科技,其實不過是人類近半世紀製造了龎大的閒資後無處安置,大家弄個賭場來玩,開始時,賭法簡單,及後發展各式各樣的新玩法,有人甚至利用科技制勝,衍生工具一大堆,什麼CDO, CDS,Futures 令人眼花撩亂,日以繼夜炒個飛沙走石,不亦樂乎。科技不過是用來遮掩那顆貪婪的心的糖衣,美化賭博成投資,正直,高尚,睿智等正面行為,實際與幾百年來在後巷玩翻攤無分別,都是賭運氣,今天可能更壞,用別人的錢,賺了就抽水,輸了就鞋底抺油。

Rank: 3Rank: 3


346
發表於 18-10-23 13:55 |顯示全部帖子
而家要識finance + acct + programming + CS 先至吃香...