小一開學1個幾月，已經話11月考試

fong120

學校普考中，所以中文堂識睇唔識聽，特別拼音方面完全零分。中文默書識寫唔識聽，所以成日得20~30分，我唔係求高分，想合格！
但個囡話上課聽唔明，為有返屋企惡補一下

英文教左幾版就話要考，小朋友識既生字又唔多，我為有日日同佢溫下，搞到小朋友同我都大壓力！但又好似眼見其他小朋友無咩野咁，輕鬆上學。

有咩可以方法可以令小朋友輕鬆學習，有無高人指點一下

retriever

fong120 發表於 18-10-12 01:15
學校普考中，所以中文堂識睇唔識聽，特別拼音方面完全零分。中文默書識寫唔識聽，所以成日得20~30分，我唔 ...

普通話拼音，老師有無教呢？

英文認字，你哋有冇閱讀習慣？

有D 野唔係朝夕既事。長遠要培養閱讀習慣。

跟功課之餘，過渡時期只能伴讀，減少D 其他無謂興趣班，增補班。

fong120

retriever 發表於 18-10-12 08:04
普通話拼音，老師有無教呢？

英文認字，你哋有冇閱讀習慣？

普通話拼音老師教左超少 ，（幾個韻音），聲母都未教，就好似以為個個都識！
我都係借d比較淺既書本黎同佢閱讀，希望佢會聽得明。
其實已經無咩興趣班，只報左佢為一佢最鐘意既跳舞班比佢上。
但佢資質本身唔好，所以睇下其他家長會唔會有D技巧可以教下

retriever

fong120 發表於 18-10-12 08:09
本帖最後由 fong120 於 18-10-12 08:10 編輯

普通話拼音老師教左超少 ，（幾個韻音），聲母都未教，就 ...

無論咩資質，閱讀係學習語文最輕鬆既長遠方法。要細路刻意認字串字，除非細路決心上進心較大，唔係越叫越走。

當然短期串字認字都係止咳方法。

普通話拼音，呢D 確係騎呢野，無咩自然方法，只有搵人教，唔係學校老師，就係自己或出面找人教。

fong120

retriever 發表於 18-10-12 08:18
無論咩資質，閱讀係學習語文最輕鬆既長遠方法。要細路刻意認字串字，除非細路決心上進心較大，唔係越叫越 ...

普通話拼音我已經放棄左，因為我家姐細路係大陸出世，學左3年先識拼，佢學左普通話韻母老師就要佢地識哂，所以我對普通話已經認命，佢識聽就算。

可能係我太大壓力，有D精神緊張。

我小朋友做功課，就算係學校做左，我都要返黎同佢溫一次，等佢易明D。因為我估佢返學都係遊雲，（我有囡講過老師有時叫大家照抄，無教）

anniellm

我囡都係小一，下星期（10月中）已經第一次考試。
11月中尾第二次考試。
由細有伴讀，但我懶，不是恆常性。

好在是粵教中，中英文默書都ok。
係英文有時會大意啲。

anniellm

retriever 發表於 18-10-12 08:18
無論咩資質，閱讀係學習語文最輕鬆既長遠方法。要細路刻意認字串字，除非細路決心上進心較大，唔係越叫越 ...

閱讀真係有效。

fong120

anniellm 發表於 18-10-12 08:50
我囡都係小一，下星期（10月中）已經第一次考試。
11月中尾第二次考試。
由細有伴讀，但我懶，不是恆常性。 ...

你小朋友第一次考試會唔會好迷惘?

fong120

anniellm 發表於 18-10-12 08:52
閱讀真係有效。

閱讀你地會點對點，字對字咁讀?定會用口語化生動講?

Elenalan

其實11月先考試唔算早，好多學校一年4考，10月尾已考試。

自細培養閱讀習慣真係好重要，有心唔怕遲，一年半載已見成果。

fong120

Elenalan 發表於 18-10-12 09:05
其實11月先考試唔算早，好多學校一年4考，10月尾已考試。

自細培養閱讀習慣真係好重要，有心唔怕遲，一年 ...

我囡谷唔到個種小朋友，所以考試對佢黎講可能比較唔明。
我揀既學校已經唔係勁，係超普通的，但都好似跟唔上，所以會有所擔心

MrBeast

fong120 發表於 18-10-12 01:15
學校普考中，所以中文堂識睇唔識聽，特別拼音方面完全零分。中文默書識寫唔識聽，所以成日得20~30分，我唔 ...

1 thing at a time. First priority should be pth. So
1 惡補拼音
2 要輕鬆的話就看大6劇，當然是聽國語sound track.

閱讀/伴讀都要做但遠水救不了近火，有網友分享去到中學都未見效

subb

有無了解過, 小一第一次測考, 是否有老師讀卷????

fong120

subb 發表於 18-10-12 09:37
有無了解過, 小一第一次測考, 是否有老師讀卷????

有讀卷，但中文用普通話讀，所以有好多家長都煩惱。

Elenalan

fong120 發表於 18-10-12 09:26
我囡谷唔到個種小朋友，所以考試對佢黎講可能比較唔明。
我揀既學校已經唔係勁，係超普通的，但都好似跟唔 ...

我女都係今年小一，開學後先發現好多2、3線津小先係最谷最多功課測考又密。可能學校都想盡快谷出成績。所以唔好旨意d學校會幫你小朋友去適應了，做父母的也不要輕看孩子的潛能，她只是開竅的時候未到，但你付出的一點一滴一定不會白費。
努力每天伴讀吧，一年半載已見明顯效果。加油!

subb

fong120 發表於 18-10-12 09:46
有讀卷，但中文用普通話讀，所以有好多家長都煩惱。

已經上了班普通話的船, 只好, 好好努力應付下去 !
最初一定要時間去識同認, 比D時間去睇下小朋友是否識認 !

全級也是普教???? 有無分普教到那一個年級????

fong120

subb 發表於 18-10-12 10:05
已經上了班普通話的船, 只好, 好好努力應付下去 !
最初一定要時間去識同認, 比D時間去睇下小朋友是否識認 ...

一年級已經是普教中，沒有解說，所以我母語係廣東話，對小朋友係大有壓力，要雙重解釋再教，因為平時接觸普通話唔多，（學校，這兩個字要可能講多好多次先明原來學校普通話係咁讀）所以往往默書就唔合格

Elenalan

可以出去學普通話GAPSK d課程都好貼近小學。我兩公婆普通話都好渣，所以K2就俾呀女去上PTH (GAPSK, KPCC), 因上普通話亦可幫助認字，到現在小一，上堂全普通話對答都冇問題。

如果想速成認字，我推介青田我自己會讀系列，每天俾佢讀一本，每本有字咭，每套有粤/普通話CD, 幾個月內讀哂全系列，識字量已經可以睇橋樑書了，好過上咩認字班。