DSE試卷怎煉成 考評局一圖睇晒

elbar

考評局更新網誌，講解點樣出文憑試試卷，仲有個「一圖看清」流程圖。（考評局網誌圖片）


【明報專訊】大家知唔知道考評局到底係點樣出文憑試（DSE）試卷嘅呢？考評局噚日更新網誌，解開試卷製作過程，仲有流程圖。首先，由大專院校學者、中學教師、課程同科目專家等組成審題委員會，委員會入面有試卷主席、擬題員、審題員同考評局科目經理。擬題前會有個預備會議，就住評核目標、題型、涵蓋範圍同題目要求等，會向擬題員提供擬題指示。


審核員變中六生答題


擬好題目後就到審題階段，委員會會討論同修訂試題，仲有評卷參考嘅草稿。而試卷主席同考評局嘅科目經理喺唔同階段都會參與校對工作，包括校對同確認試卷付印稿。試卷定稿後，仲要制定埋個表去檢視整份試卷，睇吓係咪涵蓋到學生學習範圍及認知要求。


有咗試題，兩名試卷審核員就會試答成份卷。佢哋要當自己係中六學生程度咁做題目，做好後要填埋審核項目清單，確保全部試題清晰無誤。做完卷又無問題，校對員就會校對試卷拎去印初稿，試卷印好後，再由另一個校對員校對原本考卷個樣本。考試內容高度機密，所有審題委員會成員都要簽保密協議㗎。

JustAParent

elbar 發表於 18-10-9 10:22
考評局更新網誌，講解點樣出文憑試試卷，仲有個「一圖看清」流程圖。（考評局網誌圖片）

係家Ｄ記者，真係當自己寫緊EK/Whatsapp，成篇文口語到呢 ...