沙呂小學澳洲遊學團掠水 校長教師涉挪用作私人旅費

Vanadium

ABC-DAD 發表於 18-10-13 10:54
澳洲要接待小學生home stay 要咩要求可以分享一下嗎？

其實你想知啲咩呢? 我想係咁開放既世界，已無咩係無人知，我怕我講左又等於無講。

或者我講清楚，我從來未試過唔係畀出邊旅行社搞，homestay全部佢地安排。

另外，經驗話我知homestay質素參差，如果有機會可以自己搞，而年年都一定有遊學團，可以早早mark定好既homestay，保持聯絡，然後每年都住返果批。但批畀外間做，加上要報價揀最平果間，要做到年年係同一批homestay應幾難。

ABC-DAD

Vanadium 發表於 18-10-13 11:04
其實你想知啲咩呢? 我想係咁開放既世界，已無咩係無人知，我怕我講左又等於無講。

或者我講清楚，我從來 ...

學校跟本係同agents 包團多啦，係咪，自己攪？你都話agents 食水深，咩5自己攪同agency 一樣價意味咩呢？

ABC-DAD

Vanadium 發表於 18-10-13 11:01
回覆 ABC-DAD 的帖子

我個人做過呢類遊學團，特別果啲語文學習、文化體驗、娛樂活動團後，自己已確定仔女 ...

你確係佢知音人
＃＃Vanadium 發表於 18-10-13 11:01

回覆 ABC-DAD 的帖子

我個人做過呢類遊學團，特別果啲語文學習、文化體驗、娛樂活動團後，自己已確定仔女係唔會join，根本中間畀旅行社食價太深，而旅行社大都搞得好hea下，旅遊多過學習，自己搞按排仔女去平得多，又可以更有意義。但亦知好多父母會join，一來無時間自己搞或陪仔女去，二來紿終成班同學，仔女可能會開心啲。

可能係咁，沙呂校長竟然自己搞，仲年年自己暑假唔放陪學生去，係我角度睇佢係crazy。佢可能真係當左學生係佢自己仔女，勢要自己按排一切，搞個高質又真係學到野既團比佢地，不過睇黎佢真係花得太多心思係個團既教學活動(我睇過覺得相當唔錯)，已無時間處理財務報告或瑣碎事務，要知道咁搞，連影印一張紙理論上都要開單分開同學校條數，淨入數已可以煩到你死，以機構名義開個外幣戶口、仲要係用黎找日常細數......聽聞係比個人麻煩得多，有銀行甚至係唔會做，外間又會知幾多。

如果沙呂校長離開學校，若全職搞交流團，相反我就一定會join佢，呢件事我更相信佢係有心人，佢搞既團我反而有信心，仔女會學到更多野。希望真係咁。

其實搞團要搞得好，真係要係有心人做，但做得好係好煩，唔係個個人會做。記得昔日我搞團，其中一個要求，必係要去一啲學生自己同家人旅行去唔到既地方，如國家機構、或真係走入去當地學校同當地學生一齊上課同生活咁，但聯絡工作極度煩瑣，交畀旅行社佢地係唔會幫你或識點做。＃＃

希望你兩位合作愉快啦。

shadeslayer

Vanadium 發表於 18-10-13 11:01
回覆 ABC-DAD 的帖子

我個人做過呢類遊學團，特別果啲語文學習、文化體驗、娛樂活動團後，自己已確定仔女 ...

講來講去也是一個忙字，出左事，上法庭作為求情理由也汶水。

Vanadium

ABC-DAD 發表於 18-10-13 11:41
學校跟本係同agents 包團多啦，係咪，自己攪？你都話agents 食水深，咩5自己攪同agency 一樣價意味咩呢？

...

咁你就睇內容啦。若然一樣價一樣內容，咁學校又唔畀人地搞，咁就可能落左格賺左錢。

但若然課程、homestay質素、活動內容都唔同，咁就難以比較。

你講開homestay，舉個例，高質素、家庭既人好既homestay，可能收費貴少少，做家長，你會住平，但隨時學唔到野仲畀人嚇到有心理陰影，定住貴少少質素高少少? 我諗10個畀得起去遊學既家長，10個都寧願貴少少吧。但若批畀人做，跟足條例，係要價低者得，你標書只可以話住homestay，有無得講要好少少? 咩係好少少? 無定義，結果就算平左......可能得不償失。

公營機構做野就係咁，要交代只會睇個數字，質素好難行先，最慘最後又畀"市民"話服務質素低....

我第一個回應已講....社會有無諗過究竟想要咩。

真正好既野，係講個信字，就如你信一個人一樣。

shadeslayer

Vanadium 發表於 18-10-13 11:57
咁你就睇內容啦。若然一樣價一樣內容，咁學校又唔畀人地搞，咁就可能落左格賺左錢。

但若然課程、homestay ...

題目所引發的爭議在那？ 不是個團幾多錢，好唔好，餘額是回水定留作學校備用。重點係事前和事後有冇 transparency.  

Vanadium

回覆 shadeslayer 的帖子

我最後講埋呢段.....

媽媽從小含辛茹苦、無微不至咁照顧、關心一個小朋友成長，長大後，小朋友因識左壞既異性朋友，行為經常激怒頂撞媽媽，媽媽只係默默咁繼續耐心勸導，點知有次小朋友表現太過份，言語上激得媽媽很心痛，然後媽媽忍不住打了小朋友一掌..........

小朋友聽朋友講立即報警，媽媽按法律犯了傷人罪，法官按法律要判佢有罪。

法律上媽媽有罪小朋友無，但無論講人格與道德，小朋友比媽媽差得多!

沙呂校長為人、沙呂小學做成點無人再講，今日只講佢執漏啲單據，行政失誤左幾多，呢個就係社會與傳媒。


我要講既: 完。

ABC-DAD

唔該哂。
有啲學校家教會校董會招標都會有selection broad, 唔係只係睇價錢，有好多專業人員嘅家長列席，唔係講得咁兒戲。

ABC-DAD

Vanadium 發表於 18-10-13 12:14
回覆 shadeslayer 的帖子

我最後講埋呢段.....

我都唔覺你舉嘅例子有咩相關性，為咩咁煽情去淡化當中嘅焦點？
當事人都無你講咁多嘢，你同薛校長都幾夾，幾明白幾時打人情牌可以為自己創造緊急出口。

ABC-DAD

Vanadium 發表於 18-10-13 12:14
回覆 shadeslayer 的帖子

我最後講埋呢段.....

如果係child abuse 嘅case 又能否用上你呢個譬如？
社會嘅法制都唔係你講咁不近人情，咪亂套。

ABC-DAD

Vanadium 發表於 18-10-13 11:57
咁你就睇內容啦。若然一樣價一樣內容，咁學校又唔畀人地搞，咁就可能落左格賺左錢。

但若然課程、homestay ...

似乎你對開標，同定合約標準，要約內容都無接觸過。

ABC-DAD

有賬目，就攞賬目出嚟交代，係最起碼建立互信嘅基礎。

如何採購，都有程序，有嘅話都可以交待。

活動完要寫活動報告喎，有無存底？

shadeslayer

Vanadium 發表於 18-10-13 12:14
回覆 shadeslayer 的帖子

我最後講埋呢段.....

曾蔭權夠為香港付出好多，我信佢真心，但犯了法點算？努心努力只可在入罪後作求情減刑之用。最後要不要堡監？要。太忙可否脫罪？太忙可否求情？

世界上要有公私分明的人。



係未執漏单據，人地未查你也知？校長涉嫌私吞餘款，「太忙」這藉口可以用來做乜？

Radiomama

ABC-DAD 發表於 18-10-13 13:36
有賬目，就攞賬目出嚟交代，係最起碼建立互信嘅基礎。

如何採購，都有程序，有嘅話都可以交待。

我有兩點最不明白，一、機票咁容易做tender, 點解唔早做？二、點解要帶團老師用自己個外幣戶口？

我個仔參加遊學及交流的例子已有幾次，不明白為何沙呂小校長涉嫌犯的錯誤可以輕輕帶過。

ABC-DAD

Radiomama 發表於 18-10-13 14:47
我有兩點最不明白，一、機票咁容易做tender, 點解唔早做？二、點解要帶團老師用自己個外幣戶口？

我個仔 ...

有嘢唔想透露啩。

Radiomama

夜幽靈 發表於 18-10-13 17:50
我及我的同事舉辦及統籌過不同形式的學習團、培訓團、考察團等等，絕對比V君經驗豐富。所有行程、活動當然 ...

你的經驗相當可靠，與我所認識的學校及老師們的做法一致；而且有些每年都舉行的交流團，學校會刻意將經驗傳承分享，由不同老師接力負責。

shadeslayer

夜幽靈 發表於 18-10-13 17:50
我及我的同事舉辦及統籌過不同形式的學習團、培訓團、考察團等等，絕對比V君經驗豐富。所有行程、活動當然 ...

有一定嚴緊性的機構也應該這樣做。

ABC-DAD

有無實際操作經驗，唔難察覺到；正經做生意嘅agency，賬目會跟得很清楚。