沙呂小學澳洲遊學團掠水 校長教師涉挪用作私人旅費

ABC-DAD

人格，真係人人唔一樣。
重有啲一時一樣。
調查、討論同批鬥邊何以拉埋一齊去講。

一個校長，應該坦然面對，為自己做嘅事負責，提出明確收支紀錄去為自己清白辯護。

有人將件事拉埋其他操守盡責任嘅教育從業員一齊，講咩小做小錯，按章工作云云，重要話家長追究責任之類嘅說話，睇怕司馬超要認阿四嘞。

shadeslayer

Vanadium 發表於 18-10-12 23:51
我大大話話相識以千計教師，都未識過一個好似你地講到咁邪惡，千方百計攞著數同回佣。

新聞既野，睇住先， ...

你仲未明，校長有冇犯法有冇事就未知，要查明。雖然表面證供很不利。但你講的說話令人反感就好清楚。

Vanadium

最近醫療事故投訴新聞多左......聽到有報道，醫護界已有講法，為避免被投訴醫療失誤，減少為高風險病人進行高風險手術。

係人手唔夠、工作超多既公共服務，係你做1千1萬件好事，但當中只有一件因忙碌而做得唔好或做錯既事，就會被窮追猛打下，相信有人選擇離開、有人選擇低風險按章工作，係極度正常。

人格.....亦要看被服務對象之人格。不過講返果位校長，好似支持佢既家長都坐滿禮堂，看來社會像人格分裂.......大家睇到既野好唔到。

唔認識一個人、唔了解環境與運作，做旁觀者單看報導就諸多批評，但局內真認識同相處既人.....佢學校既學生同家長，又反而體諒同支持，究竟邊班人出錯? 定某一批人人格出左問題?

呢種風氣，現存於所有社會範疇，整個社會都在suffer，寸步難行。

Vanadium

ABC-DAD 發表於 18-10-13 01:02
有人將件事拉埋其他操守盡責任嘅教育從業員一齊，講咩小做小錯，按章工作云云，重要話家

老實講，可能你認為"操守盡責任嘅教育從業員"，就係"小做小錯，按章工作"既從業員，你唔知或你有誤會啫。

你勁讚既學校，我同佢地既從業員都傾到下計，因避險或避麻煩家長而調適左啲咩，唔通會話畀學生、家長同社會知咩。

ABC-DAD

Vanadium 發表於 18-10-13 02:38
老實講，可能你認為"操守盡責任嘅教育從業員"，就係"小做小錯，按章工作"既從業員，你唔知或你有誤會啫。
...

請注意老實講，我係對［你講嘅嘢］有反彈，不過你有啲善忘：
【  Vanadium 發表於 18-10-12 23:51。我大大話話相識以千計教師，都未識過一個好似你地講到咁邪惡，千方百計攞著數同回佣。

新聞既野，睇住先，唔好一有報道就當事實，特別講到人格或批判類報道，好多時真係唔知既嚇死，知既就笑死。

呢件事行政失當一定有，做唔足程序要求一定有，但若然話就等於校長或老師絕對係想攞著數、賺錢，以我認識呢位校長，機會非常細。

當每個老師都為避呢樣果樣而按章工作，減少失誤被批鬥之可能，都真唔知係邊個福氣。記得我仲係學校時，搞交流團真係好大壓力，錢根本係小問題，如我一定先自己出，account係負數，然後claim返，甚至寧願claim唔足，就一定唔會畀人可以話我有錢落袋。但最大問題係對人地小朋友既責任，去到外地，有咩事，其中任何一個唔生性出事，我深知一定比人追究責任，勁搵你邊個程序出錯，置你於死去賠償。

好在搞近20個團未出過事，但每次都會諗: 上得山多終會遇虎，邊個敢包一世無意外無疏忽?

所以，做教師....最好都係按章，唔好搞咁多野，畀人話兩句，至少耐你唔何，好過今次呢位校長咁，必定會被炒。 】

ABC-DAD

Vanadium 發表於 18-10-13 02:17
最近醫療事故投訴新聞多左......聽到有報道，醫護界已有講法，為避免被投訴醫療失誤，減少為高風險病人進行 ...

你對自己嘅做人態度、自己嘅想法，表達得好透徹，專業咁去為一啲不負責任嘅事，東拉西扯找藉口去魚目混珠。
定義唔正確，模糊焦點，推捨責任。賊喊捉賊嘅手法已成慣技。

咁樣表達唔到你自己真正嘅睇法。

shadeslayer

Vanadium 發表於 18-10-13 02:17
最近醫療事故投訴新聞多左......聽到有報道，醫護界已有講法，為避免被投訴醫療失誤，減少為高風險病人進行 ...

真大方，醫生開錯你刀，你表演去可憐佢囉。校長呃晒你D孩子讀書錢，你表演去關心佢囉。

貪贓枉法，和專業失當同是嚴重過失，貪贓枉法嚴重得多，因為一定是誠信問題。專業失當，可能只是貪快，唔專心，沒同理心。

貪贓枉法，和專業失當是兩個層次的事。把他們混為一談，係好肉酸。貪贓枉法又好，和專業失當又好，同樣要澈查。

ABC-DAD

Vanadium 發表於 18-10-13 02:17
最近醫療事故投訴新聞多左......聽到有報道，醫護界已有講法，為避免被投訴醫療失誤，減少為高風險病人進行 ...

妄加定義，並唔係健康嘅討論應有嘅態度。＃人格會按服務對象調整？我唔知V 你係咪無足夠時間去思考過呢個講法....本身唔似係全整人格嘅人會講嘅定義。

Radiomama

Vanadium 發表於 18-10-13 02:17
最近醫療事故投訴新聞多左......聽到有報道，醫護界已有講法，為避免被投訴醫療失誤，減少為高風險病人進行 ...

由傳媒爆大鑊、相關人士反駁、社會跟進、調查機構介入，最後真相大白。以上pattern屢見不鮮，要怪罪傳媒？

醫療事故是不幸，但對受影響家屬是何等傷痛！報導、調查、結論，讓大家知所警惕，忙碌不是藉口，職業司機因貪快（忙碌？）、跑多兩轉、身體不適照開工而釀成交通意外，法庭也照判有罪。

回說學校，沙呂小的涉事校長資歷深厚，年屆退休，她更是不少年軽校長的mentor, 受她指導的教育界人士能不輕嘆？但是其是、非其非，不能推卸說什麼少做少錯，而是應該改善現有的漏洞，讓更多教師「安全」地辦教學/遊學/交流活動。

ABC-DAD

講到好有經驗閱歴嘅-V, 不如講下有心去為學生家長省資源，選擇最合宜嘅遊學方式吖？

1係成本上，如何選擇日子，可以有機會訂到最平嘅機票，如何利用團票人數去爭取優惠，降低成本？

2.在不同國家住home stay 有咩要注意，如執照上有無限制年齡同人數，成人可否住附近民宿或安排大學宿舍去減低成本？
問住咁多先。

ABC-DAD

如果多除少補，大可用港元報價，長時間持有外幣現鈔，面對換嘅滙價上落風險咪更大？

ABC-DAD

11年澳元對港元8.6
現時係5.6。

ABC-DAD

如係非 牟利嘅項目管理，zero budgeting 似乎係正常。7年都無每年獨立收支賬目似乎講唔通。就算現金流嘅管理手法唔計，畀質疑，就應該好簡單提供7年嚟嘅賬目去支持自己講法，係最起碼維護學校校職員師生嘅做法。

ABC-DAD

寬容，係培養學生從錯誤中反省學習嘅其中一種可以選擇嘅手段。

不過作為一個以教育作為專業嘅管理人員，嚴謹，相信係自我追求嘅工作規範。

Vanadium

ABC-DAD 發表於 18-10-13 09:01
講到好有經驗閱歴嘅-V, 不如講下有心去為學生家長省資源，選擇最合宜嘅遊學方式吖？

1係成本上，如何選擇日子，可以有機會訂到最平嘅機票，如何利用團票人數去爭取優惠，降低成本？

2.在不同國家住home stay 有咩要注意，如執照上有無限制年齡同人數，成人可否住附近民宿或安排大學宿舍去減低成本？
問住咁多先。

1. 學校假通常就係旺季，機票一定貴啲。所以，唔少學校係唔會係學校假做交流團，如有少數學校會刻意搞課外活動周，整個星期唔返學去左交流，亦有學校會大考後暑假前做，亦會平啲。呢種搞法老師最開心，唔使用自己假。

團體買機票係無咩特別優惠，只係15人送1張(唔知有無改)，航空公司報價，大都睇機位銷售情況，你人多都唔一定平畀你，有時甚至可能貴過你個人買，因個人買仲有機會係買到特價飛。

團體較多好處反而係可上課程既學費、活動既入場費等，有團體優惠，但實際在今時今日好多網絡都可以個人名義買到團體飛，以團體去搞已不見得一定有著數。

其實搞個遊學團成本幾多，做家長自己都可以計下，機票加住宿，學校課程等，網上大都會搵到收費(當然要以個人買網上團體飛咁計)，若有認真去睇下，相信會問: 點解學校交流團會比自己睇到既數字貴(咁多)，主因係協辦既旅行社要賺錢，當然呢度有人話佢係提供服務收費係應該。

2. Homestay若搵旅行社幫手搞，絕對係out of control既野，住得好好有，住得好差有，無咩野可以注意，就似人地分配公屋畀你，講彩數。當然更多時係學生本身問題，部份太自我根本不適合住homestay。

學校搞活動好多小心位要處理，住民宿相信係危險位，有咩事一定畀人鬧。大學宿舍未必一定平，亦未必畀你，其實咁多個住宿，我之前做就覺得homestay好大機會係最平，唔單止住，仲包埋你食，搞團想平一定住homestay，而homestay講出黎又好聽，咩同當地人一齊生活、體驗文化。

MrBeast

我以為junior staff 先會take shortcuts, 所以要有管理層

ABC-DAD

Vanadium 發表於 18-10-13 10:31
1. 學校假通常就係旺季，機票一定貴啲。所以，唔少學校係唔會係學校假做交流團，如有少數學校會刻意搞課外 ...

你講左等如無講。

ABC-DAD

做啲咁行嘅，就算咩心得啦，隔離討論左20版咪重清楚？咁都算係為家長着想？有必要揾個隨團校長去改文？去澳洲學煮食？節省嚟平時請NET好過啦，人人受惠。

ABC-DAD

澳洲要接待小學生home stay 要咩要求可以分享一下嗎？

Vanadium

回覆 ABC-DAD 的帖子

我個人做過呢類遊學團，特別果啲語文學習、文化體驗、娛樂活動團後，自己已確定仔女係唔會join，根本中間畀旅行社食價太深，而旅行社大都搞得好hea下，旅遊多過學習，自己搞按排仔女去平得多，又可以更有意義。但亦知好多父母會join，一來無時間自己搞或陪仔女去，二來紿終成班同學，仔女可能會開心啲。

可能係咁，沙呂校長竟然自己搞，仲年年自己暑假唔放陪學生去，係我角度睇佢係crazy。佢可能真係當左學生係佢自己仔女，勢要自己按排一切，搞個高質又真係學到野既團比佢地，不過睇黎佢真係花得太多心思係個團既教學活動(我睇過覺得相當唔錯)，已無時間處理財務報告或瑣碎事務，要知道咁搞，連影印一張紙理論上都要開單分開同學校條數，淨入數已可以煩到你死，以機構名義開個外幣戶口、仲要係用黎找日常細數......聽聞係比個人麻煩得多，有銀行甚至係唔會做，外間又會知幾多。

如果沙呂校長離開學校，若全職搞交流團，相反我就一定會join佢，呢件事我更相信佢係有心人，佢搞既團我反而有信心，仔女會學到更多野。希望真係咁。

其實搞團要搞得好，真係要係有心人做，但做得好係好煩，唔係個個人會做。記得昔日我搞團，其中一個要求，必係要去一啲學生自己同家人旅行去唔到既地方，如國家機構、或真係走入去當地學校同當地學生一齊上課同生活咁，但聯絡工作極度煩瑣，交畀旅行社佢地係唔會幫你或識點做。