估計係數學資優，但口語表達能力很差

Brainwave

小兒自幼已對數學有强烈興趣及敏感度，最喜歡玩數理邏輯遊戲(棋類，rummikub, 數獨) ，而且一學就上手。現在K3, 小一，二的數學課程已能夠掌握。但無奈口語表達能力真的很差 (學術上係無問題，甚至相當出色，phonics比同學好，學校的英文comprehension算深但已可自己閱讀；中文認字就相對差小小，但程度亦算是不錯)咁樣嘅小朋友考小一真係好輸蝕。有無數學叻嘅小朋友同我個仔一樣，口語表達比較差？點幫佢好？

yannietimb

你小朋友同我仔仔好似呀！我仔6歲k3，喜愛數學，數獨，圍棋！
言語治癒師教我可以每天晚上同佢傾計，叫佢講翻佢果日做過d乜野(不要問之前的，話佢地已經會忘記了！) 佢表達得唔清楚，從中可以教佢點樣用完整句子講！
而學校老師就教k3可以寫日記，用圖畫文字都得，每天簡單描述，其實同言語治療師教既方法不謀而合！

Brainwave

yannietimb 發表於 18-10-1 16:34
你小朋友同我仔仔好似呀！我仔6歲k3，喜愛數學，數獨，圍棋！
言語治癒師教我可以每天晚上同佢傾計，叫佢講 ...

謝謝你回覆&建議呀！我會試下，但我都有每日問返佢學校嘅嘢，最近同佢玩每日畀佢睇一集卡通片，然後要佢講返集卡通嘅內容畀我聽。你小朋友有見言語治療師？佢情況係點？

小曳人

其實每年SFA收唔少呢類.. 面試輸哂嘅醒目仔...
我仔當年就只得SFA嘅offer
如果另有心水，可以考慮小一報多幾個數學比賽，遲d考小二插班
俾個實例你，能力高嘅，唔駛奧數訓練，靠自己睇書都可以攞到一等/金獎之類 (另有棋類大獎)
有學開奧數嘅，有人越級攞頭幾名，然後攞去插男校s (都收！)
祝你好運！

Brainwave

小曳人 發表於 18-10-1 18:09
其實每年SFA收唔少呢類.. 面試輸哂嘅醒目仔...
我仔當年就只得SFA嘅offer
如果另有心水，可以考慮小一報多 ...

多謝你！可恨我竟然miss咗報SFA!!
我都諗定插班呢條路！但如果好彩有學校有second in,見仲有少少時間唔知可否垂死掙扎下，惡補下表達能力。

小曳人

Brainwave 發表於 18-10-1 18:14
本帖最後由 Brainwave 於 18-10-1 18:25 編輯

多謝你！可恨我竟然miss咗報SFA!!

太可惜...基於孩子特質，SFA 係我當年最有把握嘅學校

yannietimb

我仔是聽障小朋友，一向有做語言訓練，我都係幫個仔報好多圍棋數學數獨比賽(佢好熱愛去比賽), 希望靠呢d獎有學校會欣賞佢，sfa我都無報，因為個仔聽力既限制，我怕sfa太大班，加上全部勁人，佢會讀得好辛苦，但其實我都認同sfa interview既模式最可以俾呢類小朋友發輝！我相信即使最後果堆私直零offer, 津校扣門有學術點都唔會得個吉呱。。。都擔心中！！

Brainwave

yannietimb 發表於 18-10-1 20:53
我仔是聽障小朋友，一向有做語言訓練，我都係幫個仔報好多圍棋數學數獨比賽(佢好熱愛去比賽), 希望靠呢d獎 ...

原來係咁，囝囝加油呀！希望佢哋都可以入到心儀又適合佢哋嘅學校啦

yannietimb

Brainwave 發表於 18-10-1 20:58
原來係咁，囝囝加油呀！希望佢哋都可以入到心儀又適合佢哋嘅學校啦
...

謝謝，大家都加油！

toto25

回覆 Brainwave 的帖子

同我囝囝情況都幾似，他由細到大都喜歡數學。他5歳半讀K3，去年同佢去恆常數學班，依家開始做小一程度既練習並每星期他都很期待上堂。平時佢好鈡意玩棋類、Lego可自己看說明書砌出來。他認知不俗，但言語表達差，都幾影響社交及自信心！
所以，每晚我都會問佢每日發生過D事，好似寫日程咁另加講故事，希望佢增加多D詞語幫助佢講長既句子。亦同時了解佢係學校玩左D咩，之前講都講唔到學校的事，依家開始講到小小。因為他剛轉左全日班，等他整頓好心情可能會找上門言語治療師，希望佢可以上小學前有改善。

之前，有老師提及到6歲可做評估，check下係咪資優，然後攞住D報告讀有關課程。不過始終我對這方便不太熟也不敢亂講。剛剛見到您的post只是同我囝囝有D似，傾下計🙂

mandytanghk

小曳人 發表於 18-10-1 18:09
其實每年SFA收唔少呢類.. 面試輸哂嘅醒目仔...
我仔當年就只得SFA嘅offer
如果另有心水，可以考慮小一報多 ...

小兒數頗有天份，小一做過一兩份passpaper, 拿了金獎。
現小二想佢自己睇書學？有冇推介書？還是只需做下以前的題目便可？

小曳人

mandytanghk 發表於 18-11-12 11:29
小兒數頗有天份，小一做過一兩份passpaper, 拿了金獎。
現小二想佢自己睇書學？有冇推介書？還是只需做下 ...

其實都係坊間嘅書，我係响一次接收奧數書當中，成堆放响屋企，然後佢自行消化

mandytanghk

小曳人 發表於 18-11-12 11:50
其實都係坊間嘅書，我係响一次接收奧數書當中，成堆放响屋企，然後佢自行消化

...

thanks！

timtim0831

數理越好，表達能力「相對」父母感覺比較差。因為數理、logic 好嘅小朋友，思想、思考理性可以好成熟；無奈詞彙貧乏，可能腦海想到的事但往往難以表達出來，久而久之不想說⋯⋯多點同佢地傾計、閱讀，相信慢慢會有進步