有沒有學校是可以收內地學生的呢？

964000

Cara2006 發表於 18-10-4 09:27
點解要特別限制 Harrow 呢？
怕 Harrow 會偷偷收父母不在香港有居住權的學生？

Harrow中學有boarding, 如果收大陸人實成村人擁哂來讀。

Cara2006

964000 發表於 18-10-4 09:33
Harrow中學有boarding, 如果收大陸人實成村人擁哂來讀。

我個 point 係，只要不發 student visa ，就已經解決問題。總之，任何國籍，要在香港讀書，一係在香港出生（例如雙非），一係父母必須在香港工作（ dependent visa）。咁已經好清楚啦。事實，而家，其他學校也唔會收冇 dependent visa 的陸生。

shadeslayer

Cara2006 發表於 18-10-4 09:19
咁到最後，即係唯有移民，而唔係用 student visa 。

I do t even know why they bother mentioning Mainland if their requirement is to have a HKID through Quality immigrant scheme.

shadeslayer

Cara2006 發表於 18-10-4 10:58
本帖最後由 Cara2006 於 18-10-4 12:34 編輯

我個 point 係，只要不發 student visa ，就已經解決問題 ...

可能因為 Harrow 有 boarding, 所以要出 Student Visa。但為何要針對陸生？

EconFather

shadeslayer 發表於 18-10-4 13:47
可能因為 Harrow 有 boarding, 所以要出 Student Visa。但為何要針對陸生？

沒有內幕消息，純推測。
哈羅在國際學校中的本地收生比例較高，我相信教育署和學校在談判時，有考慮到其比較遠的地埋而放鬆此比例。但由於屯門太接近深圳灣，不排除部份大陸人會在深圳灣居住，司機送到屯門讀書，車程在一小時內，深圳灣太近南山區，有錢人太多。因此教育層就寫死唔俾只有中國護照嘅學生報讀。

如果父母沒有在港工作，即使買樓和買護照都唔可以。當然你投資移民一定無問題。

而由於國際護照比例已經得50，如果國際護理照那條隊俾中國護照讀，其他國際護照就會減少。香港在回歸後，英基慢慢由英制轉至IB，令在港英國人無法為子女找學校，哈羅主力Target呢類需求。

而我所知，好多英國人都比較喜歡純英制學校，原因是他日回國時比較易接入。所以連無牌嘅Mount Kelly都有外國人Buy。

shadeslayer

EconFather 發表於 18-10-4 19:08
沒有內幕消息，純推測。
哈羅在國際學校中的本地收生比例較高，我相信教育署和學校在談判時，有考慮到其比 ...

我覺得香港政府立法會，不會全心為保障英國人喜歡的英式教育，而限制大陸學生入哈囉。

EconFather

shadeslayer 發表於 18-10-4 20:24
我覺得香港政府立法會，不會全心為保障英國人喜歡的英式教育，而限制大陸學生入哈囉。
...

沒有保障，50本地生已經係大優惠。

aurora0326

父母一方有合法逗留香港的身份的話，孩子就可以申請～

nintendo

shadeslayer 發表於 18-10-4 20:24
我覺得香港政府立法會，不會全心為保障英國人喜歡的英式教育，而限制大陸學生入哈囉。
...

同意，限制陸生，可能真的純是限跨境生而已。
唔覺香港政府是保障英國人，香港大把華裔有外國護照，除非連族裔也限，否則冇得保障甚麼。
亦唔覺英國人特別喜歡香港 H 記，又唔係得 H 一間非 IB。
不過，限咗陸生都仍然有咁多，可想而知冇限制不得了。

shadeslayer

nintendo 發表於 18-10-8 13:49
同意，限制陸生，可能真的想純是想限跨境生而已。
唔覺香港政府是保障英國人，香港大把華裔有外國護照，除 ...

陸生何只香港多，英美世界各地也多，如水銀瀉地。

964000

shadeslayer 發表於 18-10-8 15:18
陸生何只香港多，英美世界各地也多，如水銀瀉地。

直呈銀彈射穿地，避無可避

elmostoney

香港這必須有dependent visa或hkid才能入讀真乃德政,否則香港學校一定被迫爆, 美國就算非法移民都能入讀本地中小學, 所以真係有好多呢d人入讀. 係好有人權, 但對國民真冇物好處.

入英制學校比較有名的仲可選Kellett, 到而家呢個年代, 港府肯定不會保英國人教育要求,反而我覺得留有一些non IB schools, 對某些不想讀IB的家庭,都係一個選擇.畢竟IB在我個人而言,不是那麼"神", 亦不明白為何香港咁多學校一窩蜂去行IB,讀其他學制,考得好,一樣能入好大學. 與其話制度,不如話學校老師學生本身更關鍵.好似d公司攞ISO XXX咁, 人人都鍾意有張沙紙, 好似得到某種認證就是名牌,但間公司有cert都可能營運不善,蝕本.所以我對IB不敵視,只是費解. 因你見英美的好中學, 不一定要行IB, 學生一樣入到好大學.  ~ 都係題外話.

shadeslayer

elmostoney 發表於 18-10-9 11:25
香港這必須有dependent visa或hkid才能入讀真乃德政,否則香港學校一定被迫爆, 美國就算非法移民都能入讀本 ...

學制，好難一制獨大於世，各學制也有特色優劣，在香港，作為一個非主流的國際學制，IB 受歡迎好易理解，因為去英美澳加香港讀大學，也合用。並不一定是學校認為IB入好大學易。

在香港用AL入香港大學不比lB少。

nintendo

嘩，原來非 IB 學校家長，對 IB 學校怨恨不少。
其實都係一個選擇。
IB 多人選擇，即係通街都係，
即係，IB 好似 BMW ，通街係，
你地非 IB ，就如 Maserati Lamborghini 咁，少好多，勁過 IB 啦。
咁諗會唔會開心 d 呢？
冇人話 IB "神" ，何必傭人自擾？

elmostoney

我正正是IB家長, 所以這thread中的IB家長不用太大反應, 我純粹係提一下自己諗法, 冇意put down IB.

自己少時係讀美制,若概括d講,只覺ib將好多以前讀書若想入好點大學, 中學要做這做那的不成文規定制度化,再另加一個ib試, 如此而已.(大家都知美制是奉行全人教育的, 文科人一樣要讀點理科, 理科人不能不讀文科,不能在中學階段後期過份側重一邊).讀英制一樣考到入美國好大學, vice versa.我只覺得IB做marketing 真好掂, 學校比一大筆錢去攞accreditation,仲要年年交會費!

我覺得就算自己細路讀緊某學制, 家長都可以持平之心去分析, 唔洗因為咁有favorable bias.我反而覺得香港IS生態,比較established的學校,學制選擇真的太狹隘, 差不多所有較有歷史口碑的都轉哂做IB,就只幾間除外.

真的非常香港生態, 譬如一開藥房,一間大廈樓下6個地舖, 可以開成4間!

poonseelai

elmostoney 發表於 18-10-11 10:58
我正正是IB家長, 所以這thread中的IB家長不用太大反應, 我純粹係提一下自己諗法, 冇意put down IB.

自己 ...

越來越多國際學校，包括已成立多年，都轉或提供埋IB, 有無特別原因？相信管理層应有考慮過ib強弱項，唔似網上見'過有新校話將会提供ib因市場有需要，這是本末倒置。ib文理兼備，要求兩種語文和 enquiry based, 這些都是我為孩子選ib這教育制度原因，但正正這些要求令ib考試制度未必適合所有孩子，在公開試考獲高分。但我相信孩子所得的skills, 日後都用得着

nintendo

回幾句咋，都唔夠你一半字數，邊個先 "太大反應"，乜 EK 咁一言堂。
其實，唔覺有人好多人話 IB 最好，反而，乜唔係有幾個特別喜歡話 IB 唔好嗎。
做人唔好咁執著啦，人地選擇乜，你理得人？
你覺得讀得唔開心，轉校囉。
唔轉，就要接受，
轉咗，就放下。
其實條條大路上通羅馬，做人放開胸懷，會開心 d 。
各位慢慢，費事比人又話我大反應。

elmostoney

如之前所言, 我只是有感而發,香港is學制相對單一化,家長學生選擇少.IS教育當然比LS彈性好多,不會如此工廠化,但若有更多學制可選,對學生而言,當然更能貼身.每樣"制度",就如其名,每個人都要跟住個套規劃做,選擇多,便可揀套啱自己的套餐而已.即使IB能教出將來所需的skills,也不是人人啱讀,我已開始聽到不少去到y9或以上的朋友,反影學校有"勸退"被評為讀唔上的學生(請不要問我是邊幾間了, 因我一說,就會有家長跳出來話未聽過有咁嘅事), 當然亦有部份是個細路自己覺得讀唔到, 轉去其他學制. (申報一下, 我家二件,一件高小,一件初中,所以暫時未睇得出佢地讀成點,所以不存在因佢地讀唔掂,令我有感而發).

ek家長,不用見到calm down二字便如此反應.我只是奇怪,為什麼有人對ib有意見,便立時被認定為非IB家長.