青春期的魔咒

妹妹頭

回覆 王家爸爸 的帖子

所以我話 "做足準備" 就係依家開始唔好管制佢太多, 有時當唔太緊要既時間, 甚至我會放鬆佢自己決定.... 而且大家都可以傾任何事, 包括佢都可以話我的不是 (當然我真係做錯既時候啦)

Ahbee02

妹妹頭 發表於 19-6-11 17:26
回覆 butterflylili 的帖子

我個女都係中一，就快13歲，我做足準備，迎接佢既反叛期 ...

你女可能會平穩度過，冇青春期呢！

Ahbee02

butterflylili 發表於 19-6-11 16:46
遇到青春期的孩子，有時做家長的父母都會覺得自己更年期提早，真的會隨著孩子的脾氣而情緒起伏，做不到平淡 ...

我女都係中一。之前一兩年，脾氣很壞，動不動就黑你面，勁吾耐煩。到近幾個月，開始同我講返學校發生的野，態度好了很多。希望可以保持下去啦！

Yanamami

王家爸爸 發表於 19-6-12 13:10
如果家長教得好，關係好，夠耐心，俾佢適當既自由度，可能無反叛期都唔定，或者反叛期唔明顯。不過做好準備 ...

你既係仔唔明㗎嘞~女可以好估佢唔到我大果个細时好乖(呆？)，叫佢東唔会西，猜圓㩒扁点都得，我陀佢陀得超舒服，－直以為呢个女会好錫阿媽……点知，－到青春期好似撞邪一样，变左个我完全唔識既人，好可怕｡

qpa

Yanamami 發表於 19-6-12 23:23
你既係仔唔明㗎嘞~女可以好估佢唔到我大果个細时好乖(呆？)，叫佢東唔会西，猜圓㩒扁点都得，我陀 ...

好奇想知下有啲咩事例，  因為我嗰個又係由細到而家都乖

little_yolky

Yanamami 發表於 19-6-12 23:23
你既係仔唔明㗎嘞~女可以好估佢唔到我大果个細时好乖(呆？)，叫佢東唔会西，猜圓㩒扁点都得，我陀 ...

你講得好好，好似撞邪咁

妹妹頭

回覆 Yanamami 的帖子

好驚我個女都會咁, 依家中一升中二, 已經冇以前咁聽話, 但未到恐怖階段..... 擔心中

四隻貓

聽d家長分享話細時越乖越順從既青春期就會越反叛, 反而自細已經唔多聽話既青春期就平穩渡過. 係咪真的呢?

Yanamami

四隻貓 發表於 19-6-13 09:07
聽d家長分享話細時越乖越順從既青春期就會越反叛, 反而自細已經唔多聽話既青春期就平穩渡過. 係咪真的呢?

...

係！細女係肚时已俾佢踢瓜，出世又难凑，new born全日光时间合共瞓少过－个鐘！由人奶轉奶樽用足个半月，用針筒逐支餵成45分钟……反而家下正正常常

Jane1983

Yanamami 發表於 19-6-12 23:23
你既係仔唔明㗎嘞~女可以好估佢唔到我大果个細时好乖(呆？)，叫佢東唔会西，猜圓㩒扁点都得，我陀 ...

佢地變怪獸，可能都係身不由己的。亞女呢幾日同我講，佢感受到莫名其妙的mood swing，佢話以前同學做的無聊嘢，好似大力督佢、唧佢同佢玩，或者講d mean jokes串佢，佢話以前會覺得好笑，而家覺得煩和嬲。

希望由細到大一直關係好，儲落唔少，青春期od吓，都仲頂到。

butterflylili

昨天我和女兒又硬碰硬了，她和我說話的態度非常差，很多時候都不配合我，我們希望她好讓她向東，她偏要向西，結果我發脾氣，她就像發癲一樣大喊大叫讓我離開她的房間，當時那個樣子真的嚇到我了。真的青春期的脾氣嚇死人，一直愛惜她的爸爸昨天都忍不住訓斥了女兒。發現手機真的危害我們下一代，過於沉迷手機，青春期情緒波動過大，只要不順意就會變了一個人。現在老公讓我順其自然，不要再管她，冷處理一段時間，可能也是怕兩個脾氣強硬的母女真的會打起來或是發生嚴重事故。

王家爸爸

Yanamami 發表於 19-6-12 23:23
你既係仔唔明㗎嘞~女可以好估佢唔到我大果个細时好乖(呆？)，叫佢東唔会西，猜圓㩒扁点都得，我陀 ...

有男朋友之後？

Jane1983

butterflylili 發表於 19-6-13 11:01
昨天我和女兒又硬碰硬了，她和我說話的態度非常差，很多時候都不配合我，我們希望她好讓她向東，她偏要向西 ...

如果你女讀書、品行各樣都ok，無學壞，你就暫且放一放，比d空間大家。

其實青春期係脆弱，有朋友個女突然剿番佢覺得亞媽一路偏心細妹，以前成日打佢（初小）的嘢黎唔開心。覺得自己一路考好小學、體藝各樣為細妹開路，個妹係寳，自己係工具...

Yanamami

王家爸爸 發表於 19-6-13 11:15
有男朋友之後？

禁又無拍拖……禁既港女，咪害人个仔~

Jane1983

Yanamami 發表於 19-6-13 13:22
禁又無拍拖……禁既港女，咪害人个仔~

搞笑

Ahbee02

四隻貓 發表於 19-6-13 09:07
聽d家長分享話細時越乖越順從既青春期就會越反叛, 反而自細已經唔多聽話既青春期就平穩渡過. 係咪真的呢?

...

我仲有個細仔，就係頂心頂肺個種。過多幾年，如果個貼仲保留係到的話，我再上黎匯報佢係吾係大個左會乖D？不過我覺得機會微些。

四隻貓

Yanamami 發表於 19-6-13 09:14
係！細女係肚时已俾佢踢瓜，出世又难凑，new born全日光时间合共瞓少过－个鐘！由人奶轉奶樽用足个半月，用 ...

我女自細就係極難湊, 好難攪. 希望佢青春期無來得0甘激烈啦.

今年初中, 暫時佢同我都有傾有講, 不過呀女對爸爸既態度就唔多好, 十問9唔應.

我好努力加操緊老公既'潮語'同辨認同學樣貌, 等佢同女可以溝通得好d.

Yanamami

四隻貓 發表於 19-6-13 14:08
我女自細就係極難湊, 好難攪. 希望佢青春期無來得0甘激烈啦.

今年初中, 暫時佢同我都有傾有講, 不過呀女對 ...

辨認同学样貌

kkhon

Yanamami 發表於 19-6-13 14:37
辨認同学样貌

除左辨認同学样貌，仲有扮开明巴结佢地。

四隻貓

kkhon 發表於 19-6-13 17:12
除左辨認同学样貌，仲有扮开明巴结佢地。

係呀, 唔好批評佢d朋友, 有機會就同佢d同學傾計埋下堆, 仲同佢一齊聽BTS Blackpink.