西貢、將軍澳 (95網)，選校資料整理

Josmama

人地SHARE加整理的﹐大家可以再補充，希望幫到大家。


馮晴：地區神校，馮晴傳言好谷，馮晴甚至有老師2003年跳穚走咗，有朋友早兩年15分入咗。聽聞校長做多ㄧ, 二年退休。

將循：20分都要抽，叩門要111，在校學生家長話近年成績好差
將循兩個副校長都走晒
如果小朋友能善用功課堂，回家前可能已完成功課或餘下少少，通常4~5樣功課。

默書一星期英、一星期中，通常老師會安排小朋友每天串一部生字，上堂當堂課默，全對有奬勵。所以通常未正式默書小朋友已識得七七八八。

考試不淺，但平時功課訓練慣 (功課都深，特別英文每課要做mini project)，所以小朋友自己做到功課，考試才不太辛苦。

Happy不等於學校學術淺，只是學校省卻了很多抄寫功課，主力教導小朋友多思考多運用...

小朋友今年升小三，學校中文科目標每星期要看三本純文字圖書，小朋友每天在家、回校努力看圖書/小說，其實也這是少功課背後的意義。


港澳信義會：乙1都入唔到

宣基：多世襲，111叩門，全校廣教中，冇分精英班，有愛心

田小：乙1入唔到，111叩門。田小今年小一減少功課量, 上年每日都係3-4樣左右, 一航導修堂可以做完回家, 但要睇小朋友隨性...今年小一開始上學期測考唔計分, 今年小一開始不設精英班. 有2班普教中, 3班廣教中。有到校做言語治療

黃永樹：黃永樹今年轉咗前彿教排名較低的小學校長, 校長為大力支持TSA人士, 另担心方針可能大轉，亦怕老師流失，唔駛111叩門

梁潔華：佢已唔太愛歡迎，因為過於精英了，仲有一定要小朋友學樂器，樂器係老師擦，唔學冇20分音樂分，✋哥哥讀過，作為用家唔鐘意學校重精英班，普通班放羊，部入老師質素有問題！

我囡讚緊梁潔華，呢間小學我本人就覺得都幾個好，佢除左學術方便唔會太谷，而課外活有好多比你選擇，視乎你興趣，佢亦有推行一人一樂器，課外活動多，同課外體驗都有。今年又轉左三考

王余：王余上年去過簡介會感覺唔錯，教學都人性化。個校長做簡介會個陣講，佢自己個仔都係喺王余讀，咁我估佢都係對自己間學校教學有信心先會俾自己個仔係到讀。

將天：地區神校，有分精英，次精英班
除非你小朋友好叻，如果唔係唔好揀。我表妹讀緊小六，呢5年9成時間英文唔合格，佢亞媽已經有幫佢搵一對一補英文。而且我覺得呢間學校只着重學術且精英制，如果唔係精英班就無用，品德教育麻麻。

基德：Happy School, 著重學生個人發展, 學生上學上得開心,好像也著重音樂，默書，隔星期默，今星期中文，下星期英文，小一上學期唔計分，小一主要默生字，下學期先有句子。二年班，第一次中默係第一課第1段，加第3課10個詞語抽默，加bouns分默量詞。星期三放早，課後有大量收費課外活動俾小朋友relax。功課，小一上年4樣，今年2年班開始5至6樣，有網上練習，網上練習可做可唔做。有家長義工，可到校幫手攪下活動攤位，小朋友出外活動幫手照顧下，又可做姑事EE，午餐是用活力午餐$19餐，每日有4款選擇，味道ok。全年2測2考，學校有2個net teacher，一星期有3堂net teacher 上。每日，每堂課上半小時，放學有導修堂做功課半小時

明道: 好深，小一已教讀報，英文默書都好深，今年轉制，似循小咁樣上午返學下午活動。學校比好多錢搵到校服務做言語治療

官小: 朋友讀緊話唔錯，上年自行第一輪入左，功課唔算深，上次去過講座，校舍新，分精英班制

陳耀星: 寶校，較多資源比sens學生孚，主任幾好人，帶我四圍睇，最欣賞佢開班叫學生教長者用電腦

陳國威: 寶校

志蓮: 學生lunch要食齋，無佛學堂，好多將軍澳站家長嘅保守線，資源超多，好多活動包括遊學團都唔駛錢或只收好少錢，感覺校長好有心搞好學校
學校著重品德教育，推行愉快學習

黃藻森: 較多資源比sens學生，小一要上佛學，stem唔錯

梁省德: 曾經殺校邊緣，近年為上位，谷得好緊要，超多考試測驗

聖安: 位置隔涉，但學校硬件唔錯，唔駛111叩門

景天: 有好多家長叩到其他學校, 返景天攞返張註冊證, 俾學校留難, 仲將家長分開地方等唔俾溝通, 最後家長要打上教育局, 學校先肯俾張紙叫家長過幾日先有得返去拎

李少欽: 似國際學校，有中文和英文班，家長話HAPPY SCHOOL。

劉德: 愛心學校，校舍少少舊，但校長老師好有愛心和有HEART，有教無類，注重STEM，家長話HAPPY 。

ar-yi

Josmama 發表於 18-9-25 13:19
人地SHARE加整理的﹐大家可以再補充，希望幫到大家。

thx for sharing  

cheung2000

我今年打去景天攞註冊証尚算順利，無留難，舊年去左幾次簡介會，覺得校長同團隊好有心攪好學校，只輸在硬件

vanvan1999

Josmama 發表於 18-9-25 13:19
人地SHARE加整理的﹐大家可以再補充，希望幫到大家。

馮晴係神校黎形容，可能早十幾年，8年都多人追捧！ 宜家好多學校追晒上黎，唔會差得遠，只係教學方式唔同！ 近幾年都少左好多人簡，我大部分朋友d小朋友就算讀得叻都冇簡呢間！ 唔好淨聽人講，自己睇洗好重要！

聖安d課程都好評架，可以留意下！

Elenalan

其實點為之"神校"? 指升中派位成績?

michellemama123

Josmama 發表於 18-9-25 13:19
人地SHARE加整理的﹐大家可以再補充，希望幫到大家。

上星期六去左幾間學校既open day，課程同學校設施分別唔太大，不過仔仔好中意黃藻森個LEGO 課程，唔知區內其他學校有無？(emoji)

CMPL

回覆 Josmama 的帖子

我是將循家長, 學校上年升中派位不錯, 尤其女同學派得好好.
我都好想知’成績好差’是跟據什麼?
可供參考嗎?

將循兩個副校長升職去別校做校長, 學校在上年度交接期已升了兩個資深主任做副校長, 其他老師流失率也很低, 所以學校運作仍然很好.

Elenalan

CMPL 發表於 18-9-26 10:14
回覆 Josmama 的帖子

我是將循家長, 學校上年升中派位不錯, 尤其女同學派得好好.

係lor, 我見將循公佈今年升中派位學校有唔少跨區中學(不只觀塘)，學生跨區考B1實力反映學校成績不俗，點可能會「好差」?咁都叫好差，咁95網有三分二嘅學校成績咪叫「非常差」

CMPL

回覆 Elenalan 的帖子

所以我都好想知 ... 因我聽見不少女同學派到觀塘BAND 1女校, 所以派位應該不錯.

TLHE

回覆 Josmama 的帖子

馮晴是地区一線，未及神校階级吧？
馮晴是保良局系学校，谷唔谷很看孩子能力

能力合適的，这是一間提供高增長價的小学，band 1 率超过六成，跨区band 1 能力也是区內有數的，可以在学校纲页作参考。

中文課程比較其他学校会深些，但学校有校本课程教導，非常有系統，畢業生一般中文程度較高。学校亦规定学生必須学習中、英文打字，及PowerPoint 有利升中後做project 也很適應

小三开始分精英班，就算非精英班，主科亦会接学生程度分層教授，功課的要求亦按程度分配，拔尖出色，補底也足，升中band 1 率高及band 3 非常少

校長勤奮務實派，用心校政事務，老師们也很有经驗。

wongtw

馮晴，黃永樹，將天，以往家長評價是功課較多，舊年開始應有改變，追棒校長的話，部份校長接近退休年齡，留意天主教和聖公會學校最近10幾年，每隔6，7年左右，校長便要大執位，調來調去。

小黃豆B

明道過氣用家，除非新校長去年在小一有所改變，否則完全唔同意”好深”兩個字，小兒六年之間讀得頗輕鬆亦很開心。假如你子女將來以band1中學為目標，明道英文程度其實唔算深。

babytt2

樓主好好心機分享

KE@1111

thx for sharing

alfaromeo

Josmama 發表於 18-9-25 13:19
人地SHARE加整理的﹐大家可以再補充，希望幫到大家。

不要再抹黑景天了，取回學生註冊證完全沒有留難。睇得出學校及老師有心搞好學校，輸在地理位置及學校偏細罷了

pumpkinfly

阿女幼稚園好朋友在陳國威讀，因為家姐在讀，她媽媽話幾好，所以細女根本冇考慮其他學校，其實細女--即系我女的好朋友好醒架，我和她媽媽都認為如果她去叩門未必一線學校沒有勝算（起碼比我女贏面大不少）
陳國威校長到阿女幼稚園去過介紹學校，我們有去過參觀，個人覺得雖然校舍的確細和舊了一點，但是校長老師都幾好，公開課程亦可接受。
個人觀點，僅供參考。ps，我女唔係讀陳國威。

Diesel0202

Thx for sharing

miujoey

Josmama 發表於 18-9-25 13:19
人地SHARE加整理的﹐大家可以再補充，希望幫到大家。

馮晴地區神校， 唔係掛？

huangling825

回覆 pumpkinfly 的帖子

同意你嘅講法。我大仔都係陳國威讀，以往宣傳較少，所以冇乜人留意。其實唔錯㗎，老師有愛心，功課量適中，活動多元化㗎 ！呢兩年校舍開始修葺，有改善。而我細仔比較聰明少少，而家仲考慮緊要唔要幫佢揀間深啲嘅。不過又唔想太谷，所以都有機會讀返陳國威。

Queenie1031

thx for sharing  希望今年選小一的家長有用.