本帖最後由 haihaimom 於 18-9-19 14:07 編輯
回覆 galaxiahk 的帖子
第一段說話，我只能同意一半，對未上學的小孩來說，的確父母就是孩子的全世界，但當孩子上學以後，我就並不同意了。舉個例子，我昨天親身遭遇，我在商場門口看見一位年輕媽媽推着嬰兒車，後面有一位工人姐姐扶着婆婆，我拉開門方便她們進入。那位年輕媽媽也沒有望我一下，但後面那位婆婆對我微笑道謝，工人也有對我微笑。我覺得那位媽媽冇禮貌，但我不會說她沒有家教，因為「沒家教」鬧既對像唔係佢本人，而係佢後面既媽媽。但事實係佢媽媽相當有禮貌。如果有日你在地鐵睇書，忘記第一時間彈起身讓坐，其他人鬧你「冇家教」你一樣會嬲，一件事還一件事，何必要我父母頂罪？當你小朋友再大些既時候，你就會明我講乜。
再講返粗口，品德學習其實一樣要時間，記得小四時，我看見我仔whatsapp gp 內有好幾位同學粗口(英文) 流利到你唔信，對方父母我認識，有學識有教養，冇可能係父母講，但現再睇whatsapp gp已經沒有同學再講，孩子總有犯錯既時侯，知錯、修正、改善都需要時間。(識得睇場合，睇對象都係學習黎)
應該3rd interview時先會面見校長，建議有問題直接問校長，試想想係唔喜歡既學校讀六年，會好辛苦。如果係我，我會直接問點解放那片段?覺唔覺得同學之間既對話唔太友善？我唔覺得校長會認為呢啲問題唔問得。
| 
發表於 18-9-19 10:31
