選唔選金巴倫畀小朋友讀？

smellywhale

利申：我小朋友已經畢業....

呢個係學校主板，好多負面的聲音都被壓下去，希望這個袩不會被banned 。

整體來說，我認為呢間學校係不值得讀，因為從金錢、教學質素、升小、行政各方面條件看，一啲都唔扺讀，如果閣下有其他選擇，一定要認真考慮。

從客觀事實看，升小成績大家可以看往幾年公怖的資料，我不需多説，其實並不亮麗，學校宣傳自己的學生多入喇沙、 拔萃小學和瑪利諾等等，其實是大抽獎的，同學校無關。有個別幾個考入神校的，只佔極少數。

至於教學品質，真係罄竹難書，如果閣下有好多時間同子女補習中文和英文的話都還好（要贊揚其實數學和普通話教得好）... 待續

smellywhale

.... 但小朋友在學校學習的時間亦都白白係浪費了。在學校時間內學不好，就要從其他時間去追來填補，如到了K3 才知道自己的實力和直私要求的有很大距離已經是太遲了。

至於雜費方面，亦是本人最討厭的、旅行費、出席小朋友表演宴會就一定唔會平，大小同價，位位$3xx，一家三口要$1xxx。

老師有愛心型的，也有潑辣型的，這個要看你運氣，但流失嚴重，每年都大換血。

carmen6282001

坦白講，考直資及私立小學，以小一程度中文及英文問，幼稚園及小程度相距大，我與朋友一早已出去補，單靠幼稚園課程出去考，實很難。

meihong

回覆 smellywhale 的帖子

本人是K2學生家長, 亦分享一下暫時感受:

上年K1時, 感覺老師們都有愛心, 熱心, 照顧小朋友都週到, 其他有些有經驗老師, 我眼見教小朋友是很有方法的, 扭計亦可以很快安撫好, 外籍老師流失率高, 本地老師就不算高, 但學術真的一般, 而且樓主講得啱, 當我今年計劃應付明年考小一, 確實學校學術程度差一截, 但基本英, 數普都正常, 是當與外面谷幼稚園比, 會有差異, 但算happy school, 學生唔辛苦, 我眼見同學們都喜歡返學, 是開心的, 但升小結果事實非常一般, 家長很多自己出去外補的。而且, 雜費都不便宜, 有家長是覺得值/不值, 我個人覺得是可承受範圍。

學校行政確實有點差, 管理層比我感覺都有用心經營學校, 但不免得有商業味道。而且會發現有偏坦某學生某家長情況出現, 不公平事情有發生過, 可能家長都不易應付, 學校又不想得罪家長吧......

我個人認為, 這間是中規中矩的幼稚園, 如果有更好當然可以不用考慮, 但無更好offer時, 其實亦不差的選擇。有細佬妹妹的, 通常家長會試名幼, 呢間會是backup, 入不到名幼, 就會選擇這間。

KumamonJ

英文程度是否足夠應付考直資，私校？

Cheryl.Li

我個囡係金巴倫龍年學生，今年小一，我覺該校不過不失，其實想考到好嘅小一，除左經學校學習，自己都要出去補底，仲要小朋友性格主動，通常都考到唔錯嘅學校，我想講即使入到好出名嘅幼稚園，但家長唔同小朋友溫習，最後都唔會考到好學校，我身邊有不少這例子，溫習除左應付考小一，其實應付埋讀小一。

我個囡讀金巴倫時，我跟得好足，每天都溫習功課，到K3時已認讀了很多字（包括中及英），我只考到女校，因為她比較文靜同怕羞，所以出去面試有難度，最後我派到一間都ok嘅津校，入到去讀各科測驗及默書都係9字頭以上，還於測驗中取得中及英文科優異獎。各位加油！

Cheryl.Li

我覺金巴倫整體課程同學習環境其實都ok，我見每個小朋友都好鐘意返學

DarlingS

現時金巴倫家長。

適合與否，視乎貴家長的要求。 我注重英語時間，所以寧願放棄根德園同劍鳴 offer... 入金巴倫。

雜費係高，如果負擔不到，建議不要考慮。

行政同其他幼園一樣，有混亂情況。 有時外套 /功課會放錯小孩書包。家長有自己班群組聯絡取回。  幸好我所認識的大部分金巴倫家長也謙謙有禮，也不會與學校計較這些小錯誤。大部分認為，自己小孩在學校開心，得到妥善照顧已經夠了。

DarlingS

學術，中規中矩。k2 開始不停寫字。 我唔知乜野叫夠唔夠考直資小一。但如果你只是想學校搞掂自己不用理會就有十個八個offer, 金巴倫應該做唔到。要靠小孩天賦或家長network...

從小朋友角度看，佢哋返學係開心既。有時放假經過九龍塘，個女也想去學校望下個門口。

如只著重升小一成績，金巴倫好似唔亮麗。但其中一個原因係佢地細校。 得百幾人一級，人數本來就唔多，何來好多人會入同一小學？。SC 有好多人入名校？但佢地一級已經多人過金巴倫全校...點比？

其實香港係冇 perfect school, 我個細仔都會去考其他的。 如果英文時間少於金巴倫，我又唔會考慮。多功課到好似學之園，也不會報

千源爸爸

DarlingS 發表於 19-3-22 11:14
學術，中規中矩。k2 開始不停寫字。 我唔知乜野叫夠唔夠考直資小一。但如果你只是想學校搞掂自己不用理會就 ...

阿仔係咪升小一了？有冇多D sharing? Thanks DarlingS媽咪

litmelon53

學術對我大囡（K3) 來說偏容易不難，細囡 (K1) 就有點難因三歲專注力很有限，她性格也比較賴皮。K2 開始不停寫字，大囡到K3寫中文字還不太記得筆畫，英文 oral和listening都ok, 串字都 OK，普通話都OK，數學也很好。 兩個囡超級鍾意返學，就算每年都會換班主任和NET也很有歸屬感，因為校長、主任和一眾老師都很有愛心。班主任和NET會定期打電話來講返佢在學校的情況，有時仲會夜晚七八點打來，有時傾半小時也試過，老師教學真的很有熱誠有心。每年學校也會頒發一些獎項給小朋友以作鼓勵，除了學校努力之外，另外暑假我還有在外面幫他報讀英文、普通話和一體一藝。大囡K3憑實力考到八個小一直資私小offer。

我覺得小朋友返金巴倫係好開心無壓力，小班教學，約20人一班，老師能夠比較專注教育每一位小朋友，佢係極小抄寫，這一點亦令小朋友寫字方面少咗時間練習，寫中文字冇我想像中好，佢推行蒙特梭利教學，活動教學令小朋友能從遊戲中學習，所以我囡係有自信和presentative，這一點小一面試係必須。

升小一成績，其實好睇父母有多認識自己小朋友的優缺點，繼而安排特定的活動給他。每個小朋友的特質也不一樣，最好發掘一兩樣強項，另外家教和禮貌很重要，有很多時候小一面試嘅時候就會見真章。
總括來說，金巴倫是一間不錯的學校，私校來說價錢其實間間差不多，小朋友讀書開心很重要，若幼稚園已讀得不開心有壓力，成績也不會好，亦會影響其面試表現。讀幼稚園自信、有禮、專注力和家教至為重要。


以上純粹個人用家意見

Lilo_man

K1有咩興趣班？如果宣幼都收，揀邊間好？