哪些中學比較適合 SEN 學生?

TTCC

阿仔今年5年級, 開始要睇定中學資料, 但阿仔係 SEN 學生, 有無過來人可以分享下哪些中學比較適合佢地呢?   (地區: 九龍城, 黃大仙, 深水埗, 油尖旺 都可以)   
謝謝!!

siulaibb

我大力推介馬鞍山陳震夏中學，他們真的做得很好，尢其係sen方面，一間正常學校來講，對sen同學仔十分關愛，老師同學都沒有歧視她，或遇到過欺凌問題。

Suet2

TTCC 發表於 18-9-12 16:50
阿仔今年5年級, 開始要睇定中學資料, 但阿仔係 SEN 學生, 有無過來人可以分享下哪些中學比較適合佢地呢?    ...

鑽石山佛教志 lin & 炮台山 x 道衛理，課程類似以前嘅職業訓練學校，起碼叫學到一技之長囉！

TTCC

謝謝你們的意見，等我詳細了解下呢幾間學校先，thanks!

Jasmine-4711

TTCC 發表於 19-4-3 15:58
謝謝你們的意見，等我詳細了解下呢幾間學校先，thanks!

如智力正常，不用考慮呢兩間特殊中學，不跟教育局課程，俾輕至中度弱智SEN,唔洗考DSE.

有些人中六畢業都未有小六的程度。VTC同僱主有得揀都揀正常人。

畢業出路窄只有做侍應，烘焙，化，㕑房學徒，酒店執房等。有些更一世冇工作，做下義工。

moonday

Jasmine-4711 發表於 19-6-25 12:43
本帖最後由 Jasmine-4711 於 19-6-25 12:44 編輯

如智力正常，不用考慮呢兩間特殊中學，不跟教育局課程 ...

本帖最後由 moonday 於 19-7-14 14:17 編輯

我小朋友智力正常，科科合格，但情緒唔得，同一般同齡溝通唔到 ，會九唔答八，一唔鐘意就大嗌，不停重覆講同一樣野，會做一啲比較bb行為，例如 咬筆，手指等等，咁應入咩學校?
就算係出面補習老師都話一定要個別，專主力唔得，講野停唔到，一發皮氣會訓地

Jasmine-4711

moonday 發表於 19-7-14 14:14
本帖最後由 moonday 於 19-7-14 14:18 編輯

本帖最後由 moonday 於 19-7-14 14:17 編輯

你小朋友快升中？有冇俾學校心理學家評估過應去主流或特殊中學？

入特殊中學係冇得考6科DSE的。因水平似小學，只有個別同學考一至兩科DSE.出路很窄。

我不是專家，你自己衡量下利斃，針冇兩頭利。

佢有冇食藥，控制專注力及情绪係兩隻藥，仲要行為治療同社交班。

moonday

Jasmine-4711 發表於 19-7-14 15:11
本帖最後由 Jasmine-4711 於 19-7-14 15:13 編輯

你小朋友快升中？有冇俾學校心理學家評估過應去主流或 ...

快啦，我想小朋友入炮台山或志蓮，但唔知佢咩準則收學生

我眼見得多同班同學科科唔合格(有限至正常智能)，但家長都話要入主流中學，真的很辛苦小朋友，感覺似求其有書讀就算 小朋友跟本跟本到，讀黎有咩意思，不停咁坐幾年
可能本身我小朋友幼稚園讀開特殊，也教得很好，所以我不介意，事實佢需要，因他情緒很大，有時控制唔到自己，只同到幼稚園小朋友或初小溝通，同齡唔得，讀主流怕佢比人蝦唔識講，又唔識社交，咁樣去到大海實比鯊魚咬死

Jackie_fck

moonday 發表於 19-7-14 14:14
本帖最後由 moonday 於 19-7-14 14:18 編輯

本帖最後由 moonday 於 19-7-14 14:17 編輯

我仔都係，今年升小一。行為9成一樣，如果有小朋友想同佢玩，佢仲會好大聲對住小朋友喊喂我唔識你嫁。對住人又會講反話講大話。

幼稚園校長同我講要留意佢的成績，雖然佢在幼稚園學術上表現得好好。

e位特幼老師同其他治療師又覺得佢學習能力強，讀書唔洗太擔心，但要多留意佢在小學的社交，怕被人欺凌唔識講，或者根本唔知佢被人欺凌緊。

宜家好似好多問題但有好多意見。

vta137

Jasmine-4711 發表於 19-6-25 12:43
本帖最後由 Jasmine-4711 於 19-6-25 12:44 編輯

如智力正常，不用考慮呢兩間特殊中學，不跟教育局課程 ...

本帖最後由 vta137 於 19-10-30 11:43 編輯

其實而家青少年讀到中三好多都無一技之長，咩都唔做果啲果仲衰，呢啲總叫有個政府認可証書，佢肯勤勤力力就野就ok

王家爸爸

TTCC 發表於 18-9-12 16:50
阿仔今年5年級, 開始要睇定中學資料, 但阿仔係 SEN 學生, 有無過來人可以分享下哪些中學比較適合佢地呢?    ...

其實大家唔知道你小朋友既嚴重性，好難話俾到太合適既意見，點解唔問下學校社工？

vta137

Jackie_fck 發表於 19-8-4 23:20
我仔都係，今年升小一。行為9成一樣，如果有小朋友想同佢玩，佢仲會好大聲對住小朋友喊喂我唔識你嫁。對住 ...

你小朋友今年小一?

moonday

Suet2 發表於 19-3-27 09:02
鑽石山佛教志 lin & 炮台山 x 道衛理，課程類似以前嘅職業訓練學校，起碼叫學到一技之長囉！
...

我小朋友in了炮循，都ok喎，睇了佢地既功課都唔算淺，當然無主流咁深，佢地主要編排實用既課程，佢地中四，中五，中六都有工作實習。

我睇過志蓮，都ok架，佢地一樣有工作實習，好多動手既野，唔會一味讀書

不過我偏向炮循，因家近點

galatea

moonday 發表於 20-3-30 11:23
我小朋友in了炮循，都ok喎，睇了佢地既功課都唔算淺，當然無主流咁深，佢地主要編排實用既課程，佢地中四 ...

為何不讓孩子讀有SEN support 的主流中學呀？暫時無需担心考DSE住，因為有需要的話可以安排特殊考試安排。

moonday

galatea 發表於 20-3-31 22:13
為何不讓孩子讀有SEN support 的主流中學呀？暫時無需担心考DSE住，因為有需要的話可以安排特殊考試安排。
...

本帖最後由 moonday 於 20-4-1 00:38 編輯

對於情緒，行為問題既小朋友唔會太大支援架，正常學生都會比人玩，何況特殊小朋友，我係香港大，知道佢地係中學比人玩既情況，因我細個間學校都有一個同學係咁，佢地會比人玩到無晒自信，激動佢地既情緒等等，見到好慘，好心痛，除非小朋友溝通唔太大問題咋，如果唔咪唔去主流好過去，返正炮循，志蓮果啲會有支援工作，仲好多實用既野學，學術而家有進步，唔會學以前咁，對於佢地將來好大幫助。
如果我小朋友讀左主流，唔無話讀書吖，我相信一入去比人玩死，中學唔同小學呀，老師理唔到咁多，我小朋友同人講野有點九唔答八，好多重覆性說話，行為好明顯睇到有問題，會咬手指，咬電視制果啲，教極都係咁，要接受現實，就算比你讀完中五，中六都無用，佢地唔會再有人理，學校唔會跟進，要自己再揀學啲咩，大把正常學生主流都搵唔到野做，何況我地啲仔

moonday

galatea 發表於 20-3-31 22:13
為何不讓孩子讀有SEN support 的主流中學呀？暫時無需担心考DSE住，因為有需要的話可以安排特殊考試安排。
...

其實我覺得入輕度學校既小朋友還比主流小學好，資源多好多，我眼見同我小朋友同介既同學仔入輕度幾個都情緒好左好多，講野都唔差，還比我小朋友好，只係學術上無咁深，有朋友本身讀主流讀得唔開心，去信去左幾年教育局，又心理學家等先轉得反特殊，讀左開心左好多

galatea

回覆 moonday 的帖子

Moonday,你不是説你的孩子智力無問題，科科合格嗎？
如果只是因為情控制和社交溝通問題而轉佢入特殊學校可能太不值得了。
你孩子曾否做過評估呀？

moonday

galatea 發表於 20-4-1 21:33
回覆 moonday 的帖子

Moonday,你不是説你的孩子智力無問題，科科合格嗎？

本帖最後由 moonday 於 20-4-1 21:46 編輯

本帖最後由 moonday 於 20-4-1 21:45 編輯

睇開精神科，幼稚園讀特殊，小學讀全班都sen既，佢去唔到正常果班，其實我又不太介意，咁多年黎都係咁。
其實我仔都有補習架，唔可以一對3，4果啲，要一對一，因比老師投訴佢唔專心 騷擾同學，如果唔咪一早科科唔合格。

其實呢兩間都唔算特殊晒，佢都有主流課程，我睇過佢啲中一都唔淺喎，中文要學文言文果啲，我仔最弱係呢啲，同埋電腦佢深要打倉頡，用PowerPoint 果啲，我仔都未識 佢合格其實係因為間學校考得較淺

mamimin

moonday 發表於 20-3-30 11:23
我小朋友in了炮循，都ok喎，睇了佢地既功課都唔算淺，當然無主流咁深，佢地主要編排實用既課程，佢地中四 ...

hi Monday,你小朋友是否「自行階段」選了炮循? interview 問什麼?要小學校長信推薦嗎?我小朋友小五，我正考慮炮循同志蓮。

tszwan123

我都考慮緊志蓮，小朋友而家小六，今年係咪冇咗開放日？好想了解多d