國際學校學生愛炫富嗎?

dairymeow

一般嚟講讀得國際學校嘅家境都唔差。學生們會唔會中意炫富，互相比較嗎?
部份私立同直資學校都應該有類似問題，唔知國際學校會唔會特別嚴重?
如果小朋友嘅同學炫富，你哋會點處理? 同點教佢處理?

sxd

我女兒才讀grade 2，暫時沒有看到炫富的學生或者家長，有在學校看到過李*楷也一樣有說有笑，平易近人。

可能高年級後會有吧，小朋友太小還沒有炫富的意識。我已經告誡小朋友多次，進學校要比拼的是學習能力和待人處事的態度，其它都是浮雲。

莫失莫忘

我諗好細既小朋友未識炫富，不過有時去完同學仔屋企玩可能會問點解邊個邊個屋企咁大？咁解有樓梯/電梯/私家泳池等。呢d就要家長自己化解。我相信呢個階段化解得好到第時大個真係有同學炫富小朋友都可以處理得到

mandy_ng207

dairymeow 發表於 18-9-12 07:54
一般嚟講讀得國際學校嘅家境都唔差。學生們會唔會中意炫富，互相比較嗎?
部份私立同直資學校都應該有類似 ...

我仔都係讀幼稚園咋，同學多是來自中產家庭。不過入得國際學校，多數同學屋企都有700呎以上，會駕車出入（都係父母自己揸嘅），約playdate會去d冇公共交通嘅地方，如果平日慳慣嘅確實會有d唔慣。食嘢著衫方面同一般中產小朋友差不多啦～
有定心理準備都好嘅～

poonseelai

何謂炫富？对於生長係富有家庭孩子，住獨立屋，出入有私家車/司機接送，坐飛機只坐頭等，所用全是名牌之類，只是日常生一活一部分，唔係特別炫耀。SPCC在半山，有孩子坐完地鐵行返學校，有孩子行5分鐘到學校都要有工人跟住拿書包。唔同類型學校都有不同生活方式和態度的人，家長教好自己孩子最重要。

抺茶雪糕

poonseelai 發表於 18-9-12 12:10
何謂炫富？对於生長係富有家庭孩子，住獨立屋，出入有私家車/司機接送，坐飛機只坐頭等，所用全是名牌之類 ...

講得啱，好多學校都有非常富有或者一般家庭嘅學生，見過住獨立屋嘅會坐校巴或者自己轉幾次車返學，家長平時用平手袋或環保布袋打扮樸素，亦見有一般家庭小朋友去邊都係工人跟住，家長揸貴車去接送，永遠全身名牌

學校其實就係一個小社會，咩人都有，最重要係自己點樣教同埋自己心態

planetearth

我見到的是越有錢越低調。

健次郎朋友

回覆 dairymeow 的帖子

每逢放學（司機接送）、放假（海外暑期班）點樣低調也藏不住 🤣🤣

Activehealth

planetearth 發表於 18-9-12 14:21
我見到的是越有錢越低調。

完全同意。

阿仔同學住xx半島獨立屋，阿爸阿媽都係香港望族，屋企人全係香港兩大著名慈善團體主席、總理，仲有香港大學都有以佢阿爺命名建築物，返學都搭校車，普通學生一名。因工作上識佢阿媽外家，加上偶然睇咗篇壹週刊報導佢阿爸家族，正知佢屋企咁勁。

仲有，唔少歐洲大國駐港領事，啲細路都讀阿仔果間，同樣低調到不得了。

相反，有個別祖國海歸父母，驚死人唔知佢地係有海外護照嘅海歸人士。

SAS

Local school 啲學生家長比較喜歡炫富吧

poonseelai

对我這個名牌都唔識多個嘅人，即使有人着到一身名牌在我面前我都晤会知，無得炫。曾聽人講話只有飛甩雞毛鞋才着得舒服，唔間價錢都買，特登去店看下幾錢，不過無寫價錢嘅

leemeik

是會比較喜歡互相比較物質上的東西吧。親耳聽過比較新款電話、家裏開什麼車、家有多大等等。在背後說某同學窮，甚至當面説別人屋企很細，車很舊之類也見過，但只是很少數。以前自己讀津校也有，但最多只是有1、2個喜歡炫耀自己有新玩具或用名牌。但我覺得沒什麼，現實中就是有不同類型的人。教育好自己的孩子就好。我教他交朋友要重品德不是背景。不要說別人壞話别人會很傷心。別人有的只要自己努力將來也會有不用羨慕。這世界很多人很慘，讓他知道自己已經很富裕。遇到這種事，可趁機會跟他上一課。

Choochootrain

何謂炫富？司機，歐遊，頭等機位，五千尺大屋...可能對於富戶只是日常基本需要，沒有什麼大不了，等同於平民坐地鐵，住私樓，唔通你同人講我日日坐地鐵，住私樓係炫富？炫富唔炫富好在於聽者心態...

dairymeow

其實我意思係，啲學生會唔會中意互相比較物質上嘅嘢，好似有啲咩名牌，放假去邊旅行，屋企幾大等等。呢啲local學校都有，但國際學校學生普遍家境好啲，唔知呢啲現象會唔會嚴重啲。
我細個都遇到一啲家境好啲嘅同學會笑你屋企細，又比較你爸媽做乜，小朋友未夠成熟未必識handle，自尊心會受損。入國際學校係想小朋友喺自由啲嘅環境學習，但如果成日遇到呢啲情況就會有反效果。

whitesky

回覆 dairymeow 的帖子

我認識的家長有學識, 外國名牌大學畢業，家境好，仔女有教養，佢哋暑假海外上暑期班，旅行等等,  可以給子女好多支援，及經歷，但佢哋都是非常低調，亦沒有掛滿名牌，仔女亦不會注重物質，所謂炫富，可能是你想多了。我看見的越有錢，越低調，更不需要名牌。

freespeech

whitesky 發表於 18-9-14 00:02
回覆 dairymeow 的帖子

我認識的家長有學識, 外國名牌大學畢業，家境好，仔女有教養，佢哋暑假海外上暑期 ...

通常越有錢，越低調！反而那是怪獸家長才喜歡比較。但怪獸家長又多數不喜歡1S！

Saboc

回覆 freespeech 的帖子

赞成你嘅睇法。但而家似乎多咗怪獸入Int  School.尤其比較昂貴嗰d

Saboc

真係好有錢嗰啲反而ok啲。

抺茶雪糕

非常有錢嗰啲一定好低調，而且家境好非常有錢既家長通常讀得書多眼界開闊，中產果批亦通常比較有學識有見識有修養

間中一兩個有少少錢嘅如果有少少show off或睇少人既表現，好快會自取其辱謝晒，因為發覺俾佢睇小嗰個可能比佢有錢十倍


Anyway 周身名牌個個c/h手袋去家長會嘅情況似乎係本地學校常見啲，國際學校反而會見得多casual look，家長們亦比較着重精神上而非物質上嘅滿足，所以小朋友間亦唔會以物質作比較，始終覺得國際學校啲小朋友都比較單純，唔似本地學校小朋友細細個就比較現實

nintendo

dairymeow 發表於 18-9-12 07:54
一般嚟講讀得國際學校嘅家境都唔差。學生們會唔會中意炫富，互相比較嗎?
部份私立同直資學校都應該有類似 ...

樓主，如果你一個朋友，和你去吃晚飯，穿一件 $1000 tee ，你會覺得她炫富嗎？或者這是人家大部分 tee 的價格。
家中的車，最平是 BMW ，你要人家那裏找一架 Corolla 出來 ?
認為人家炫富的，是 "看" 的人，不是 "用" 的人。
我孩子的同學，有一個富同學，爸爸有四架 super car ，平日用 bentley ，媽媽用 BMW 接送。去美國讀大學，父母即買豪宅比佢住。
另外一方面，亦有普通同學，連去美國讀大學的費用也要張羅。
世界總有比自己有錢的人，要不眼紅不自卑才是。