仔仔快3歲的固執行為，近排教到好攰。。

lovalovaa

我想問一下，我仔仔越大行為就越固執，成日乜嘢都要自己揀，例如著咩褲、鞋、帶咩出街、坐咩車、要睇邊本書，玩咩玩具，仲要指定邊個同佢玩，要指定坐係邊，邊個同佢擦牙同係邊個廁所等等，如果唔順佢意，佢就會發脾氣，要花好多時間同佢解釋，佢一向唔太鍾意同其他小朋友玩，佢成日好怕其他小朋友會搶佢既玩具，尤其係車，我話你唔同其他小朋友分享咁就無人同你玩，佢竟然答我話佢唔需要朋友。。係出面玩既時候，好似playroom,公園比較多小朋友，佢會叫我幫佢霸住個玩具，唔比其他人掂，近排住試過推人同打人塊面！不過佢一向比較獨立，1歲半開始上分離班完全沒喊過，老師話佢學習能力強，語言能力高，佢4個幾月開始講第一個字，6個月叫媽媽，宜家中英雙語佢已經可以完整句子翻譯到，記憶力同觀察力都好，去過既地方佢會認到路同埋會所有野都問點解，比左一個答案又再問，成日都比佢問到口啞啞！有無家長小朋友都係有類似情況？可以點教？感謝！

tsw1181

我個女同你個囝都差不多，非常硬頸，我都唔知點教

takchiada

lovalovaa 發表於 18-9-6 00:28
我想問一下，我仔仔越大行為就越固執，成日乜嘢都要自己揀，例如著咩褲、鞋、帶咩出街、坐咩車、要睇邊本書 ...

他們喜歡今年幾大一點的小朋友玩，同齡小朋友他們會覺得太幼稚，溝通唔到，所以唔鍾意同我同齡小朋友玩

LittleCS

固執，係令人好頭痛。
但唔可以讓步，尤其大是大非、德行。
其他嘢，做到就做啦。

因為聰明，更懂得試你底線，攞盡好處。

對於解答問題，盡量答，轉換唔同角度去解釋。佢會學得深入啲，詞彙會比其他小朋友豐富啲。唔需要用bb 話，佢有能力理解大人用語。

skyyyjun

唔知上社交小組有無用呢，想針對小朋友固執，霸道，衝動等問題。

.Molly

tsw1181 發表於 18-9-8 14:04
我個女同你個囝都差不多，非常硬頸，我都唔知點教

我个仔都系，头痛

Kim23456

skyyyjun 發表於 18-11-27 15:06
唔知上社交小組有無用呢，想針對小朋友固執，霸道，衝動等問題。

點都有幫助，佢要同其他小朋友玩遊戲都講求溝通合作

skyyyjun

Kim23456 發表於 18-12-6 14:57
點都有幫助，佢要同其他小朋友玩遊戲都講求溝通合作

請問有無推介呢？

jebby

我之前找個human design 分析師做個reading , 我覺得好好咼！對我了解我個女性格（叫極唔應人、成日唔記得帶e樣果樣、唔聽人講野.....）從而明白她的想法，我亦知怎樣面對她唔知幫唔幫到你地呢?