親子vs獨立

sumpo

應該點平衡呢？
阿女k2, 玩親就要人陪， 成日提親子，咁我應該點訓練佢學識學自己玩? 又應該幾時先親子

helenfan888

隨心而行

sumpo

helenfan888 發表於 18-9-6 13:14
隨心而行

在家有時都會陪下佢玩玩具
但有時自己都累，都算，最慘係我發覺佢真係連玩都唔識玩咁，返到學校自已玩玩具時都好似咩都唔識玩咁，越人問題越明顯咁，所以佢越大反而越痴我，k1返學都唔喊嘅……k2返學返而喊，唉…我都唔知點解佢連望住件玩具都完全唔起勁，唔識玩咁……

vincenthocs

不用擔心,他們大個(k3至p2)會俾朋輩影響而獨立起來.我反而喜歡和他們玩遊戲和看故事書,增進親子感情,他們再大個(P4之後)便没有此機會了...

coraor

如果阿女連有份玩具喺佢面前都唔識玩的話，我會先教識佢點玩先，再由陪佢玩到放手佢自己玩。
佢返學喊會唔會係因為見到其他小朋友都可以自己/同同學一齊而佢唔識所以唔知點算?

提外話: 佢平時喺屋企好少玩玩具? 好少會有小朋友唔識玩學校嘅玩具。(學校嘅玩具大部份都啱佢地嘅年齡玩)

sumpo

coraor 發表於 18-9-12 00:59
如果阿女連有份玩具喺佢面前都唔識玩的話，我會先教識佢點玩先，再由陪佢玩到放手佢自己玩。
佢返學喊會唔 ...

可能我講得唔清楚，佢唔係唔識玩，只係一要佢自己玩時，佢就冇晒興趣，情願唔玩咁意思囉

coraor

哦…咁一個人玩玩具又真係悶d嘅…4歲又真係未必自己諗到唔同嘅玩法。佢係咪冇兄弟姊妹㗎…我d朋友得一個嗰d好多時都要陪玩到初小㗎~
有時唔係佢唔識玩，而係佢知道你陪佢玩會開心同好玩好多。你唔喺度嘅時候佢已經要自己玩，所以佢見到你咪要你陪囉～
如果唔係太攰就陪下佢啦～太攰的話我就會叫佢自己油顏色。

星星的後裔

聽你似是working mum, 她又是獨女。對嗎？佢可能是要你的注意，要你留意同愛護。我都要返正，返到屋企好在有工人，但都太累唔想沃。有時都係訓喺到同佢講故事，亦買一啲一個人玩的智力遊戲劇，等佢自己玩我就旁邊訓底。

至於點玩，佢可以自己創作，唔一定跟大人既定方法去玩。小朋友開心可以好簡單。