引數據指考IB較DSE易得高等級 葉建源倡訂公開試成績換算制

samsam123321

nanadog 發表於 18-9-6 18:16
本帖最後由 nanadog 於 18-9-6 18:18 編輯

應該係NJ 想入本地大學要考DSE 中文

贊成考埋

ilyrd

咁樣複習咗,可行性好低.不如直接處理DSE同收生要求.例如收non-jupas唔睇中文,通識,咁收jupas都唔睇.

samsam123321

ilyrd 發表於 18-9-7 15:59
咁樣複習咗,可行性好低.不如直接處理DSE同收生要求.例如收non-jupas唔睇中文,通識,咁收jupas都唔睇. ...

......

elbar

「拉曲線」論斷文憑試難高分　有欠理據（程尚達）

　　大學以非聯招途徑，取錄海外資歷本地生比例偏高的爭議，在教育界持續討論。立法會教育界議員葉建源日前提出，中學文憑試獲五級以上的考生僅一成三，以英國大學及院校招生事務處（UCAS）計分法計算，在海外資歷考試考獲相若水平的考生比例卻高得多。有考評局友好同程尚達傾開，認為純粹以UCAS推論不同考試深淺，是不切實際。

　　教育界有意見指，文憑試較國際預科文憑（IB）及英國普通文憑高級程度會考（GCE AL）難獲高分，葉建源指出，以UCAS四十八分為指標，文憑試考獲五級或以上約佔考生一成三，但同等的換算分數，在GCE AL考獲A或以上的考生達兩成六，而IB考獲H6級或以上則近三成，如只計約二千二百多名本港考生，比例更達六成二，認為使得大學取錄時偏重海外資歷。

　　考評局友好認為，三者在學制、課程、評核模式、成績匯報機制均有所不同，直接比較欠理據，「況且取得各等級的考生比例多寡，取決於當屆考生的實際表現，不能與考試或科目的水平或難度直接掛鈎；難以取得某等級的考生比例，來比較不同考試的水平要求或深淺程度。」友好解釋，文憑試採用水平參照匯報成績，各等級不會預設特定的百分比，「如果我們設定某個比例的考生便獲五級或以上，那就是『拉曲線』常模參照。」

　　那麼應如何理解UCAS計分法？考評局友好指，標準是供院校以同一尺度評價不同國家及地區的資歷，而非評斷考試是深是淺，「更何況UCAS是按課程內容、課時、公開試水平及考生表現等，制定不同資歷的對照分數，根本不是深淺問題。」

　　有校長友好就同程尚達傾開，認為當年文憑試五級或以上，獲UCAS評定為四十八分，不少意見指有助畢業生海外升學而鼓舞，「現在有人認為UCAS訂得太高，令持海外資歷的本地生受惠，到底如何才合理？」有評論建議把海外資歷本地生，與文憑試考生的學額分配完全分開，始算公平，友好認為個別直資學校收費高昂，質疑是否按學校資助模式「分配」才較公道？

　　本港不似新加坡般禁止本地生入讀國際學校，要大學減收甚至拒收海外資歷本地生，未必合理，如何與文憑試考生平衡，擇優而取，值得再思考。

Lofty

**quote**
將升讀港大醫科的男拔IB狀元葉鉅昭認為，以IB成績入讀醫科挑戰性較DSE高，對失誤空間亦較嚴謹，「看數據（DSE，6科滿分，即42分），下四分位和上四分位的分差，變得有很多走盞空間，即是42分入面，今年最低分就37分，其實有5分走盞空間；

但IB的話，港大要求你考44分（滿分45），得1分走盞位的情况下，不會說一個考試容易過第二個考試」。

**************************************************************

MARXNG

回覆 JustAParent 的帖子

同意男爵府，做人千祈米得了便宜還賣口乖，係非常令人反感。
將D數據橫睇掂睇左睇右睇，個指向都係IB比DSE易攞高分好多，呢個係Fact, 根本冇得拗！除了DSE攞5**只有1.3%，IB攞7有24.1%, 再睇落dDSE攞5以上都係得15%左右，攞4或以上都係3十幾％，唔係高IB機攞7成數多好多咋！只于點解IB易攞高分就好睇大家點推斷，最合理就係IB課程淺，又或課程唔淺但考核評分好鬆，又或者兩者都有；如果你要做推論IB課程係比DSE深，那你要說服自己IB嗰2000幾考生嘅pool優秀情度只有DSE最Top的5%甚至少于5％的考生可相提並論！又或者另一種推論，便是IB制非常優越，將2000幾原來同DSE差不多水平學生，經IB教育教化後推上神級！當然再用d想像力還可以有其他推論嘅。

又邊個考完IB嘅會咁坦白說Ib淺？可能等佢醫科或law畢業後，出來社會做事後人心胸廣闊了，到時或會變得坦白。教育局d官腔癈噏就更不用理會，你要佢認衰改善佢就要硏究再硏究，自己本地制度就像親生兒一樣都不着緊，説什麼要擇優取錄、成績又不是主要考慮，其他學制一樣優秀，簡直對問題視約無睹，兼有點精神分裂。

samsam123321

.....

MARXNG

超依家唔係鬥深淺，係想求真求個公道。IB d coursework，internal assessments，essay呀 佔考試分比例咁重，越小公開試成份越容易茲生腐敗呀，你咪話我話丫

poonseelai

MARXNG 發表於 18-9-22 15:31
超依家唔係鬥深淺，係想求真求個公道。IB d coursework，internal assessments，essay呀 佔考試分比例咁重 ...

ib diploma要external moderation, 校外評核後可調整分數，唔係自己老師話幾多分就幾多分

poonseelai

MARXNG 發表於 18-9-22 15:31
超依家唔係鬥深淺，係想求真求個公道。IB d coursework，internal assessments，essay呀 佔考試分比例咁重 ...

唔係鬥深淺？好似係你地話ib易取高分因為淺

samsam123321

.....

MARXNG

咁個事實話俾你聽最合理嘅推論係IB淺過或評分鬆過DSE丫嘛，我唔可以埋没良心、咁唔合常理話俾人聽IB係深過DSE架，我都唔想DSE深過IB，我只係希望大學收生方面要公平，我都唔提本土(DSE制)優先呢樣嘢，但真係要真正擇優唔係得個噏，既然不合理現象越來越過份，大學同政府梗係要做d嘢架？嘈UCAS又好，大學及政府搞個內部加權指數機制又好，都應該唔可以俾呢d不合理現象繼續，唔係講笑係好嚴肅嘅問題，IB若再任性落去，唔只係DSE深定IB淺嘅問題，亦唔只係大學收生公平與否問題，係整個香港醫療質素丶法律服務質素，工程質素⋯⋯嘅問題，你同我同全香港人都最可能最終受害、整個社會和下一代都要為此埋單架，好大獲架可以

講你哋d IB fans 又唔信定唔明，其實呢d不合理現象存在好多年，只是近來越來越過份，IB狀元一年多過一年，問下身邊考IB嘅幾乎位位都40分以上，是好事？稍有科學精神、疑懷精神既你都會探究下乜現象，而家米好囉，有份2018年兩試數據出來，大家唔使齋噴口水，可以基於基本事實論合理說道理，IB fans最鈡意拋Tok、EE、CAS來説事，CAS不用提，唔計分，formalities 來唧，讀得IB連走過場嘢都唔做就抵死，Tok 、EE⋯⋯香港學生係考試動物，最驚最大壓力係乜？係close book, 走入試場公開考試！D open book, courseworks, 有老師supervision，有足夠時間俾你做嘅internal assessment ，你驚佢交唔到功課唔合格？external moderator 都係用嚟擺設嘅唧，IB又唔係非牟利機構，你都唔係唔知呢個世界商業社會係點運作架啦！再者都係佔三分之麻，斷估交左功課做左presentation 都應該有2分打底卦。

睇過有心人提供嘅TOK考題樣本，真係不是一般人會懂、好多大學生都唔識和中學階段唔應該識嘅問題，但我覺得更令我相信呢D問題真係整色整水，為showoff而showoff嘅問題，如果真係close book, 公開試嘅主修科就真係嚇鬼死人。

唔排除以前IB初心比較清純，但自從多了聰明靈活嘅香港人走入IB後便變質變味, 香港人就有呢種本事將任何原來目的可能純純的都將之功利化，冇解，香港社會原來就是好功利

samsam123321

.....

poonseelai

samsam123321 發表於 18-9-22 21:59
有斷估無痛苦，咁攞1分攞零分果D一定係無交功課。
聽過高分低能嗎？高分低能一詞大多數用於形容中 ...

咁2017年5月应該全球考生有54%無交齊功課

MARXNG

你嘅推論都幾合理丫，補充小小，冇交功課一定係O分，完成唔到成過過程或馬馬虎虎應該都有一分

聽過以偏概全未，執著幾個例子便想否定成個傳統教育真想得美，我們依家睇開嘅醫生、有番咁上下資歷、特別係做手術的醫生不是傳統教育訓練出來嗎？不是說笑、很嚴肅的意見，过多幾年看醫生(可能現正都要開始)普通傷風感冒攞張醫生紙冇乜所謂，若大吉利時要動手術，我唸我會先打聽下個醫生係DSE定IB畢業。

事物總有兩面，依家最新消息係都冇乜人敢否定傳統教育或所謂填鴨式背誦式教育，因為任何知識的獲得，牢記，鞏固都要經歷背誦，背誦同理解又唔係對立，背誦反而可以幫你理解，除非你真不求甚解，只有知識層層札實，基礎穩固，追求更高學問才靠普，不過咁讀書又真係幾辛苦，如果唔係古時都唔會講寒窗”苦”讀。西方式強調互動，活動教學，愉快學習，好處當然係夠愉快啦，但有研究發現（西人做嘅硏究），咁樣嘅學習方式d學生基礎知識又真係冇咁穩固，對尋求高階知識真的冇傳統教育或東方式教學咁好，但既然事物總有兩面，讀得好梗係辛苦，梗係要下苦功啦，想讀得愉快就梗係冇讀得咁好架啦，想讀得又唔想辛苦似乎有遺常理，即使唔係常人係天才相信都要苦讀架，只不過人家對讀書、尋求知識興趣大，獲得感大，蓋過了辛苦罷。

有人話DSE生只會鋤past paper，捉題目，對，這我同意，都説香港是個功利社會，學生是考試動物，家長係怪獸家長，但做人米太CNN，本地IB生唔鋤past paper? 這個提醒了我點解香港IB成績比全球lB平均成績好原因，外國考生可能真係鋤past paper冇香港IB學生鋤得咁勤力。大家唔係以為香港IB生係比其他國家地區IB生優生d下哇？

不過以上都唔係我最想討論，我還是喜歡在數據/事實前説道理，很想知道d IB fans在看清楚葉先生的數據/事實後有什麼推論，先假設數據不是作假吧。希望大家推論時誠實點，用多點常理吧

beastiebistro

要講數據無問題。咁睇完呢版數據，係咪即刻可以唔使再拗呢？

http://gia.info.gov.hk/general/201807/04/P2018070400714_287504_1_1530701707786.pdf

好明顯「數據」話俾我哋聽，大學經非聯招取錄嘅本地學生百分比係非升反跌喎？尤其係3大...

就算計晒所有大學，或者計埋非聯招非本地生都只可以話保持不變，根本無IB或者A Level逐步增加蠶食DSE學位嘅顯示喎。

係睇數據嘅話就要睇數據，唔係政治人做出嚟嘅數據。

poonseelai

馬雲在世界经济論壇曾談及教育，他說knowledge based teaching要改变，否則人会被機械取代，教育需培育soft skill, 包括independent thinking, teamwork。我唔清楚dse在skill方面有包括什麼，但ib理念跟馬雲形容有類似地方，而且ib不需背誦亦是誤解，可能是程度不同。家長並不是否定傳統教育，只是对新高中課程(NSS) 和考試制度dse有懷疑，用腳去投票。另外，ib diploma剛慶祝50週年，199幾年香港已有學校行ib, 所以你睇緊的医生可能是ib畢業，亦可能是英聯邦國家畢業，有機會不妨問下。如果不是回歸後非本地大學畢業医生要通過医務委員会試才可在港執業，相信出外讀医的人会更多。

samsam123321

beastiebistro 發表於 18-9-23 01:34
要講數據無問題。咁睇完呢版數據，係咪即刻可以唔使再拗呢？

http://gia.info.gov.hk/general/201807/04/P ...

.......

MARXNG

俾條link嗰個你到底幫邊邊？我睇過d數據同葉劍源政客幾一致喎！你究竟有冇睇清楚政客份報告？

如果你計全港所有大學學位，剔除俾左non-local的2938個位，2017/28大概有15000個local生位, DSE生佔了12336位即82.2％，local IB生佔了537個位即3.6％，而2017/18年DSE總考生人數和local IB總考生人數分別為約59000 和約2000，即約30 ：1，DSE入大學比率整體平均為20.9％，local IB考生入大學比率是26.9％，比例上Local IB 生仍佔多，但也不致嚴重失衡，所以政客報告開宗明義對這個比例沒有異議。

政客質疑的是那些較受歡迎及收生分數較高學科的收生情況，特別是global bossiness, medic 和law, Local IB 生分別佔46.2％，43.5％及39.5％，若用政客提供的table, 該些科目總學位958個，DSE生佔了632名，local IB生佔了304名，DSE生入讀率為1.1％左右，而local IB生的入讀率為15.2％，是DSE生的13.8倍！

該些受歡迎學科主要集中港大和中大，引用好心人提供的數據，單計中大港大總收生人數，2017/18為7700名，DSE佔5233名，兩大入讀率為8.9％，local IB佔337名，兩大入讀率為16.9％，是DSE的1.9倍，雖然沒前者13.8倍那樣大差距，但反映都是一致現象，前者直接用受歡迎學科統計，後者間接用擁有受歡迎學科最多的兩大去做比較。

關心社會的你，尋求公平公義的你見到這樣的現象，而且不是2017/2018才出現，可能2013或更早便出現，是不是應該去探究一下？IB是不是那麽神？當中會不會有不公平情況出現？若真有而任由趨勢持續而不發聲，這個社會便集非成是。所以政府米擺個2027/18DSE和IB成績分佈來俾大家評評囉。

個成績分佈是這樣的(不盡錄):
DSE考生獲各級成績百分比累計
5** 1.3％
5*以上 5.1％
5以上 12.6％
Local IB考生獲各級成績百分比累計：
H7 24.1％
H6以上 62％
H5以上 86.5％
數據話俾我哋聽ib確實比dse易攞高分

到此為止以上的都是數據和事實，到底大家有沒睇清楚和明白，若未清楚和明白那就不要妄下判斷。

跟著政客米按此分析囉，我都俾曬分析選項大家咁滯，詳細我又唔再講，你唔同意我相信的米解釋點解唔相信囉，如果你有其他推論米講出來，例如我話過如果你想推論lB係深過dse嘅你首先米先說服自己ib個pool優質情度只有DSE最top嘅5％甚至少於5％可相提並論！我覺得咁様讨論先至唔會失績囉，政客講嘅重點都係兩誠考試深淺同評核標準寛緊處，簡單羅輯和普通常識來唧，唔駛TOK, 不過你係都要自我感良好我都冇計架

某某可能你唔會了，其實我唔係睇少IB畢業d醫生，相反199幾畢業嗰批我認為應該夠堅，因為數據趨勢係越來越不合理，即係以前應該較合理啦，我擔心係呢幾年或將來嗰批，都唔肯面對事實呢下先可怕，見到DSE生咁唔公平的待遇都裝唔知，醫生最重要條件係有愛心和同理心，CAS嗰C我唸唔須要creative住，轉左caring先吧

samsam123321

......