阿哥家姐係咪要為細佬妹鋪路??

RHb

請問有經驗的媽媽爸爸們，阿哥家姐係咪要為細佬妹鋪路， 等細佬妹可以直入官津小，之後唔駛煩? 我家有一女一仔，相隔4年，家姐黎緊9月要開始自行/1月大抽獎。細佬仲未夠1數，未清楚他的性格同資質。心儀傳統女校， 應該要個體咁選擇（家姐揀女校，細佬4年後再算）定揀男女官津小?

星星的後裔

要睇好多因素至答到你。比如考到DGS 唔通唔讀？又或你個女未去到咁神級，一間中游女校同中游男女校收左，又好似揀男女校較好。

盡可能我都會分開考慮升學路線。

阿里媽媽

我個case係大女考到直私，但佢為咗一定能夠同妹妹一間學校，所以自己提出，話想去叩門

mimwing

我女都係，
不過神津未到佢(考到級一先有機)，
二線津不如讀返自己間

pekovian

我會揀男女校，明知有個細跟尾好少唔plan長遠些

Lingfung813

不需要同一間學校，每個小朋友性格適合不同學校!
我大仔當年考到直私小學，為了弟弟將來不用考小學就帶哥哥去叩津校，讀了2年津校發現師資和管理差，校風和學習氣氛一般(常常有欺凌事件老師知道也不處理)，功課多亦太催谷。最後弟弟又考到龍幼，所以立即將大仔插班轉校去私小…

直到現在也感到對不起大仔，所以選取適合小學才重要

apple1990

完全分開考慮，阿哥家姐若考到好嘅男校/女校，冇理由為咗細佬妹而遷就；除非該校係同級數嘅男校女校。

964000

視乎情況，萬一細嘅一舊飯咁都係搵大的輔下路好

sunnymama2

我唔會

兩個獨立個體，我唔會因為任何一個而“犧牲”另一個。

mayyylai

睇睇家境情況，如果家庭只接受津校，咁最好為細嘅諗埋，如果家庭經濟許可而大嗰個又真係特別標青，由佢發展，唔好阻礙佢。

adriantai

睇邊間學校而決定.

apple1990

mayyylai 發表於 18-9-3 08:59
睇睇家境情況，如果家庭只接受津校，咁最好為細嘅諗埋，如果家庭經濟許可而大嗰個又真係特別標青，由佢發展 ...

就算目標係官津校都係分開考慮！若細佬妺有能力係標青，一樣可以去叩門或考插班。若細佬妺冇能力，縱使畀佢去到神校都感到吃力。

hohoho888

RHb 發表於 18-9-2 22:32
請問有經驗的媽媽爸爸們，阿哥家姐係咪要為細佬妹鋪路， 等細佬妹可以直入官津小，之後唔駛煩? 我家有一女 ...

我case 同你一樣丫
應該是說如大女是想入直私. 就go ahead, 分開兩個諗吧
如果你是只考慮官津, 我就唔會選齋校了
除非你有宗教底或舊生分可以幫到細佬就另計

chankwaileung

RHb 發表於 18-9-2 22:32
請問有經驗的媽媽爸爸們，阿哥家姐係咪要為細佬妹鋪路， 等細佬妹可以直入官津小，之後唔駛煩? 我家有一女 ...

我大女有前列直私offer，叩門有也是前列的津校，考慮了經濟，時間及細妹，亦經大女同意，入了津校，希望佢䜖得開心

mytambb

RHb 發表於 18-9-2 22:32
請問有經驗的媽媽爸爸們，阿哥家姐係咪要為細佬妹鋪路， 等細佬妹可以直入官津小，之後唔駛煩? 我家有一女 ...

對你「可能」係唔洗煩多次。但這對個大係未必找到最合適佢本人，因此對小朋友來說未必係最好。如果你嘅意圖只係「重男輕女」，當然更加要考慮清楚。我自己覺得最緊要以小朋友本人着想。

ok3

資源許可就分開處理, 否則就睇餸食飯. 不過你先問問自己, 將來自己是否一定會將個細嘅送入大嗰個間小學? 如果你會再同細嗰個考直私或抽其他官津, 又俾佢入到, 而又會去讀. 咁你會唔會覺得個大嘅犧牲得好冇謂? 對佢好唔公平? (上面已經有網友有類似嘅經驗分享)

RHb

ok3 發表於 18-9-3 14:54
資源許可就分開處理, 否則就睇餸食飯. 不過你先問問自己, 將來自己是否一定會將個細嘅送入大嗰個間小學? 如 ...

我就係怕如果細佬又考到直私， 就會對家姐唔公平。但依家細佬仲細， 仲未知佢的資質 。多謝咁多位的經驗同意見， 我都會獨立處理。謝謝。

hohoho888

RHb 發表於 18-9-3 15:00
我就係怕如果細佬又考到直私， 就會對家姐唔公平。但依家細佬仲細， 仲未知佢的資質  。多謝咁 ...

其實到時考到再諗吧

ok3

RHb 發表於 18-9-3 15:00
我就係怕如果細佬又考到直私， 就會對家姐唔公平。但依家細佬仲細， 仲未知佢的資質  。多謝咁 ...

資源許可的話, 我讚成分開處理的

小曳人

無話一定，好睇家庭需要

我個case係抽到乙一，但思前想後，放乙一，取私小
但大嘅竟然問我點可以同細嘅一齊返學，等佢唔駛考小學！