轉讀k2國際幼稚園 苦惱中

ivysuen119

囡囡今年k2由一間村校轉去國際幼稚園 上左一星期堂 老師話佢英文唔掂 相反普通話好好

我問囡囡 喺學校有無同學同佢講野 佢話無 嗰班同學圍內自己講
我問佢想唔想轉校 佢話想
我再問 咁以前嗰間村校好定宜家尼間 佢話宜家尼間 因為國際學校自由度高

我諗緊係唔係要再次轉校
定再俾佢喺嗰度試下適應先
因為囡囡係慢熱型
宜家好擔心囡囡返學唔開心(emoji)

請問有無人試過咁

aaa28

如果英文不好，會很辛苦的，我仔讀了一年pn 國際幼稚園，他回家都全英對答（我在家講廣東話，無姐姐）但佢會自己講英文，我用廣東話問佢答英文。
如果到k2相信英文已好好了，所以如追不上會辛苦啲
你當初點會由村校轉國際學校？目的係乜？要睇你目的喎

大雯bb

ivysuen119 發表於 18-9-1 20:54
囡囡今年k2由一間村校轉去國際幼稚園 上左一星期堂 老師話佢英文唔掂 相反普通話好好

我問囡囡 喺學校有無 ...

俾多點時間小朋友！ 好快會pick up 到！ 加油

Charlie妹

如果係真嘅IS, 不用擔心，因為老師會俾時間及空間小朋友適應和結交朋友。這也是我當年將小朋友由英普幼稚園轉去國際學校的幼稚園的原因之一。不過你的學校是K2上year 1嗎？ 這年要外補追下英文程度。

ivysuen119

aaa28 發表於 18-9-2 06:42
如果英文不好，會很辛苦的，我仔讀了一年pn 國際幼稚園，他回家都全英對答（我在家講廣東話，無姐姐）但佢 ...

想問下你喺屋企有無教小朋友英文？

其實轉校主要係佢以前喺村校 全日班 每日放學要補英文 唔止辛苦 仲學左成年幾 英文都無進步
加上本身嗰間村校唔多好 所以轉校 就直接轉去宜家尼間 想英文好d
我小朋友喺屋企都係全廣東話
而普通話反而係因為村校有部分同學仔講普通話學返黎

ivysuen119

大雯bb 發表於 18-9-2 07:48
俾多點時間小朋友！ 好快會pick up 到！ 加油

我擔心佢會因為咁變得自閉 俾其他小朋友排斥

aaa28

ivysuen119 發表於 18-9-3 02:37
想問下你喺屋企有無教小朋友英文？

其實轉校主要係佢以前喺村校 全日班 每日放學要補英文 唔止辛苦 仲學 ...

我剛倒轉，因阿仔讀國際學校，英文尚可，但廣東話講得很差，啲音好似外國人講廣東話咁，所以我係屋企不斷同佢講廣東話。阿仔都會用廣東話答，中間夾雜英文，但在家庭聚會，佢知我屋企人識英文，佢就吾講廣東話，扮聽吾明。
但我仔始終細，讀左一年國際學校啫，英文會有幾好？影響吾大，讀多幾年就吾知啦

不過你又吾使太擔心，小朋友適應力強，好快適應到的，你只需關心下佢同朋友相處就得，英文吾使擔心，三兩個月就聽得明老師講乜啦！

大雯bb

ivysuen119 發表於 18-9-3 02:38
我擔心佢會因為咁變得自閉 俾其他小朋友排斥

咁容易變自閉... 幼稚園同學好少排斥...
現在只不過係幼稚園學生， 放手俾佢試。

mandy_ng207

ivysuen119 發表於 18-9-3 02:37
想問下你喺屋企有無教小朋友英文？

其實轉校主要係佢以前喺村校 全日班 每日放學要補英文 唔止辛苦 仲學 ...

你打算俾小朋友將來讀國際學校定local school?
因國際學校K2後便升上Year 1，宜家已經要報名，1月就面試，你要呢幾個月同佢勁補英文，達到可以同外籍老師用英語句子對答的水平，才有望pass interview。因Year 1是全英語全日上課，學校對學生的英文水平係有一定要求的。
如果你想考直私，讀國際就會少好多練字／學數學／串字的機會，你要在家自己教，而且國際的中文十分「水皮」，你要在家自己教，否則下年考直私同樣困難重重。
同埋你囡學校有K3嗎？